ISAYA 17:3 - Biblía Axweesantá Hhohho' ar Mungú 2004

³ Koo/idá' gawden ar Efraimu i hhaán, nee waawuti'iimár múk Damasko i qwát, múk Aramu oo aa meet kuri niqín adór múk Israeli. Anuú AAKOÓ MUNGÚ Aleesleemusmo tí án káh.

ISAYA 17:3 Iomraidhean Croise

2 WAAWITÁ 16:9

Tiglat-pileseri firoodár Ahasi gari ya/án, gixsár Damasko gari i haraatláy nee ngiri hayóh. Waawutmo Resini oo Aramu guri gaás, muu guri ar tláy ay Kiri.

2 WAAWITÁ 17:6

Kurkú gwaleél oo waawuti'iimár Hosheawo, waawutmoó Ashuru gixsár Samaria gana hayóh, nee múk Israeli guri ar tláy ay yaamaá Ashuru. Muu guna bahh qaás baraá gixsár Hala, bahh'alé dír afaá yaaér Habori, nee yaaér Gosani nee bahh'alé baraá gixsár Media.

ISAYA 10:9

Xaysé', Kalno adór ngi laaq a adór Karkemishirokáhe? Hamati a adór Arpadirokáhe? Samaria a adór Damaskorokáhe?

ISAYA 16:14

Ala daxta AAKOÓ MUNGÚ i kaahi, «Kureeraá tám faaraak adór heé ta bu'un ir deelór fadiiti, xoongír múk Moabu ka qoongo'oos, tam mukós ku ló'wa yaariire, ala múk meét ku niiná, nee ku liitlakwén.»

ISAYA 17:4

«Baalaadae xirfuú múk Yakobo i qwaar, nee slaqooín kudá' naa wahhdiitiye' i faakiyá'.

ISAYA 25:2

Asma kuúng gixsa ana /aantani tléhh, nee koo/ír gawit kari gixsár aa hhiturut tléhh, nee maraá dahaaye tari sangw gixsaroká, sleeme ki baloó /abeesiiká tleehhamoro.

ISAYA 7:16

Asma dír na/aywí muruú tlákw si'imaawo ngura aleeslayká nee oo hhó' tsawaararo ngura aleeslayká, yaamaá waawitáwí tsár ta daiimit in xaanxay tleehhitiyá'.

ISAYA 7:8

Asma ságw Aramu a Damasko, nee oo Damasko a Resini, (nee baraá kureeraá mibeeraá lahhoó' nee kooane Efraimu in qeqtín, as miwa baloó tlahhoó muu tleehhiít.)

ISAYA 8:4

Asma dír na/aywí axweesani ngira aleeslayká, daqaari'iimár Damasko nee haasaánguú baraá Samariár daáhh kin huuw amór waawutmoó Ashuru.»

HOSEA 1:4

AAKOÓ MUNGÚ iri oó', «Umuuwós ku beer Yesre'eli, asma deelór aa met ka ureeká, doó Yehu u hhitiím, asma tseerér aa ku'uús baraá Yesre'eli nee waawuti'iimár doó Israeli an suqúw.

HOSEA 1:6

Gomeri iri malé tsít, dasi gari xwayluúr. AAKOÓ MUNGÚ Hosea guri báy «Umuuwós ku beer, Lo-Ruhama. Asma múk Israeli u baloó gurtlawaaká, tam ado gaalá.

HOSEA 10:14

Gawaá adoorihe slaqwaruuse ni haratleér amór mukók, nee maraywók kudá' koo/i gawden kiri yaamií hhaaf, adoodá' Shalmani Beti-arbeli ngira yaamií hhaáf bál slaqwaraaro, ín aayo kiri nakaa/arúy dinkwa nee na/ii'ine.

HOSEA 3:4

Asma múk Israeli deelór yaariire i waawutmoó kon'aaká, laqaá heé úr, laqaá ilahhooár muruú ta tsu/i, laqaá /aampa, laqaá naifeéra laqaá tam slaqsa'aá munguii'ín.

HOSEA 8:8

Xoorór Israeli kaa guú/, hamí ta baraá tla/ángw xoordaá hatlá' adór xooslmoó ado wásl.

HOSEA 9:11

Xirfuú múk Israeli i adór tsir/ír wa tláy iri sawees. Na/ii ki laqwaliiká, /ameenír tsiiháy i kaáhh, laqaá tam /ameenír tsih i káhh.

AMOS 8:14

Kudá' lo'o ngaa /ayiye' ar umuú munguúín kudá' ta bay Ashima, oo gixsár Samaria, iwa kaahiya', ‹Ar adoodá' munguú Dani ir daadeér,› nee ‹Ar adoodá' munguú Ber-sheba ir daadeér,› mukwí i huuhu'ún, iri baloó sihhiitiiká.»