ISAYA 16:12 - Biblía Axweesantá Hhohho' ar Mungú 2004

¹² Qoomár múk Moabu birna munguii'ín sluufmisuú ayé', qoomár birti kilooín daawitamiisiyá' dir'ín tidár gáwtá wa alé, nee birni amór doó munguii'ín kayá' inooín ki geemayká.

ISAYA 16:12 Iomraidhean Croise

1 WAAWITÁ 11:7

Gawaá tloomadár bihhaá da/aáw awa Yerusalemu, Solomon kiteeri giri tleéhh awa ilahhooa kawa hanmiisi dír munguúdá' ta waki oo ta bay Kemoshi oo múk Moabu nee dír munguúdá' ta waki oo ta bay Moloki oo múk Amoni.

1 WAAWITÁ 18:29

Tana ló'wa kumiít tsimaahhiro, tari ti'ii'ín adór slarhhamaaye ay looár aa /uwaá xu', qoomár ilahhooa haniisa, kár ala heé gaa iiárií qaas i kaahh, laqaá oo gaa gaáriíi xuu' i kaahh.

2 WAAWITÁ 19:12

Xáy, munguaá xoorór Gosani nee Harani nee Resefu nee mukduú Edeni kudá' Telasárír hoót xoorduuká' taa hhaamiís nee taati'iieé', xáy inooín kaa /iísi nee munguii'ín?

2 WAAWITÁ 3:27

Na/aywós oo baris kudá' geeraawo waawuti'iím kitaangós wa ale, guri ilahhooár da/tá wa haniís gawaá koo/ír gixsa. Múk Israeli adoodá' ngiwa ár kiri ló'wa buhhtís. Gixsadá' ngiri geexayé', niri ayaaín i watliyé'.

AXWEESANOÓ SAGALOOA 1:28

baalaadae aníng in atetá', ala a ooimaaká. Iri leelehhitá' ar ilakaahara, ala i aanda'aaká.

ISAYA 15:2

Múk gixsár Giboni ta gáwtí tsa/aa/án, amór wa/aamér tawa sluufmaamisi as tawa tsuunqumisuú ay. Múk Moabu ta tsuunqumiis as múk Nebu nee Medeba. Sleémeero sager'ín ngaa deeqwiyé', daamoó kaa deequút sleémeero.

ISAYA 16:13

Kaangwí an axweesantá AAKOÓ MUNGÚ aa oó' aáng daanduú múk Moabuwo.

ISAYA 26:16

Aá AAKOÓ MUNGÚ, qoomár niwa slahhahhaiya' nina amorógí /akumitiyé', qoomár kuúng kiwa slahh'eemís, kuúng uri firariné'.

ISAYA 37:38

Looarka wake waawutmo ina sluufmisuú áy baraá doó munguúwós kudá' ta bay Nisroki. Daaqaywós kudá' ta bay Adrameleki nee Shareseri nguri gaasiyé' ar paánga, niri /akumiitiyé' yaamaá Ararati. Naagáy garmaawós kudá' ta bay Esarhadoni iri waawuti'ín kitaangós wa alé.

ISAYA 47:13

Kiíng taa baál nee hara'ayuuseerók tidá' yaariir, gimáy i sihhiitiye' kiíng i ba/amisiye', inooínaadá' doori nee tsatse/uuwo ngi xuuxu'uumá', nee umuúqo slahhángw ti'iita muruú kiíng i sláw ngun aaririná'.

YEREMIA 10:5

Slaqsi'ii'ín a adór inqwaarír xooyaangw gusisiingw baraá qaymooro, i axweesiaaká, aqo kin loohiis asma i hi'iimitiaaká. Slaqsi'iiká' mi da'ayumitaara'. Inooín hee gár tlaakw ngway tleehhiya' i káhh, tam ar hhoo' ngway tleehhiya' i káhh.

YEREMIA 48:13

Qoomaarihe múk Moabu munguúín Kemoshi nguri murér wa ariyá' adoodá' múk Israeli Beteli munguúín kudá' i harahhifiya' ngura murér wa ariyé'.›

YEREMIA 48:35

Aníng heé munguú hatlá' baraá Moabuwo gwa ilahhooár muruú ta tsu/ií haniis, nee gwa mooyángw tsuú' i daa/ gawaá gongoamoowo un suqúw.

YEREMIA 48:46

Tsaxwaahúng kuungaá múk Moabu! Múk mungú Kemoshi daxta kwaa hhaamiís. Daaqayhúng kwaa loohatís nee dasuuhúng kura tláy baraá loohaay.

YEREMIA 48:7

As koo/irhúng tidá' gawit nee daqaari'iimaro kiwa harahhifé', kuungá' sleeme tundu ar tláy. Mungú kudá' ta bay Kemoshi ku loohatis dinkwa nee kaahamuuseerós nee geeraharuuseerose.

FAARO 21:28

Asma asla nina Heshbonír wa ti'ít tsángw asla nina gixsár Sihonír wa sihhiít. Gixsár Ari ar Moabu gari /aáy tlom'aá yaaér Arnoni giri hhaamiís.

FAARO 22:39

Naagáy, Bala'amu nee Balaki niri altlayé' tari hardáh baraá gixsár Kiriat-husoti.

FAARO 22:41

Matloowose Balaki Bala'amu guri ar tsa/án ay amór Bamot-ba'ali, amoodae Bala'amu múk Israeli guri bahh ár.

FAARO 23:14

Naagáy Bala'amu kuri huúw nee Balaki ay baraá qamaá Sofimu gawaá ságw tloomár Pisga. Gawaadae kiteeraá ilahhooa awa faanqw gina tleéhh, dír umuúqo kitaango awuú wák nee gwaanduwo gina haniís.

FAARO 23:28

Naagáy, Balaki Bala'amu guri ar tláy ay gawaá ságw tloomár Peori, tidá' nee xaanxaay ti ga/aawá'.

FAARO 24:17

Kudá' hardáh u ga/áw, ala a hamiheeká, una ár ala ku tseeweeká. Baraá xwaylár Yakobowo tsatsee/i ni ti'ít, waawutmo ni tla/ángw múk Israelír wa ti'iit, ar hhartós tidár waawuti'iimaro múk Moabu gun baal, xwaylár Seti sleémeero gari qororo'oos.