ISAYA 19:16 - Biblía Axweesantá Hhohho' ar Mungú 2004

¹⁶ Baalaadae múk Misri tari da'ayumiit adór /ameena, tari kitlkiitl daeero as dakwduú AAKOÓ MUNGÚ Aleesleemusmo aa gawaaíní tleés.

ISAYA 19:16 Iomraidhean Croise

WARA'AMI 48:6

Daaraxaay giri áy didaádí ale, tari daandeemo feehhamiít daero, slahh'amuú adór kuquú /ameenír xwayla nguri slayé'.

TI'INAANGW 11:6

Baalaadae tsuunqusmoó yaariír ni ti'iit baraá yaamaá Misri sleémeero, tsuunqumsmoó aa baloó deerutiiká, slám i baloó deerutiiká sleeme.

ISAYA 10:32

Laarír kilá' inós in sihhiit baraá yaamaá Nobu, inós kuundi'iiwós giri maamakuus amór tloomár múk Siyoni, nee amór gongoamoó Yerusalemu.

ISAYA 11:15

AAKOÓ MUNGÚ tsifrángw tlawtá Misri gu /oomees, dakós gu maamukuus daanduú yaaér Eufratero, ar fur'aarós ar kahamiis, yaeedá' iri qasít, tari yau faanqw. Muu iri waraahh ar ya'a'.

ISAYA 13:2

«Layarhúng tidár bendeéra laqaamaak, gawaá tloomár kwaankwarír wá ale, slaqwaruuse ateetaak ar afór ur, Ateetaak ar daba' as kahhó' niwa dahiiya' baraá gixsár múk urén!

ISAYA 30:17

Mukhúng oo kumuú wák in tlatlaahh barkwa dae tsaát nee heé wák, ala múk kooán burna iigahhaát, kuungá' sleémeero an tlatlahhá', kuungá' tari metá' adór xa'anoó bendeéra oo gawaá ságw tlooma, tari adór layár taa qaás gawaá gongooamo.

YEREMIA 50:37

Qatlo i gawaá farsuuín nee i gawaá gaarduuín. Qatlo i gawaá slaqwaruuser'ín tidá' taa tlaáxw as tawa da'ayuút adór /ameena. Qatlo i gawaá daqaari'iimar'ín, asma umuú gaaro kan hayoh.

YEREMIA 51:30

Slaqwaruusér Babuloni slaqwara gaa harslaaqát, naa meetiyé' baraá ku/er'ín tidá' gawden, /uureemooín naa faakiyé'. Inooín an adór /ameena, maray'ín kaa daá/ ar asla, muqslár afér maray'ín kaa giqáy.

OBADIA 1:9

Tam kiíng gixsár Temani sleeme, miguuseerók iri amooqwaqwdiín, ay dír umuúqo heewo kway gaasi gawaá tloomár Esauwo.

NAHUMU 3:13

Ga/aaweek, xuumuuseerok a da'ayuuse adór /ameena, afér dahmuú baraá yaamuuwók i kístí dirí' dír wakuuseeroge, asla duuxuteerós sleémeero gaa /ák.

SEKARIA 10:11

Inooín nin waarahhiyá' ar baraá tla/ángw tláwtá slahh'amaaye, aníng gwaanduúwós kuduú ma'aay nguri slaáhh, nee iloodaá yaaér Nili niri /oná', daara/ángw Ashuru kuri hhitín, nee /uuruú múk Misri iri faak.

SEKARIA 2:13

Kuungaásingaá muu sleémeero, dír geeraá AAKOÓ MUNGÚ i xaslitaak, asma inós naa dirós tidá' hhoohhoó' wa tláy.

SEKARIA 2:9

«Ga/aawaak, dakw'eé' un mamukuús gawaaín i alé, inooín tay lawaalér kudá' nga sagadiyuusiye'.» Kuungá' kay tsahhá' adór aníng AAKOÓ MUNGÚ Aleesleemusmo ira ya/aáw.

1 Korinto 2:3

Gawaá adoorihe aníng niwa hardáh, ti daqatlaákw ana daaraáx daeero.

2 korinto 5:11

Gawaá adoorihe atén Mungú un ilaiwawa/aán baraá muneerene umuúqo daqto. Gaarí an gár muu atén kus afa /asliimaan amór Mungú i alé. Mungú atén ti ló'wa xuu' adór atén tay diriiaan, nee slám aníng a harahhiíf adór kuungá' sleeme baraá munerhunge atén tira tsahhé'.

Ebrania 10:31

A gár dae tlaaq kángw kilá' wa ale bara huuaán baraá dabaá Munguú slaáf i alé.