ISAYA 2:11 - Biblía Axweesantá Hhohho' ar Mungú 2004

¹¹ Heé daara/ángwár xumiís ku baráy /aytiis, nee múk daara/aám ku baráy ki/is. Baalaadae AAKOÓ MUNGÚ kilós kun xirfayemiis.

ISAYA 2:11 Iomraidhean Croise

2 SAMUELI 22:28

Kuúng kudaádá' tsaen i ba/amís, ala kudaá daara/uuse in íltií tlamá/, kiri /arara'ás.

WARA'AMI 18:27

Asma kuúng i ba/amís kudá' tsaen, ala kudá' daara/aamá' in dáhh.

WARA'AMI 18:28

AAKOÓ MUNGÚ, kuúng an kudá' tsaa'aste'eé' ngi oohiís. Munguúeé', kuúng giwtir'eé' an tsaa'ás.

WARA'AMI 20:8

Múk adór kwí ta dukuuts nee tay huuhu'ún, ala atén an sihhiitaán tari /atlaán.

WARA'AMI 46:10

«Haay xasliité', tsaahhaak adór aníng tar Mungú! Aníng taa iia tleereés baraá xoorduwo, ti iia tleér baraá yaamuwo!»

WARA'AMI 46:11

AAKOÓ MUNGÚ Aleesleemusmo a dinkwa nee atén, Munguú Yakobo an dír guwayrén.

WARA'AMI 94:2

Kuúng an kudá' muu sleémeero gu sakwasleemuút, sihhiitáng, múk dara/aám sakwasleemuuteek adoodá' inooín wa hariim.

AXWEESANOÓ SAGALOOA 16:5

Umuúqo heé daara/ama ku waak nee AAKOÓ MUNGÚ, Heé adoorí sakwasleemaro i pa/iiká.

AXWEESANOÓ SAGALOOA 30:13

Barakarka aga aandiiká, daara/aango in tawo gáwtí gú', Ala gár ta tsatsahhan i káhh.

ISAYA 10:12

Qoomár Aako bar gadiyeérós sleémeero ngaa boo/eés gawaá daanduú tloomár Siyoniro nee Yerusalemuro, inós saga gawduú waawutmoó Ashuru nee daara/aangose gi sakwasleemuut, nee adoodá' tiwa kilós xirfayeemisi.

ISAYA 12:1

Baalaadae kuúng an o', «AAKOÓ MUNGÚ án kuúng u sluufmiís, asma tam geeraawo aníng iga i buuhhi, buhhtaawók iga meér, nee aníng iga gurkwa/ás.

ISAYA 12:4

Baalaadae kuungá' an oa', «AAKOÓ MUNGÚ sluufmisaak, firimaak ar umuuwós. Xoordu tlehhmi'iiwós ti xu'utise', adór umuuwós ira xirfuút na alki/iitaak.

ISAYA 13:11

AAKOÓ MUNGÚ i kaahi, «Aníng yaamu i muúx asma muruudá' tlákw i tlehhaahhitiya', nee múk tlákw un muúx asma tlakweemaaín. Aníng daara/ángw daara/uuse un faák, nee sagabi/uuín nguri yaamií hhaáf, sleeme a baabaqasaaká.

ISAYA 14:15

Ala kiíng taa gáwtá wa /arara'aás ay baraá gi'i, taa /aytiís ay baraá gwe'eedaá bohoongw.

ISAYA 2:17

Nee daara/ángw hee ku baráy ki/is, nee saga gawduú muu ku /aytiis. AAKOÓ MUNGÚ kilós baalaadae kun xirfayemiis.

ISAYA 23:9

AAKOÓ MUNGÚ Aleesleemusmo kaangwí guna qoomeés, as daara/angw'ín kudá' aa xirfuut nguwa slasla/areesi, nee mukdá' sleémeero ta ilaiwawa/i nguwa mureekeesi baraá yaamuwo.

ISAYA 24:21

Baalaadae AAKOÓ MUNGÚ slawodaá gawaá doori gi slaahh, waawituú baraá yaamu sleeme gun slaahh.

ISAYA 25:9

Baalaadae muu in ooi, «Kwí an Munguúrén, inós una damraaramaán, as atén tiwa ba/amisár ay, kwí an AAKOÓ MUNGÚ kudá' naa damraaramaán, gimsé' daxta, bara/ u iimu/umaán nee qwal/uwo as ba/amarós.»

ISAYA 26:1

Baalaadae daa'angwí ku daa' baraá yaamaá Yudawo, atén gixsár gawit a koomaán, Mungú ba/ama ngin atén ar harwediit adór koo/i.

ISAYA 28:5

Baalaadae AAKOÓ MUNGÚ Aleesleemusmo in slamángw xirif tleehhiit, iri adór slamángw hhoohhoó' tleehhiit dír mukós kudá' aa meeti.

