ISAYA 19:11 - Biblía Axweesantá Hhohho' ar Mungú 2004

¹¹ Geeraharuusér Soani a daktanár huwisha. Gurbu'uusér sagalooár koom ar Farao gurbu'tá dakatu'uuma gan kát. Alók adór Farao kura beeré', «Aníng a na/oó heé sagaloó' a na/oó waawutmoduú aáng.»

ISAYA 19:11 Iomraidhean Croise

1 WAAWITÁ 4:30

Solomon múk yaamaá da/aáw nee oo Misriro gi baa/ sagalooaro.

1 WAAWITÁ 5:10

Hiramu Solomon guri xaai sláy awa sahhta nee awa miberoshi adór inós ngira slaá'.

YOBU 12:17

Hara'ayuuse gan máy iwa /aankwetsúr hi'iimit Har'ohuuse gari daktu'uu'úy.

WARA'AMI 33:10

AAKOÓ MUNGÚ axweesanoó múk xoordu taa qoomeemeés guna hhitín, muruudá' ta aldakuút guri warqeés.

WARA'AMI 73:22

aníng nari adór daktani tleehhiít, /aymuú ni xuu' i kaahh, aníng a adór makiito'o dír geeraawoge.

WARA'AMI 78:12

Dír geeraá baabi'ii'ine muruú waa/oo/amo guna tleéhh, baraá yaamaá Misri baraá qamaá Soani.

WARA'AMI 78:43

Adór layuuwós ngira tleéhh baraá Misriro, waa/oo/amoorós baraá qamaá Soani.

WARA'AMI 92:6

Heé daktani muruuwí gu tsaahhiiká, tam heé tliíf ga xuiiká sleeme.

TI'INAANGW 8:14

Muu aamaxupaadá' gari burumburín, gari ufe tlehhiít, yaamu niri tsutsuiyé'.

TI'INAANGW 8:4

Aluuwo aamaxupaasíng iri gawaawók i tsa/aán, nee gawaá slaqwaá mukók, nee gawaá slaqwaá geeraharuuseerók.› »

AXWEESANOÓ SAGALOOA 30:2

Looeemaawo aníng a daktani, a adór heewooká Tsaahhár adór tiqár hee i káhh dir'eene.

ISAYA 19:13

Geeraharuusér Soani a daktana, nee geeraharuusér Memfisi kaa al/aáy, tla/uudá' sleémeero ta harahhifi baraá tlahh'iiwo, an kudá' múk Misri ngwa geerahariye' baraá qwanaay.

ISAYA 19:3

Múk Misri iri sage qwaqwdín, aníng kangw'ín kudá' naa qoomeesiyé' un hhitiím, Inooín gurbua ngiri leehhiyá' dír slaqsi'idaá mungui nee dír gi'i nee dír iigu'utuuse nee da/aluuse.

ISAYA 29:14

Gawaá adoorihe, ga/aawaak, aníng tlehhmuú waa/oo/amo u malé tleehh dír mukwí, tlehhmuú waa/oo/amo nee oo dae tlaáq. Mukdá' sageelooén iri sageeqwaar, nee daharuú mukduú daharuú koóm iri suquut.»

ISAYA 30:4

Asma tam geeraharuuser'ín naa hardati Soani, nee tam ya/abuuseerós aa hardati ay Hanesi,

ISAYA 44:25

Aníng layudaá lama in hhitiím, kudá' tlaa/aá xuá' in daktana tleéhh, axweesantá múk sageeloén an sií', tam xu'utir'ín an daktu'uuma tleéhh.

YEREMIA 10:14

Umuúqo heewo ku iimiboó/ nee i fuqurángw konká. Umuúqo kareeramoó sahaábuú kwahhuuta ku mureekees nee slaqsi'iiwós kudae, asma slaqsi'iidá' a lamtá tawo, i slafíngw kon'aaká.

YEREMIA 10:21

Anuú Yeremia niri oó', «De'eemuuse a daktu'uumít. Inooín AAKOÓ MUNGÚ ngu firirina'aaká. Gawaá adoorihe slaasláwár i slaya' i káhh. Bee/angw'ín sleémeero aa qaroó diyaaya/aát.

YEREMIA 46:17

Farao waawutmoó Misri umuú /abén ti tsate', ku beera', «Tseeór tawo ar looa dahamis.»

YEREMIA 49:7

Axweesantí an tidá' AAKOÓ MUNGÚ Aleesleemusmo aa oó' daanduú múk Edomuwo iwa kaahi, «Xáy, sagalooa i káhha baraá Temaniro? Xáy, kudá' daharuú koomá' hara'aya aa qwádi dir'ine? Sagaloa aa qwanaay hhe'ési?

YEREMIA 8:9

Mukhúng oo sagaloó' ku mureekees inooín naa sagaqwaariyé' nee kiri ohín nee tsaaxwel. Inooín axweesantá AAKOÓ MUNGÚ ngaa si'iyé'. Xáy daxta sagalooár inooín i kona' a gaalá?

ESEKIELI 28:17

Ana daara/út asma tuwa hhoohhoó', sagalooarók ana hhitiín ar xirfuuwók, aníng kuúng una yaamií kwaáhh, uri murekeés dír ilaá waawitá wa ale.

ESEKIELI 30:14

Gixsár Parosi a tawo tleéhh, gixsár Soani a ásltár daá/, gixsár Tebesi ngiri sakwasleemuút.

ESEKIELI 7:26

Amotlakwe i baloó lakitká, muruú tlákw ti alkoomaakón hardahmuuwo. Iigu'utu ngun leelehhiyá' dír aaruuseero, kaahamuuse dabe ga xu'ká, hara'aya dír bariiseero i káhh.

OBADIA 1:7

Mulqerhúng ar kilá' nuna dáhh nuri tlatlahhás baraá yaamuuhunge. Mukdá' nee kuúng waydúr hotaatimá' nuna al/aáy nuri ar baá/. Kudá' nee kuungá' naanuú em'aaemá, tsaaxweeli ngaa qaasiyé' dír ya'aawók, tawa kaahi, «Laatí, gár i aleeslay iqo káhh.»

OBADIA 1:8

Anuú AAKOÓ MUNGÚ kuungá' nu yaahamiís, xáy, baalaasinge múk sagalooár koóm u qwaareesaakáhe baraá Edomuwo, dinkwa nee mukdá' xu'tír kooma gawaá tloomár Esauwo?

FAARO 13:22

Tana tláy ay Negebu, tari hardáh ay gixsár Hebroni. Tlahhoó Anaki in baraadá' hoot, inooín án múk Ahimani nee múk Sheshai nee múk Talmai. (Gixsár Hebroni kana geerií qaro tleéhh kureeri faanqw dír gixsár Soaniro tidár yaamaá Misri.)

Tlehhema'aá ya/Abuuse 7:22

Mose kuri intsaahhatimís sagalooár múk Misri sleémeerowo. Tari heé ilakaahaár baraá axweesanto nee baraá tlehhemi'iwo.