ISAYA 16:10 - Biblía Axweesantá Hhohho' ar Mungú 2004

¹⁰ Asma qwala/ nee bar/uwo naa faakiyé', baraá yaamuudá' wahhaara'a. Baraá qamaá sabiíbuwo daa'aangw i sangw kaahh, tam afór ti'imiit i káhh sleeme, sabiíbuú ta tsoo/iti i sangw kaahh, bar/uú heé sabiíbuú kal/aám ugwa hingeés.

ISAYA 16:10 Iomraidhean Croise

YOBU 24:11

Na/aá seituúni ngin tuuaitiyá' as di/i ngiwa tlehhiitiya' ar maraá mukwí tlákw, nee difaái ngin tsoo/aa/itiyá' ala tam waxe ngi gaasiaaká.

ISAYA 24:11

Baraá lohduuwo muu /aa/eewo tsee/a gaa faák, as difaái kawa dakuús, qwala/ sleémeero aa faák, qaseengw baraá yaamuwo aa suquút.

ISAYA 32:10

Baraá guruú kurku wake kuungásingá' /ameenár aga taqna/uumite' a daaraxatá', asma sabiíbu u hamaresa'aaká, nee mamaá ta sleera' i kahhiyá'.

YEREMIA 48:33

Qaseengw nee qwala/ kaa hingeés baraá yaamaá Moabuwo, kudá' mamuuwo hatsá'. Difaái aga /oomeés dír kiteeridá' kawa tsoo/iti. Heé mamaá sabiíbu gi tsoo/iít ar qwala/ i kaahh. Tsimaahhír ta axamisaan ar qwal/uwooká.

ESEKIELI 7:7

Kuungá' yaamuloouusér yaamuuká', hhaamisarhúng naa i hardát, qooma naa hardát, eeít, deelo naa tseewuúr. A deelór amoqwaqwadiingw nee a deelór bar/uuwooká gawaá tlom'iiwo.

Yoeli 1:12

Sabiíbu aa /oóts, /antsí aa kamaa/arút. Xaa'aá ta bay komamaánga nee slaansla nee tofá'a, nee xaai sleémeero awa baraá qamu naa kahiyé', qwal/uú muu iri qwaár.

AMOS 5:11

Kuungá' múk narkuute un baramaanuumamisá' nee ohmér yaariir ar angaáno an ohahiindá'. Maraay ina tlehhité' ar tlaa/aá taa tlaáq, ala kuungá' baraá maraysíng i hota'aaká. Kuungá' qamaá sla'atamisá' awa sabiíbu ina mak doslé', ala kuungá' difaáir'ín a wata'aaká.

AMOS 5:17

Slám baraá qamaá sabiíbuuwo tsuunqumis ku úr, asma aníng an waaraáhh ar baraá tla/angwhúng. Anuú AAKOÓ MUNGÚ tí ngina oó'.»

AMOS 9:13

AAKOÓ MUNGÚ i kaahi, «Qaytsité', qooma ni hardát ar heé doósl kuwa ar ba/i nee heé bu'uúm, nee heé sabiíbuú tsoo/iít heé dahaasiím gu aleesláy, tlom'i difaáír tsuu' ngi duuxiyá', gongooama difaái ngi duuxiyá'.

SEFANIA 1:13

Nee daqaari'iimar'ín tidá' ka hayoh, maray'ín niri sluhhuutiyá', Inooín tam maray'ín ki tleehhi ala ki hootiiká. Inooín tam sabiíbu ngu dahaasiia, ala difaáirós ngi wahiaaká'.»

HAR'OHUUSE 9:27

Nina tlayé' ay baraá qamaá sabiíbu, difaái ngiri tleehhiyé', deelór ur ngiri tleehhiyé'. Nina dahiyé' baraá doó munguúín, niri /ayné' nay wah'né', Abimeleki nguri niqisiyé'.