ISAYA 16:2 - Biblía Axweesantá Hhohho' ar Mungú 2004

² Adór tsir/ór taa tleés ar taa diyaá/ dír maray'ín wa alé, an adór múk Moabu i dirii'i, dír waarahhamaá yaaér Arnoniro.

ISAYA 16:2 Iomraidhean Croise

2 WAAWITÁ 3:4

Waawutmo Mesha oo Moabu, inós a de'eemusmoó bee/aangw, nee umuú kurko ohme gana bu'ún dír waawutmoó múk Israeli ar deeloó bee/aangw kume tsiiru, nee se'éngw bee/ángw kume tsiiru.

AXWEESANOÓ SAGALOOA 26:2

Adoodár pareeqamo nee sooriro ir tlatlaya' ar hhampe'eeri'ín, tam lo'ór gaa wasl sleeme hee gu /agká.

AXWEESANOÓ SAGALOOA 27:8

Heé aa diya/aat do'ós wá ale A adór tsir/ír aa qwat dír do'ose.

ISAYA 13:14

«Adoodár saragtá ta slakaati i diri', nee adoodár bee/ángw de'eemusmoó koomaaká i dirii'i, umuú heewo sleeme in haragwaa' amór mukós, nee umuú heewo sleeme in ta'aaín amór yaamuuwós.

YEREMIA 48:20

Múk Moabu kwaa mureekeés, asma kwaa hhitín, tsuunqumisé' nee /aa/amiimé'! Afo ilahanisaak bihhaá yaaér Arnoni adór múk Moabu kura hhaamiís.

YEREMIA 48:46

Tsaxwaahúng kuungaá múk Moabu! Múk mungú Kemoshi daxta kwaa hhaamiís. Daaqayhúng kwaa loohatís nee dasuuhúng kura tláy baraá loohaay.

YEREMIA 48:9

Múk Moabu hhampe'eerií hanisaak, as niwa /akumiitiya'. Gixsaduuín nin deewaiyá', tam heé baraadá' wa hoót i kaahh.»

FAARO 21:29

Kuungá' xoorór Moabu, tsaxwaahúng, kuungasíng munguú Kemoshi ngu haratlintatiá' tundu hhaamiis! Na/iihúng awa daaqaay gin tlatlahhaas, dasuuhúng ugwa meeré' kuwa haasaáng wa ar tlay, ay amór Sihoni, waawutmoó Amori.

DABE 2:36

Iimír gixsár Aroerír wa tleemu, tidá' gawaá gangeefír yaaér Arnonír i dirii', nee gixsadá' baraá tlapár i dirii', ay yaamaá Gileadiwo, gixsár taa harslaaqataán hayooharo tam ar wák i káhh. AAKOÓ MUNGÚ Munguúrén gixsaduuká' sleémeero ngina haniís gawaá dabaarén i ale.

DABE 3:12

«Qoomár yaamuudá' kiwa hayohaán, ina haniís dír tlahhoó Reubeni nee oo Gadi yaamuudaá bihhaá /iikuú wa tlawá' awa Aroeri isaapoó yaaér Arnoni nee tlaqtá yaamaá tlom'i awa Gileadi dinkwa nee gixsaduuwose.

DABE 3:8

«Gawaá adoorihe, qoomaadae yaamaá waawitaádá' tsár oo xoorór Amori, kuduú gayuú da/aáw oo yaaér Yordanír hoót, ina oohaán, iimír yaaér Arnonír wa tleemu ay tloomár Hermoni.

YOSHUA 13:16

Yaamuudá' nina iimír Aroerír wa tlayé' ay afaá duxuú Arnoni nee gixsár baraá tla/ángw xatsa ay xatsoodaá Medeba sleémeero,

HAR'OHUUSE 11:18

Naagáy múk Israeli tana kumiít hi'iitanooro baraá xaanxáy wa ale, yaamaá Edomu ngiri harweeriyé' nee yaamaá Moabuwo, nay hardihiyé' bihhaá da/aáw awa Moabu, xafay'ín nguri tleehhiyé' bihhaá da/aáw awa yaaér Arnoni. Ala inooín naa dahi'iiká baraá yaamaá Moabu, asma yaaér Arnoni an digmuú Moabu.