ISAYA 17:1 - Biblía Axweesantá Hhohho' ar Mungú 2004

¹ Kaangwí a iigu'utuú Mungú aa laqán daanduú gixsár Damaskoro, i kaahi, «Ga/aaweek, gixsár Damasko in hhaán iri baloó gixsárí ki/ká, in hhitirút iri ufa tleehhít.

ISAYA 17:1 Iomraidhean Croise

IIMU/UUNGW 14:15

Tiri amohhe'eesiyé' as tawa slaqwi nee waawitaádá' xweeraawo. Ala Abramu nee mukós waawitaádá' kuri baál, kuri tlatlahhaás amór yaamaá Hoba, kudá' bihhaá /iya awa yaamaá Damasko.

IIMU/UUNGW 15:2

Abramu iri oó', «Aá Aakoó Mungú, gár ni aníng i hanis a milá? Aníng baraakaá yaamu in geexáw tam na/aay u koomaaká. Nee heé dooeé' gu aál, a Elieseriwí oo Damasko.»

1 WAAWITÁ 11:24

Alaá Daudi múk Soba nguwa tsuú/, Resoni malguuse gana burumbuúr, inós nguri geeraharusmooín wa qaasiyé'. Naagáy Resoni nee mukós tari tláy ay Damasko, tari amoodá' wa hoót, Resoni kuri waawutmoó Damasko wa qaás.

2 WAAWITÁ 16:9

Tiglat-pileseri firoodár Ahasi gari ya/án, gixsár Damasko gari i haraatláy nee ngiri hayóh. Waawutmo Resini oo Aramu guri gaás, muu guri ar tláy ay Kiri.

1 QOM'I 18:5

Qoomár múk Aramu oo Damasko ngiwa axaás adór Daudi nee waawutmo Hadadeseri oo Soba tara slaáqw, inooín Hadadeseri nguna alee/iisár ayé'. Daudi múk Aramu oo kume mibeeri tsár nee tsár guri tsuú/.

2 QOM'I 28:23

Asma ilahhooár muruú ta tsu/i gana haniís dír munguidaá múk Damasko, kudá' inós ngwaa baaliye' slaqwaraaro, as iwa kaahi, «Asma munguiiká' bar waawituú Aramu nguna /iisiyé', aníng bira ilahhooár muruú ta tsú/í haniís sleeme i /iisiyá'.» Ala munguiidá' inós nguna ak hhaamiisiyé' nee xoorór Israeli sleémeerowo.

2 QOM'I 28:5

Ahasi kuri geexáy nee AAKOÓ MUNGÚ Munguúwós guri haniís kuwa baali nee waawutmoó Aramu, daqaari'iimár yaariir ar mukós kari ar tláy ay Damasko. Inós sleeme kuna haniís kuwa baali nee waawutmoó Israeli, mukós oo yaariír guri tsuú/.

ISAYA 10:9

Xaysé', Kalno adór ngi laaq a adór Karkemishirokáhe? Hamati a adór Arpadirokáhe? Samaria a adór Damaskorokáhe?

ISAYA 13:1

Kaangwí a iigu'utuú aarusmo Isaya, garmoó Amos aa ár daanduú Babuloniro.

ISAYA 15:1

Kaangwí a iigu'utuú daanduú Moabu. Asma gixsár Ari tidár baraá yaamaá Moabu kana xweeraá gaás, nee gixsár Kiri tidár baraá yaamaá Moabu kana xweeraá gaás.

ISAYA 19:1

Kaangwí a iigu'utuú Mungú aa laqán daanduú yaamaá Misriro. «Ga/aaweek, AAKOÓ MUNGÚ aa tsa/án gawaá huunkír inslaahh, i amór yaamaá Misrír káy, slaqsi'iidá' munguaá Misri niri dír geeraawós wá daaraxaatiyá', Gur'ér múk Misri ma'aay ngay dal/aná'.

ISAYA 25:2

Asma kuúng gixsa ana /aantani tléhh, nee koo/ír gawit kari gixsár aa hhiturut tléhh, nee maraá dahaaye tari sangw gixsaroká, sleeme ki baloó /abeesiiká tleehhamoro.

ISAYA 37:26

Kuúng kaangwí ugwa axaskáhe adór aníng kangw'eé' ngura qoomeés iimír aange, iimír aange ador'eé' tí ana qaroó qoomeés tí hám laarí tleehharuumiit tí kuúng gixsadaá koo/i gawden kiwa hhaamís tari ufér tsa/eewasi.

ISAYA 7:16

Asma dír na/aywí muruú tlákw si'imaawo ngura aleeslayká nee oo hhó' tsawaararo ngura aleeslayká, yaamaá waawitáwí tsár ta daiimit in xaanxay tleehhitiyá'.

ISAYA 7:8

Asma ságw Aramu a Damasko, nee oo Damasko a Resini, (nee baraá kureeraá mibeeraá lahhoó' nee kooane Efraimu in qeqtín, as miwa baloó tlahhoó muu tleehhiít.)

ISAYA 8:4

Asma dír na/aywí axweesani ngira aleeslayká, daqaari'iimár Damasko nee haasaánguú baraá Samariár daáhh kin huuw amór waawutmoó Ashuru.»

YEREMIA 49:2

Gawaá adoorihe, AAKOÓ MUNGÚ i kaahi, «Ga/aawaak, deelo ni hardát ar aníng slaqwara ngiwa tlees, /aa/e kiri axaas baraá Rabár Amoniro, inós tari ufuú xwaansláy, nee ayeemaá iisaapaywós kiri daa/ ar asla, aluuwo mukdá' múk Israeli gwaa aal, kuri aal nee múk Israeli.

MIKA 1:6

Aako i kaahi, «Gawaá adoorihe aníng gixsár Samaria a /aantani tleéhh baraá tla/ángw xatsto, tari adór dír ta xaa'aá sabiíbú i dahamamisi. Nee tlaa/eedá' tara tleehhiít in kwaáhh baraá xatsa, iihhafiiriirós ngiri geehhoeés.

MIKA 3:12

Gawaá adoorihe, siyoni, gixsár Mungú, ka doosl adór qaymór wá alé, Nee Yerusalemu iri taango tleehhít asma kuungá'. Nee tloomadá' taa Doó Mungú i tleéhh, iri gara tleehhít sleeme.

SEKARIA 9:1

Kaangwí an geehhooemaá axweesantá AAKOÓ MUNGÚ daanduú gixsár yaamaá Hadraki, nee awa Damasko, asma gixsaduukaá Aramu awa AAKOÓ MUNGÚ, adór tlahh'aá Israeli sleémeero tar kós.

Tlehhema'aá ya/Abuuse 9:2

Barwadaá i huwi baraá gixsár Damasko, awa taa gooín amór maraá saaliingw, giri firín, as múk loohír Mungú gaa eehar oo aa sláy nguwa tsegiiti, nee nguwa huwi baraá Yerusalemu, ta hhawaate laqaá /ameena.

DABE 13:16

Haasaánguú baraá gixsadá' burumburaak dír tsee/aá /awaak awa gixsa, gixsadá' ka da/á' ar asla dinkwa nee haasaángudae, tawa adór ilahhooár ádkoóm ar ta da/i dír AAKOÓ MUNGÚ, Munguúhúng. Gixsarí tari taango ay alhhe'eesay wasle, ka male /abesiiká tleehharo.