ISAYA 16:6 - Biblía Axweesantá Hhohho' ar Mungú 2004

⁶ Múk Yuda ta kaahi, «Atén kángw daara/ángw múk Moabu ugwa axaasaán adór ir hiintaluusiya' nee ir daara/ana', nee adór kir sagegawdén. Ala daara/angw'ín a tawo.»

ISAYA 16:6 Iomraidhean Croise

AXWEESANOÓ SAGALOOA 21:24

Heé daara/aám nee oo a dee/aanuut kun bay, «niqusmo.» Inós a heé hoót ar daara/aangw nee dee/anuwós.

ISAYA 15:1

Kaangwí a iigu'utuú daanduú Moabu. Asma gixsár Ari tidár baraá yaamaá Moabu kana xweeraá gaás, nee gixsár Kiri tidár baraá yaamaá Moabu kana xweeraá gaás.

ISAYA 2:11

Heé daara/ángwár xumiís ku baráy /aytiis, nee múk daara/aám ku baráy ki/is. Baalaadae AAKOÓ MUNGÚ kilós kun xirfayemiis.

ISAYA 25:10

AAKOÓ MUNGÚ in kumiit gixsár Siyoni ngiwa xun, ala múk Moabu gun kala/án yaamií ale, adór tsaaroó taa kala/án baraá bohóngw tsuunkáy.

ISAYA 25:11

Inooín daber'ín ngiri tleesiyá' adór múk baraá ma'áy wa qumburu/umiít, ala dinkwa nee xu'utir'ine AAKOÓ MUNGÚ daara/angw'ín kudá' gun suwatsaat.

ISAYA 28:15

Asma kuungá' a kata', «Atén nee gwa'ara alqado aga tleehhaán, nee gi'i taa axweesani slawaán, qoomár amotlakwe bir taa i hardát, amoorén ngi keeraaká, asma lama ana dír guwayrén tleehhaán, nee al/ayma an dír tay nahhataan.»

ISAYA 28:18

Daqaní alqadorhúng tidá' taa tlehhé' nee gwa'ara iri paysút, kangwdá' nee gi'i tiwa axweesani sleeré' i tleehharutiiká, qoomár amotlakwe burna i hardát, kuungá' sleémeero nun yaamií dahás.

ISAYA 44:25

Aníng layudaá lama in hhitiím, kudá' tlaa/aá xuá' in daktana tleéhh, axweesantá múk sageeloén an sií', tam xu'utir'ín an daktu'uuma tleéhh.

YEREMIA 48:14

«Xáy, múk Moabu adór kuungá' tar oa', ‹Atén a miguuse nee pihhuusér slaqwarár baal›?

YEREMIA 48:26

AAKOÓ MUNGÚ i kaahi, «Múk Moabu xufitisaak, asma inooín tina xirfayeemisiyé' as aníng iwa si'iyé'. Gawaá adoorihe, múk Moabu ta gwaagwara'amiit baraá wa/arii'ín wa ale, nee inooín kiri waaqaseesén.

YEREMIA 48:42

Múk Moabu ku hhaamiis tari male xoororooká, asma inooín tina xirfayeemisiyé' as AAKOÓ MUNGÚ nguwa si'iyé'.

YEREMIA 50:36

Qatlo i gawaá qwaslaare, asma inooín i daktu'uumitiyá', qatlo i gawaá miguuser'ín, asma ki hhaamiis.

AMOS 2:1

AAKOÓ MUNGÚ i kaahi, «Aníng múk Moabu muxtaaro u mawaaká, as tlakweema ngiwa tlehhaahhitiyé'. Asma inooín fadaá waawutmoó Edomu ngina da/iyé' tay da/ara.

1 Petro 5:5

Kuungá' masoómba sleeme, iialooemisé' dír múk urene. Kuungá' sleémeero niinaweema ya/aamaak, as tiwa kiloohúng sagadiyusa'. Asma kaa gooín, «Mungú múk daara/aám gu sii', ala mukdá' ti niinaweemiís gu gurtláy.»