ISAYA 16:8 - Biblía Axweesantá Hhohho' ar Mungú 2004

⁸ Asma qamaá Heshboni naa /ootsiyé', tam sabiíbuú Sibma sleeme, kudá' bariisér xoordu gaa ooniitamaamis, halemiiwós niri hardihiyé' ay Yaseri, niri harweriné' ay baraá xaanxaay. Harma/oorós iri hardát tlawto gayuuqá'.

ISAYA 16:8 Iomraidhean Croise

2 SAMUELI 1:21

«Kuungaá tlom'aá Gilboa, tluwaay miwa tluúw ayahunge, tam qamuhúng mindiwa gaa hamaresiyé' umuú qoomaaro, asma amoosinge gaambuudaá miguuse kaa meetagaás, gaambór Saulo kaa slikiiká ar di/i.

ISAYA 10:7

Ala adoorí a adór aa kilós slaiiká, nee sleeme a adór muunaáwose i aldakutiiká, as baraá muunaáwose gár aa káh a hhita nee xooro amór saáwí diyaa/a, ala sleeme a xoorór niinaweeká.

ISAYA 15:4

Múk Heshboni nee oo Eleale i /aa/amín, afór /aa/eeín kari axaás gixsár Yahasír wa alé, tam slaqwaruusér Moabu in tseeamiín /aa/eewo, gur'er'ín i kitlkítl daeero.

ISAYA 16:9

Gawaá adoorihe, aníng a /aa/amiím dinkwa nee Yaseri as sabiíbuú Sibma, aga hhuuntsuumiít /aa/eewo as kuungá' kuungásingá gixsadaá Heshboni nee Eleale, ururu'umisuduú qoomár fiiqit aa faák.

ISAYA 24:7

Sabiíbu i kahaakah, difaái i káhh, nee mukdá' sleémeero ga saqwalalaá/ i tiiq gurhaamiro.

YEREMIA 48:32

Aníng sabiíbuú Sibma un ak alee/aa/amiím ta múk Yaseriro. Asma haleemiiwós nina harwaaraahhiyé' tlawto gayuuqá', niri Yaserirí hardihiyé'. Ala mamuuwók awa qoomár fiiqit, nee sabiíbuwók hhitusmo gwaa hhitín.

FAARO 21:32

Aluuwo Mose muu guri ya/aáw as gixsár Yaseri ngiwa tsawtsawusár aya', ngiri hayohiyé' dinkwa nee ayeemaá isaapaydá', múk Amori oo baraadá' hoót kuri guús.

FAARO 32:3

«Gixsaduuká' ta bay Ataroti nee Diboni nee Yaseri, nee Nimra nee Heshboni, nee Eleale, nee Sebamu nee Nebo nee Beoni,

FAARO 32:35

nee Atrot-shofani nee Yaseri nee Yogbeha,

FAARO 32:38

nee Nebo, nee Ba'al-meoni (umér gixsaduuká' kana warqeés), nee Sibma. Inooín umér gixsaduudá' naa tleehhiyé' ngina warqeesiyé'.

YOSHUA 13:19

nee Kiriataimu nee Sibma nee Seret-shahari, tidár gawaá tloomadár baraá xatsa.

YOSHUA 13:25

Digmuuín a yaamaá Yaseri, yaamaá Gileadi sleémeero nee tlaqtá yaamaá Amoni ay Aroeridár bihhaá da/aáw awa Raba,