ISAYA 15:5 - Biblía Axweesantá Hhohho' ar Mungú 2004

⁵ Aníng a /aa/amiím as yaamaá Moabu, mukós aa tiaaín ay Soari, aa tiaaín ay Eglat-shelishiya, mukós i tsa/aa/án amór Luhiti, ta hara /aa/amín, amór loohír Horonaimúr kawa, mukós i /aa/aamín as qwanaay.

ISAYA 15:5 Iomraidhean Croise

IIMU/UUNGW 13:10

Loti iwa qaytsiít, xatstá Yordani gana ár ay gixsár Soari, i ma'aá koón umuúqo diiro, adór asalmoó Mungú, nee adór yaamaá Misri. Qoomaarí a qoomár AAKOÓ MUNGÚ Sodoma nee Gomora ngiwa qwaareesiiká.

IIMU/UUNGW 14:2

kuká' tsiyahhawo nina slaqwiyé' nee Bera waawutmoó yaamaá Sodoma, nee Birsha waawutmoó yaamaá Gomora, nee Shinabu waawutmoó yaamaá Adma, nee Shemeberi waawutmoó yaamaá Seboimu, nee waawutmoó yaamaá Bela, an yaamaá Soari.

IIMU/UUNGW 19:22

Gimáy, ti ba/amis amoosií alé. Asma gár ni tleehh i ala káhh ay dír tay dat baraasí alé.» An gár gixsadá' kasa báy Soari.

2 SAMUELI 15:23

Qoomár Daudi iwa waaraahhi nee mukose, muu sleémeero baraá yaamuudae tari tseé' /aa/ewo. Waawutmo yaaér Kidroni gari waaraáhh dinkwa nee muu sleémeero, tari waaraáhh, amór xaanxaay kana xuú'.

2 SAMUELI 15:30

Ala Daudi ina kumamiít iri tsa/án tloomár Seituni, i hara /aa/amín, i ya/ataá konká, nee sagós gwaa tuuntuúk. Tam mukdaádá' sleémeero nee inós ti alkoomá', sagér'ín kaa tuuntuúk tawa tsa/aa/an gawaá tlooma, ta hara /aa/amín.

ISAYA 16:14

Ala daxta AAKOÓ MUNGÚ i kaahi, «Kureeraá tám faaraak adór heé ta bu'un ir deelór fadiiti, xoongír múk Moabu ka qoongo'oos, tam mukós ku ló'wa yaariire, ala múk meét ku niiná, nee ku liitlakwén.»

ISAYA 22:5

Asma Aako MUNGÚ Aleesleemusmo, baala gaa amohhe'eés, baalár /aa/e, nee kal/aando, nee ar tlaahhi, baraá xatstá iigu'utuuwo, koo/ír gixsa kaa yaamií daáhh nee tsimaahhír muko tlom'i niri ilaoohiyé'.

ISAYA 59:7

Umuú daqto an baraá tlakweemií ti'ii'indá' an gaansliindá' tseerér heé dakuús wásl kawa ku'usa'. Inslawayhúng umuú daqto ku tlákw. Umuú dír taraqo waarahhi'i aqo hhituru'uuma nee deewa'ame an tlehhtá'.

YEREMIA 13:17

Ala barnaxes aga axasi'iiká, aníng an baraá gurií /aá/, asma daara/angwhúng, ilaaeé' nin /aa/iyá' nee hhirhheerieé' niri baráy gororoxotiyá', asma múk AAKOÓ MUNGÚ kwa loohatís.

YEREMIA 17:16

Aníng gadiyeédá' tawa de'eemusmo aga si'iiká, tam deeloodár slahh'amaaye aga ilatleerusiiká niwa hardat. Kuúng a xú' tidá' aníng naa oó' afkueene. Tidá' naa axweés kuúng a xú'.

YEREMIA 4:19

Baraaeene aga slahhaá', aga ló'wa slahhaá', nee slahh'amaaye ti gwangwar'aamaán, muunaáeé' aa slaaqaát. Muunaáeé' i ló'wa tuu'uut, xasliita a aleeslawaaká. Asma aníng afór tarumbeéta aga axaás nee tsimaahhír slaqwaraaro.

YEREMIA 4:20

Slahh'amaaye tí bira waaráhh ar tidá' ba/a nin ti'ít, yaamu sleémeero naa hhitiruutiyé'. Heemaduurén kaa wa'aá wák ar hhaamiís, nee inqwaruú pe/eeriiwós kuna karslamiís.

YEREMIA 48:3

Xaysé', iia qaasaak, tsuunqumis ii amór Horonaimu, tawa kaahi, ‹Deewa'ame nee hhitiri'uumár yaariir!›

YEREMIA 48:5

Asma tawa tsa/aa/an amór Luhiti ta hara /aa/amín, tawa /e/etin amór Horonaimu, /aa/aá hhituru'uuma kina axaás,

YEREMIA 50:46

Kududuhoó hayoohár Babuloni yaamu gi daaraxaas, nee /aa/eeín kiri axaas baraá tla/ángw xoordaá hatlae.»

YEREMIA 9:10

Aníng an /aa/aá áw gawaá sagér tlom'i, nee an tsuunqumiís as qawtantá hikwa ar baraá darma, asma yaamu naa xaanxay tleehhitiyé', tam gár baraadár waaraahh i káhh. Baraadae afór hikwa a axaská nee ar tsir/ooro, nee ar makaá sla/to, asma sleémeero naa diyaa/atiyé'.»

FAARO 21:29

Kuungá' xoorór Moabu, tsaxwaahúng, kuungasíng munguú Kemoshi ngu haratlintatiá' tundu hhaamiis! Na/iihúng awa daaqaay gin tlatlahhaas, dasuuhúng ugwa meeré' kuwa haasaáng wa ar tlay, ay amór Sihoni, waawutmoó Amori.