ISAYA 17:12 - Biblía Axweesantá Hhohho' ar Mungú 2004

¹² Kwaaraa/ír múk yaariír iiárií qaasaak, kwaaraa/ir'ín a adór gwaanduú tlawi. Kwaaraa/ír xoordu iiárií qaasaak, inooín in kwaaraa/iyá' adór hhaahhoó ma'aá yaariir.

ISAYA 17:12 Iomraidhean Croise

WARA'AMI 18:4

Tsaxwaá gwa'ara ina /amatseegiyé' bihhe sleémeero. Hhituru'uuma ina dae tsát adór alwuo.

WARA'AMI 29:3

Afór AAKOÓ MUNGÚ ka axamiis, i gawaá ma'aay. Munguú xiríf kwarara/a ga kududuhuus. Afór AAKOÓ MUNGÚ ka axmiis gawaá daanduú tlabeemo!

WARA'AMI 83:2

Asma qaytsiít, wakuuseerók aa leexwaandút, nee kudaádá' kuúng u ahhiitá', i xoongír tleemisiyá'.

ISAYA 13:4

Tseeór gawaá tlooma iiárií qaasaak, a adór afór boo/oó yaariír oo muu. Tseeór waawuti'iima iiárií qaasaak, nee ar xoordaá naa dinkwaárí buruumburiitiye', AAKOÓ MUNGÚ Aleesleemusmo i slaqwaruuseerós tsee/aarín as iwa slaqwarár eer.

ISAYA 28:17

Aníng sakwasleemár ganaa' anar gadiyuús tawa xooslmooeé' oo qoomeemes, nee hotaá ganaa'á' tawa hhutlmoó qoomeemes, lamemoohúng kudá' ta i gogoba' kin xoontsoroo' nee tluwoó tlaa/e, nee al/aymarhúng tidá' tay nahhmita' kan ar tlay nee alwuór ma'aay.

ISAYA 54:17

Xooslár slaqwara tidá' taa tleéhh as tawa slaqwi nee kuungá', kuungá' adór nu /is i káhh. Heé bura sakwasleemuút doó kwasleemaro, kuungá' an baaliindá'. Gaarí an gadaádá' sagadiyuuser'eé' i sleer, an hariímár naa dír'ín i haniís Anuú AAKOÓ MUNGÚ tí ngina oó'.»

ISAYA 8:9

Kuungaá múk xoordu tundu giqáy, tunduri amoqwaarees. Iia qaasaak, kuungá' sleémeero awa ayeemaá sawen baraá yaamuwo Ti amohhe'ese' as tunduwa amoqwaareesi, ti amohhe'esé' as tunduwa amoqwaareesi.

ISAYA 9:5

Asma xooslaá slaqwara sleémeero awa hee i kon qoomár slaqwaraaro, nee tlabaá taa baraá tseereérár tiloók, kaa amohhe'eés kiwa hhaamisi, i migír tleehhitiyá' oo ta ásltár oohisi.

YEREMIA 6:23

Inooín ga/aldu nee lawlu nga baraá dabaaín i oohiyé', múk xaraásl i gurtleemú konká, i kududuhiyá' adór hhaahhoó' ma'aay. Naa tsa/ané' gawaá daandeemaá faras, taa amohhe'eesiyé' slaqwaraaro daanduú Siyoniro.»

ESEKIELI 43:2

Ga/aawaak, xirfuú Munguú múk Israeli niri da/aáw wa hardáh, afoorós adór kududuhoó úr oo xuraaír ma'aá yaariir, yaamu niri gwa/aatiyé' xirfuuwose.

DANIELI 7:2

Danieli iri oó', «Aníng iigu'utu una ár xweeraawo, naxés fur'a i fukuukú' bihhe sleémeerowo nee i tlawtá /eeragaamís.

MIKA 4:11

Hám daxta xoordaá yaariir naa burumburitiyé', gixsár Yerusalemu ngaa harweeriyé', as kuungá' múk Yerusalemu tunduwa i haratlay, ta kaahi, «Gixsár Yerusalemu ka hhitin. Ilaarén taangór gixsarí ngi ariye'.»

FAARO 10:35

Umuú daqto qoomár sandakmo bur ku ar tlatláy Mose in ooi, «Aá AAKOÓ MUNGÚ, tlawáng wakuuseerók diya/eek, nee kudá' u ahhiitá' i geeraawók wa guwiye'.»

Luka 21:25

«Qoomaadae laya kingi laqán ar gawaá tsee/amá, nee slahhaangw nee tsetse/. Nee baraá yaamuwo muu i baraá slahh'amuú yaariír i dirii', ta baraá daér yaariír i dirii', asma adoodá' tlawi iwa amoqwaqwadiin.

Geehhoeemaá 17:1

Malaykamoó wák niri hardáh. Inós a malaykamoó wák baraá malaykeedá' faanqwe, tidá' slooqa'aá faanqw gi koom. Inós iri amor'eé' axweés iri báy, «Qwaláng amoorí. Aníng sakwasleemár tsaatuso'oodá' ur ngi dirógií laqaám. Inós a tidá' aa iwit gawaá ma'aá yaariir i alé.

Geehhoeemaá 17:15

Aluuwo malaykamoodá' iri báy, «Ma'aydá' taa aán, kudá' /ameenidár tsaatuso'o aa al iwít, a muu nee boo/aay nee xoordu nee tsifri.