ISAYA 2:10 - Biblía Axweesantá Hhohho' ar Mungú 2004

¹⁰ Dáh baraá guruú tlaa/a, nahhaát baraá teeri geeraá dae tlaquú AAKOÓ MUNGÚ nira hardihiiká, nee geeraá xirfuú waawuti'iimarose.

ISAYA 2:10 Iomraidhean Croise

YOBU 31:23

Asma aníng a baraá de'ér ur as hhitár amór Mungú daahh, nee aníng a qiitlaaká niwa dír Munguú Aleesleemusmór qoom.

YOBU 40:13

Sleémeero tipeek baraá hhape, inooín sleémeero lu/eek baraá yaamu.

WARA'AMI 145:12

as muu kuwa xu'utisi daanduú tlehhmi'iiwók kudaádá' uren, nee xirfuú waawuti'iimarók.

WARA'AMI 90:11

A heemá heé buhhtaawók tsaahharo gi aleesláw? Adoodá' kuúng tur da'ayuumiti an adoodá' buhhtaawók ngir tsaahhiya'.

ISAYA 10:3

Hám adór ta laqa' deelór muxtaaro, deelór bambaaór ur burna amór saáwá i hardát? Heé ti ta'aiinda' a heemá oo nu /iís? Dír daqaari'iimarhúng ki qasa' a diimá?

ISAYA 25:11

Inooín daber'ín ngiri tleesiyá' adór múk baraá ma'áy wa qumburu/umiít, ala dinkwa nee xu'utir'ine AAKOÓ MUNGÚ daara/angw'ín kudá' gun suwatsaat.

ISAYA 42:22

Ala mukwí an múk taa fisiisín, nee taa mura' hayóh. Sleémeero kaa ohín nee baa'a, sleémeero kaa luú/ baraá doó tseegma. Inooín a adór makaá ta slakaati, kudá' handá' heé gi /iís i kaahh. Inooín aa haasaáng kudá' handá' heé oó', «Ki/isak.» i kaahh.

YEREMIA 10:10

Ala AAKOÓ MUNGÚ an Munguú ló', a Munguú slaáf, waawutmoó alhhe'eesay wásl, bira buúhh yaamu in daaraxaatiyá', xooro buhhtaawós saqitluuwo gi aleesleeraaká.

YEREMIA 10:7

Aá waawutmoó xoordu, oo kuúng u ilaiwawa/aaká a heemá? Asma kuúng an hariín tuwa ilaiwawa/i, oo sagaloó' adór kuúng i kaahh baraá xoorduuwo, tam baraá waawuti'iima sleémeero.

YEREMIA 13:9

«Anuú AAKOÓ MUNGÚ a kah, ‹Adoorí an adoodá' sagagawduú múk Yuda ngur hhitiim, nee daara/ángw úr oo múk Yerusalemu ngur hhaamiis.

HOSEA 10:8

Wa/aamér munguúaá hatlá' kiwa sluufmiisi ar gawaá gongooamoó Afeni, tidár tlakweemaá Israeli, ka hhitín, fuquráy nee sla/a nin ti'iitiyá' gawaá kitángw sluufáy wa ale. Inooín tlom'i kiri bay, ‹Atén ti tuuntuke,› nee gongo'oma' kiri bay, ‹Atén ti harahue'.›

NAHUMU 3:11

Kiíng sleeme an oonít tari puungahhamút, tam dír guwaay kari leelehhít as wakuuseerók.

Luka 12:5

Ala oo kuungá' ta da'ayuta' án ngu xu'utís. Mungú na da'ayumitaak, kudá' aleesleemu gu koóm oo hee nguwa kwahhi baraá asltá baloó gwaa'aaká, alaá gaasaro burngwa hhe'eés. Eeít, án a kah, kwí na da'ayumitaak.

Luka 23:30

Nee qoomaadae muu tlom'i gi bay, ‹Atén ti i hue',› nee dindirma' kay bay, ‹Atén ti tuntuke'.›

2 Tesalonike 1:9

Sakwasleemar'ín a kin qwaarees ay alhhe'eesay wasle, kiri paraatl dír gitsee/aá Aakoowo nee dír xirfuú aleesleemuuwós.