ISAYA 19:20 - Biblía Axweesantá Hhohho' ar Mungú 2004

²⁰ Muruuwí tari laya nee lamabu'uungw dír AAKOÓ MUNGÚ Aleesleemusmoowo baraá yaamaá Misriro, qoomár birna amór AAKOÓ MUNGÚ i /aa/iyé' as baramaanusmo, inós gin ba/amusmoówí ya/aaw, giri aleekalaa/, giri ba/amis.

ISAYA 19:20 Iomraidhean Croise

WARA'AMI 50:15

Án ateetáng deelór slahh'amaayeero. Án kuúng u ba/amís, aníng iri xirfayés.»

TI'INAANGW 2:23

Alaá qoomár deelór yaariir iwa waaráhh, waawutmoó Misri iri gwaá'. Xoorór Israeli slahh'amuú úr guri sleér baraá lawaali'iimaro, tari /aa/amín. /Aa/eeín niri hardihiyé' amór Mungú.

TI'INAANGW 3:7

AAKOÓ MUNGÚ guri báy, «Slahh'amaayér muk'eé' kuduú baraá yaamaá Misri aga ár. Aníng /aa/eeín iga axaás, kudá' kiwa slahh'eemisi nee sagesihhtuuser'ín, nee slahh'amuuín u xuú'.

ISAYA 19:4

Aníng múk Misri nguri haniís dír heé tlaákw, waawutmoó xaraásl giri sawaawuti'ín, Anuú Aako, AAKOÓ MUNGÚ Aleesleemusmo tí an káh.»

ISAYA 20:4

gawaá adoorihe waawutmoó Ashuru múk Misri nee oo Kushiro gu ar tláy baraá lawaali'iima, múk urén nee na/iiwo. Ginar tláy awa /aankwets nee ya'aá tawo nee gwe'ede tsee/a, múk Misri kuri mureekees.

ISAYA 37:36

Naagáy malaykamoó AAKOÓ MUNGÚ xweeraawo ina tláy slaqwaruusér Ashuru ar kume tsiiruú wák nee mibeeri dakaát nee kooán gari slururu'uús. Matlaatleero looa niwa tleér naxés mukwí sleémeero an tu'u.

ISAYA 43:11

Aníng kilooeé' an AAKOÓ MUNGÚ, ba/amusmoó hatlá' i kaahh aqo har án kilooeé'.

ISAYA 43:3

Asma aníng a AAKOÓ MUNGÚ, Munguúhúng, Kudá' Hhoohhoó' oo Israeli, ba/amusmoohúng. Yaamaá Misri afkuhúng nguna /ayiyé', yaamaá Kushi nee Seba ina kuungár waa'aláh.

ISAYA 45:15

Aá Munguú Israeli, ba/amusmo, looeemaawo kuúng a Mungú, ilaawo tu ar'aa'ariiká.

ISAYA 52:5

Hám daxta gawaá adoorihe anuú AAKOÓ MUNGÚ a kah, ‹Aníng gár ni tleehh diirihe bar muk'eé' kuna tawo ar tláy dír ilaaeé' wa ale. Waawitaáín ta tsuunqumiis.› » AAKOÓ MUNGÚ i kaahi, «Umuueé' kun /oosliislín umuú daqto.

ISAYA 55:13

Kitángw xaa'aá laqya' niwa ti'iitiya' awa laqeelaá kooma'aaká nin ti'iitiya', kitángw fuqrayhe gár ti'iit a xa'anoó ta babay hadaási. Gaarí an gár kuungá' nu islawtis daanduú muruudá' anuú AAKOÓ MUNGÚ naa tlehhiiti, slaqsoó daqisleém oo baloó fiitsitaaká.»

ISAYA 60:16

Xoordu in muruú /aymárí huwiyá', waawitá sleeme iri muruú /aymár i huuw. Kiíng daqaní a tsáhh adór aníng tar AAKOÓ MUNGÚ, aníng an ba/amusmoowók. Nee an gweerusmoowók, kuduú Aleesleemusmo oo Yakobo.

ISAYA 63:8

Asma inós ina oó', «Looeemaawo mukwí a muk'eé', na/iieé' kudaá al/aymuuseerooká.» Nee inós tari ba/amusmooín.

Luka 2:11

Asma laarí baraá gixsár Daudiwo ba/amusmoohúng kwaa laqwaál, inós an Krístó Aako.

Tito 2:13

qoomár boo/emisuú harahhifoorén kuwa daamaaramaan. Harahhifo an tí, Munguúrén oo úr nee Ba/amusmoorén Yesu Kristo nin hardah ar baraá xirif.

Yakobo 5:4

Kuungá' mukdá' aa bu'un baraá qamuuhúng wa ale ugwa bui'iiká. /Aa/aá mukdá' aa bu'un naa hardihiyé' baraá iaá Aakoó Aleesleemusmo.

YOSHUA 22:34

Tlahha'aá Reubeni nee oo Gadi kitangwdá' nguri bayé' «Lamabu'uungw.» asma ta kaahi, «Kitaangwí a lamabu'usmoorén oo ga laqaqaám adór AAKOÓ MUNGÚ tar Mungú.»