ISAYA 16:7 - Biblía Axweesantá Hhohho' ar Mungú 2004

⁷ Gawaá adoorihe Moabu mawaak i tsuunqumis, Umuúqo heewo baraá Moaburo mawaak i tsuunqumiisi, ta tsuunqumiisi as slahhtadá' ur naa slayé', nee as mikaáteedá' taa tleéhh ar sabiíbu, ar baraá Kirihareseti.

ISAYA 16:7 Iomraidhean Croise

2 WAAWITÁ 3:25

Gixsaduuín kina fe/iít. Umuú dír tara waaraahhi baraá qaymooro umuú heewo tlaa/ano guna tsaxaár, qaymo tlaa/eewo iri háts. Kutloó ma'aay nguri tipiyé' nee xaa'aá hhohho' kiri tlaáq. Aluuwo gár aa met a gixsár ur ar Kir-heresi kilós, kari harweér nee múk kuukumayár tlaquút, kari hayóh.

1 QOM'I 12:40

Nee sleeme inslaaway'ín oo tseéw nee oo sawe, adór amór Isakari, nee Sebuluni nee Naftali, inooín muruú /ayma nguna huwiyé' ar daqwaaye, nee ar angaamiía nee ar wayshama', nee ar awe. Muruú /aymár tinda huúw a puurú, mikaátér tiíni, /ar'aá sabiíbu aa kah, difaái nee di/i, awe nee bee/aango. Múk Israeli iri ló'wa qwalaá/.

1 QOM'I 16:3

Múk Israeli sleémeero guri muruú /aymár i qasimiís, hhawaate nee /ameenaaro, umuú heewo guna qáy ar mukaatmo nee fu'uniro nee mukaatmoó taa tleéhh ar sabiíbuú kaaharén.

ISAYA 16:11

Gawaá adoorihe, muunaáeé' i /aa/amín as Moabu adór tarumbeéta, nee hhiintlueé' i /aa/amín as gixsár Kiriheseri.

ISAYA 8:19

Nee qoomár burna bayé', «Tlawé' gi'i yaahamisuú awaak, nee muruú /ayma'aá mululu'uúm adór tsir/o, asma i qoón muu munguii'ín ngiwa yaahamisiya', nee múk aa qaatl kuwa yaahamiisi as múk slaáf.»

YEREMIA 48:20

Múk Moabu kwaa mureekeés, asma kwaa hhitín, tsuunqumisé' nee /aa/amiimé'! Afo ilahanisaak bihhaá yaaér Arnoni adór múk Moabu kura hhaamiís.

YEREMIA 48:31

Gawaá adoorihe, aníng a tsuunqumiís as múk Moabu. A /aa/amiím as múk Moabu sleémeero, sleeme a tsuunqumiís as múk Kir-heresi.