ISAYA 17:14 - Biblía Axweesantá Hhohho' ar Mungú 2004

¹⁴ Muu ngun mak dae tsatiyá' qoomár tsiindoowo, ala koonkomo iwa uui inooín i qaroó kahhiyá'. Mukdá' muruurén gu hayoohiím kun adoorí laaq, nee kudá' muruurén hara/uuntsimá' tí gi sleér.

ISAYA 17:14 Iomraidhean Croise

2 WAAWITÁ 19:3

Isaya nguri bayé', «Hesekia i kaahi, ‹Laarí an deelór slahh'amaaye nee ar mureekesaay, nee ar /ooslisliingw, asma atén a adór /ameenír xwaylár slaa', ala /uuruú na/aay ngur xwayluur i kaahh.

2 WAAWITÁ 19:35

Naagáy xweeradaá kilae malaykamoó AAKOÓ MUNGÚ iri dáh baraá xafoó slaqwaruusér múk Ashuru i diri', múk kume tsiiruú wák nee mibeeri dakaát nee kooán guri tsuú/. Qoomár looa niwa tleér, qatuuwo niwa tláy naxés tu'u naa qaró hhaafmitiyé'.

YOBU 20:29

Gaarí an slaslawár heé tlaákw i slay dír Munguhe, an gár Mungú aa qoomeés tawa hariímár heé tlaákw.»

WARA'AMI 37:36

Ala aníng niwa waaraáhh, ugwa ariiká, una mak leeleéhh naxés i kaahh.

AXWEESANOÓ SAGALOOA 22:23

Asma AAKOÓ MUNGÚ inooín gi aleekalaa/, Mukdá' muruú múk hayohiím ar /uuru, AAKOÓ MUNGÚ gi slafiingw hayoh.

ISAYA 10:25

Asma alaá deelór niinawe buhhta i faakiyá', nee buhhtaaeé' i warqayá' amór múk Ashuru ngiri qwaareés.

ISAYA 21:12

Xuumusmo iri oó', «Looa niqo tlatleér, nee xweera ni hardihiyá' sleeme. Kuúng bar yaahamisuú slá', yaahamiís, ta tleér, ni malé kí/.»

ISAYA 29:2

Tam adoorihe, aníng Yerusalemu a slahh'eemiís, tari /aa/amín nee tari tsuunqumiis, gixsarí iri kitángw ilahhooa tleehhít.

ISAYA 29:5

Wakuuseerók tidá' yaariir i adór teeri tleehhít, nee mukdá' kiíng iga baramaanumaamiis ku adór tsinór balaangw tleehh, kaangwí in gaanslár tleehharuut.

ISAYA 29:7

Nee boohhár xoordu sleémeero kudá' slaqwá' amór Yerusalemu, kudá' slaqwá' amór koo/ír gawit ar gixsa as ngiwa baramaanusiya', in adór tlata tleehhitiyá', nee adór iigu'utuú xweera.

ISAYA 30:28

Hiinsluuwós a adór yaaér wa/amiim, adór yaaér aa hats ay isa, as xoordu ngiwa baraá guruú tuumbírár uhisi as ngiwa hhaamisi, nee hima nguwa tseegi gawaá taqesamaá xoordu oo gi huúw baraá qwanaay.

ISAYA 33:1

Tsaxwaawók kuúnguusíng hhitaatiím, ala kuúng taa hhitinká. Tsaxwaawók kuúnguusíng al/agaagiím ala kuúng taa al/ayiiká, bál bar aga hhe'és hhitaaro, kuúngú kilá' turi hhitín bal bar muu al/agingo ugwa hhe'és, kuúnguú kilá' turi al/aay.

ISAYA 33:18

Inslawaywók gár dae tlaaq ar aa waarahh gari insláy tari o', «Mukdá' atén ta fadiit nee ohme gaa qoomeemees ar xooslmo i amoomá? Mukdá' /aampuurén awa xuuma ga tsawtsawumamiis i amoomá?»

ISAYA 34:17

AAKOÓ MUNGÚ umuú makiito'ooro gaa dirósí haniís, yaamu dakose gina ka'amiís dir'íní ale ar hhutlmoó qoomeemes. As ngiwa aaliya' ay alhhe'eesay wasle, niri baraadá' wa hootiyá' qari sleémeero.

ISAYA 41:12

Kudá' nee kuúng ti tlaampa'aamisá' kuúng in leeléhh ala i sleeraaká. Kudá' nee kuúng slaqwá', sleémeero a gár tawo.

YEREMIA 13:25

AAKOÓ MUNGÚ i kaahi, «Gaarí an tidá' kuúng u slaw, gaarí an tidá' anuú AAKOÓ MUNGÚ naa kuúng i qoomeés, asma kuúng aníng iga gunqaarés, lameemo kiri harahhíf.

YEREMIA 2:3

Múk Israeli a múk hhohhó' dír AAKOÓ MUNGUHE, xwaylarós tidár baris. Heé gi gár tlaákw i tleéhh i hhitiruut, amotlakwe ga sláy.› Anuú AAKOÓ MUNGÚ tí ngina oó'.»

YEREMIA 49:10

Ala aníng umuú gaaro dír Esauwo aga hayóh, una duúx didaádá' i hotaatina, nahhaata ga malé aleeslayká. Na/iiwós nee hhaeewós nee inslaawaywose kaa hhaamiís. Tam oo wák aa meet i kaahh.

ESEKIELI 39:10

Migír ngu ay'aaká baraá slá/tí ale, laqaá xaai ngi tlaquú ay'aaká baraá darma, asma xooslaadár slaqwara ngin ásltár oohamisiyá'. Inooín daqaari'iimár mukdá' aáng daqaari'iimar'ín gaa hayoh ngin hayohír, nee muruú mukdá' muruuín gwa ar tlay ngun ar tlayá'. Anuú Aakoó MUNGÚ tí aga oó'.»

SEKARIA 2:12

Nee AAKOÓ MUNGÚ xoorór Yuda gari aal, baraá yaamuudá' hhoohhoó' wa alé, inós Yerusalemu gay malé tsawaar.

HAR'OHUUSE 5:31

«Aá AAKOÓ MUNGÚ, wakuuseerók sleémeero i hhaan. Ala mulqeerók masók i gwa/át adór tsee/amá qoomár bindi tsirariihh.» Yaamu wayda nguri slayé' har afiqoomár kureerí mibeeri tsiyahhe.