ISAYA 29:18

Baalaadae múk ia' waslén axweesantá baraá kitaábu barka soomuús ga axaas, nee ilaá taampu niri qaytsitiyá'.

ISAYA 30:18

Gawaá adoorihe AAKOÓ MUNGÚ kuungá' nu daamaarán, as nuwa gurtlay. Inós ni tláy as kuungá' nuwa gurtláy. Asma AAKOÓ MUNGÚ a Mungú sakwasleemár ganaa' ga tlehhahhiít. Múk amohhoó' a kudá' inós gu daamaraám.

ISAYA 30:23

Mungú tluwaay nguri haniis oo kuungá' tar dahasiinda', balaangw kuri sleerá' oo tindi hamareesi nee yaamu, balángw yaariír nee oo bu'uút. Baalaadae hikwaahúng sleeme qawór yaariir ngi slayá'.

ISAYA 37:23

Ala kuúng heé taa niqiín kuri /ooslisliín a heemá? Heedaá heemá taa daanda axwés, heedá' taa niqiín kuri biibisiín a heemá? An aníng kudá' hhoohhoó' oo Israeli.

ISAYA 4:1

Qoomaadae /ameenár faanqw hhawaatuú wák gun ót tawa kaahi, «Gám atén muruú /aymaarén u /ayaán nee ti kiloorén tsiitimiisaán, ala atén ti duxut mureerén tí hingeeseek.»

ISAYA 40:23

Inós waawitá gun gáwtá wa aweeriis. Geeraharuuse gawaá daanduú yaamuwo a adór gár tawo.

ISAYA 52:6

Gawaá adoorihe muk'eé' aníng iri xuu', baalaadae ngiri xuiyá' adór heé axweés tar aníng. Aníng a diirí.»

YEREMIA 12:9

Muk'eé' kwí naa tsawaár a adór tsir/ór taa harweér bihhe sleémeero nee geenaangw, makaá sla/a ateetang ta burumburiiti as kiwa /ayi.

YEREMIA 9:24

Hee birti xirfayeemiis ti xirfayeesi as tí: Aníng iwa xui adór tar AAKOÓ MUNGÚ kudá' sla'aari warqawaaká, nee sakwasleemár ganaa' ga tlehhiít, nee hotaá gana'á' gi slaá' baraá yaamu. Asma muruuwí aníng i sla'atamis. Anuú AAKOÓ MUNGÚ tí ngina oó'.»

ESEKIELI 38:14

«Gawaá adoorihe, Heewí, aariím danduú Goguwo, ku beer, Aakoó MUNGÚ i kaahi, ‹Qoomár xooror'eé' ar Israeli iwa hot ar wayda, kuúng a xu'káhe?

ESEKIELI 38:19

Aníng tí an káh ar gwa/aateema nee ar da/i nee buhhtaaeene, asma baalaadae kuunseelír ur i ti'ít baraá yaamaá múk Israeliro.

ESEKIELI 39:11

«Baalaadae aníng dír Gogu kway fooli an sláw baraá yaamaá Israeliwo, baraá Tlapár Aauuse, tidá' ta bay Abdarimu, bihhaá da/aáw awa Tlawtá Diwi. Gogu kun didií fool dinkwa nee slaqwaruuseerós sleémeero, nee múk aauuse kuri ilaa/ as miwa loohidár óh. Tlapár slaqwaruusér Gogu, tidá' ta bay, ‹Tlapár Hamoni-gogu.›

ESEKIELI 39:22

Múk Israeli gari tsaahh adór aníng tar AAKOÓ MUNGÚ, Munguúín, iimír baldá' ay aluudae.

DANIELI 4:34

«Alaá kureeridá' faanqw niwa waarahhiyé' anuú Nebukadnesa ana gawaá doorí qaytsiít, nee fuqurangw'eé' niri kií/. Munguúdá' úr una diidi'iís nguri sluufiís nee nguri ilaiwa/amér i tleéhh kudá' hotatiím ay alhhe'eesay wasle. Asma waawuti'iimarós an waawuti'iimár alhhe'eesoó koomaaká. Waawuti'iimarós in kumaamít qari sleémeero.

HOSEA 2:16

AAKOÓ MUNGÚ i kaahi, «Slám deeloodae aníng in beer, ‹Hhawaatuueé'› i beeraaká, ‹Ba'aálieé'.›

HOSEA 2:18

Qoomaadae al'axweesani ngiri oó' nee makaá sla/a nee tsir/ór gawaá doori, slám nee naanagár baraá hhape, as miwa slahh'eesiyé', ga/ale nee paánga ngay geeqáw nee xoslaá hatlá' awa slaqwara ngiri hingeés baraá yaamuwo. Aníng kuungá' nuri tsuúq, tari hotá' ar wayda.

