ISAYA 15:3 - Biblía Axweesantá Hhohho' ar Mungú 2004

³ Múk baraá loohiro waraáhh guniyadu gaa tsiít. Gawaá daandeemaá maraywo, nee baraá afeenaaro, umuú heewo in tsuunqumiis nee iri hirqamiit hhirhheeriwo.

ISAYA 15:3 Iomraidhean Croise

2 SAMUELI 3:31

Waawutmo Daudi Yoabu nee mukdá' sleémeero dinkwaárií diriiá', giri ádbáy, tlabaaín kiwa feehhamiisi, tlabaá guniyadu kiwa tsiiti, ta tsuunqumiisi as gwa'arár Abneri. Qoomár kuwa foolár ay, waawutmo ina alaá tuuaadá' wa eeharín.

2 WAAWITÁ 6:30

Waawutmo adoorí ngiwa axaás tidá' /ameenidá' i kat, tlabaawós giri feehhamiís as gurhaami, inós i gawaá ságw koo/ír wa hi'imiit, muu inós guri ár tlabaá guniyudu' ngiwa tsiít.

ISAYA 15:2

Múk gixsár Giboni ta gáwtí tsa/aa/án, amór wa/aamér tawa sluufmaamisi as tawa tsuunqumisuú ay. Múk Moabu ta tsuunqumiis as múk Nebu nee Medeba. Sleémeero sager'ín ngaa deeqwiyé', daamoó kaa deequút sleémeero.

ISAYA 22:1

Iigu'utuú Mungú aa laqán daanduú xatstá iigu'utuú. Aá Yerusalemu, gár naa xeer a milá? Baré kuungá' sleémeero aga tsa/aandé' gawaá daandemaá maraay.

ISAYA 22:4

Gawaá adoorihe, aníng ana oó', aníng mi i qaytsimiitara', aníng mawaaré' ni /aa/amiím ar slahh'amu, ma daawimiitaara' aníng iwa gurkwa/amisa', asma muk'eé' iwa hhán.

ISAYA 3:24

Kitángw mooyángw tsuú' iwa pieelin, gaa a dixte. Kitángw himuú hhoohhooe, gaa a tlaatlawi kan tseek. Kitángw se'éngw hhohhoe, gaa a paynú in er'emiit. Kitángw tlabaá hhohhoe, gaa a slaxareemo kin tsiit. Kitángw hhohhoaariro gaa a alsi'imu.

YEREMIA 19:13

Maraá Yerusalemu nee maraá waawituú Yuda, nee umuú do'o oo daárirós kawa mooyángw wa daá/ dír tsatse/ú doori, nee ilahhooadár tsipipi'iisa ar difaái kawa hanmiisi dír munguaá hatlá', marayká' sleémeero ki meetagaas adór didár Tofeti.› »

YEREMIA 48:37

Umuú heewo saga nee daamode gaa deéqw. Dabaaín sleémeero ka gwehhaahhín nee tlabaá guniyadu nga siinotiyé'.

WA/AA/I 2:10

Bariisér Siyóni aa yaamií iwít iri qartlamít, sager'ín ngay hhapér i kwakwaahhiyé', gunaydu ngiri tsiitiyé'. /Amatliitér Yerusalemu sager'ín ngay xupu'usiyé' ay yaamu.

ESEKIELI 7:18

Inooín tlabaá guniyadu ngiri tsiitiyá', dae giri eér. Inooín niri muruutiyá' nee sager'ín sleémeero kari deeqw.

AMOS 8:10

Aníng deelorhúng ar ur an warqeés tawa deelór tsuunqumis, nee daa'angwhúng sleémeero oo bara/ tari /aa/e, kuungá' sleémeero guniyadu kiri tsitá' as gurhaami, nee sagerhúng kari deqwá' adór xwayliitér /aa/amiim as garmoó aayoorose wák ina kahhuút, nee deelór alhhe'eesaay tay slahh'amuú úr.»

Matayo 11:21

«A tsaxwaahúng kuungaá gixsár Korasini, nee kuungaá gixsár Bet-saida. Asma muruuduú waa/oo/amo muruudá' xuawaslén aa tleehharumiit dirhunge geera bar ina tleehharuút baraá Tiro nee Sidonír wa ale, taa qaroó hhu'u'ún, nee guniyadu kay tsiit, tay iwiit gawaá da/ara as hhu'u'ungw'ín kuwa laqan.

DABE 22:8

«Doó /abén bur tlehhít, dír gar/oó do'o gaangeefi tleehheek, as hee miwa /eét, do'ók lo'o munguwa eér, barnaxes hee aa /eét gawaá daanduú dó' wa alé, nee iri gwaá'.

Yakobo 5:1

Iia qaasaak, kuungaásingá' daqaare, /aa/é', tsuunqumiisé', as slahh'amuuwí kuungá' ta sleera'.

1 SAMUELI 5:12

Mukdá' aa qatliiká kuna tiqtír um'ií kwaáhh. Tsuunquusmoó muu baraá gixsaro ay doori.