HOSEA 2:21

AAKOÓ MUNGÚ i kaahi, «Baalaadae aníng doori in tsuúq as tluwaay iwa baraá yaamií tluwi

Yoeli 3:18

«Slám de'emaadae tlom'i difaáidá' tsuu' ngi taxmisiyá', nee ilwa nin gawaá dindirmaá wa wa/aminá', yau sleémeero awa Yuda ma'aywo nin hatsiyá', nee kutli nin baraá doó AAKOÓ MUNGÚ wa ti'ít, xatstá Shitimu gari eemís.»

AMOS 9:11

«Baalaarihe aníng doó Daudi kudá' aa huu' u tleéhh, nee koo/idá' aa hhitirut an tleéhh, aníng sluhhaywós kudá' aa huhu'un u sihhtís, gixsadá' an malé tleéhh ngay adoodár aángií ki/ís.

OBADIA 1:8

Anuú AAKOÓ MUNGÚ kuungá' nu yaahamiís, xáy, baalaasinge múk sagalooár koóm u qwaareesaakáhe baraá Edomuwo, dinkwa nee mukdá' xu'tír kooma gawaá tloomár Esauwo?

MIKA 2:3

Gawaá adoorihe AAKOÓ MUNGÚ i kaahi, «Ga/aawaak, aníng sleeme a muruú tlákw qoomeemeés oo ni daanduuhúng i huuw, oo kuungá' ta ilagoba'aaká. Gaarí a qoomar tlaakw, tam kuungá' hi'iitanór daara/aangw kay inki/a'aaká.

MIKA 4:6

AAKOÓ MUNGÚ i kaahi, «Baalaadae aníng kudaádá' soopiím un haraki/ís. Aníng kudaádá' taa guús un ki/ís, nee kudaádá' aníng naa slahh'eemisi sleeme.

MIKA 5:10

AAKOÓ MUNGÚ i kaahi, «Qoomaadae farsuuwók oo slaqwara un hingeés diroge, nee gaardaá slaqwara ngiri hhitiím.

SEFANIA 3:11

Baalaadae tlakweemaawók kudá' tawa dee/aanút dir'eene, gár kiwa sa muruumit i káhh. Asma baalaadae mukdá' daara/aám nee ti xirfayeemiís un hingeés diroge. Slám kiíng a malé daara/utká gawaá tloomar'eé' tidá' hhoohhooe.

SEFANIA 3:16

Baalaadae gixsár Yerusalemu kan bay «Aá gixsár Siyoni ma da'ayumitaar, dabaawók mindiwa tsatiitiyé'.»

SEKARIA 9:16

Nee AAKOÓ MUNGÚ Munguúín gi ba/amis bal deeloodae, asma inooín a daqtós, inooín niri qwiirii/iyá' baraá yaamuwo adór tlaa/aá taa slamángw ar parootuús.

MALAKI 4:1

AAKOÓ MUNGÚ Aleesleemusmo i kaahi, «Asma qaytsité', baalaadá' ni hardát, i ót adór asltá gufteeri. Nee muu sleémeero kudá' sagegawdén, nee kudá' sleémeero tlehhimi'idá' tlakw tlehhaahhitá', nin muundáy tleehhitiyá'. Nee baalaadá' hardah gin qwaarés ar asla. Gár i meetis i káhh, halmi nee dee/armowo.

Luka 18:14

Án a kah, kwí iri waátl amór do'ós, kwí kilós an kudá' taa gan'amií harafaár. Asma kudá' ti kilós ureemiís, ku niinawees, nee kudá' ti kilós niinaweemiís, ku urees.»

2 korinto 10:17

Gooi i kat, «Heé ti xirfayeemiís, ti xirfayeemisi as Aako.»

2 korinto 10:5

Nee slám gár atén ta fee/itaan a umuúqo inslawaywo, kudá' il/aám, oo daara/ángw koóm, oo taa tleéhh as hee kángw Mungú munguwa xuú'. Atén umuúqo inslawaywo un ohiimaán, nee kuwa iialooesaan dír Kristo i alé.

2 Tesalonike 1:10

Adoorí in tleehharút deeloodá' ure, qoomár inós binda hardáh as inós kuwa diidi'iimisi nee mukós kudá' hhohhó', kuri xirfayemiis nee mukdá' sleémeero oo inós gwa haratlintii'. Kuungá' sleeme a deer baraadae, asma kuungá' lamabu'ungwrén una haratlintié'.

1 Petro 5:5

Kuungá' masoómba sleeme, iialooemisé' dír múk urene. Kuungá' sleémeero niinaweema ya/aamaak, as tiwa kiloohúng sagadiyusa'. Asma kaa gooín, «Mungú múk daara/aám gu sii', ala mukdá' ti niinaweemiís gu gurtláy.»