ISAYA 15:2 - Biblía Axweesantá Hhohho' ar Mungú 2004

² Múk gixsár Giboni ta gáwtí tsa/aa/án, amór wa/aamér tawa sluufmaamisi as tawa tsuunqumisuú ay. Múk Moabu ta tsuunqumiis as múk Nebu nee Medeba. Sleémeero sager'ín ngaa deeqwiyé', daamoó kaa deequút sleémeero.

ISAYA 15:2 Iomraidhean Croise

2 SAMUELI 10:4

Naagáy Hanuni ya/abuuseedár Daudi gari ohín, giri daamór bartá wák deequút umuúqo heewo, inqwaruuín guri feehhamiís ay gawaá gwe'eede, giri geemáy iwa tlaya' amor'ín ar ta slai.

1 QOM'I 19:4

Naagáy Hanuni mukdá' Daudi aa ya/aáw guna ohín, gway daamoó deequút, tlabaaín giri dír afeetleérí tlaáq, gwe'eede gay tsee/áy máy, giri geemáy.

YOBU 1:20

Aluuwo Yobu kaangwí sleémeero nguwa axamaamiís, iri sihhiít, tlabaawós giri feehhamiís, se'eengós nee daamoórose giri deéqw as tsuunqumis, iri yaamií huú' ar gura', Mungú guri sluufiís.

ISAYA 14:31

Maraay ni tsuunqumiisiye', gixsadu ni /aa/iye', kuungaásá xoorór Filisti gur'e ma'aay ngi dalaa/iye', Asma asla ni /iikú wa hi'ít, slám heé bihhií parangaá/ i kaahh baraá slaqwaruuser'ine.»

ISAYA 15:3

Múk baraá loohiro waraáhh guniyadu gaa tsiít. Gawaá daandeemaá maraywo, nee baraá afeenaaro, umuú heewo in tsuunqumiis nee iri hirqamiit hhirhheeriwo.

ISAYA 16:12

Qoomár múk Moabu birna munguii'ín sluufmisuú ayé', qoomár birti kilooín daawitamiisiyá' dir'ín tidár gáwtá wa alé, nee birni amór doó munguii'ín kayá' inooín ki geemayká.

ISAYA 16:7

Gawaá adoorihe Moabu mawaak i tsuunqumis, Umuúqo heewo baraá Moaburo mawaak i tsuunqumiisi, ta tsuunqumiisi as slahhtadá' ur naa slayé', nee as mikaáteedá' taa tleéhh ar sabiíbu, ar baraá Kirihareseti.

ISAYA 22:12

Baalaadae Aako MUNGÚ Aleesleemusmo muu gun bay, «/Aa/amimé' nee tsuunqumisé', nee deequmé', nee guniyadu siinootaak.»

ISAYA 3:24

Kitángw mooyángw tsuú' iwa pieelin, gaa a dixte. Kitángw himuú hhoohhooe, gaa a tlaatlawi kan tseek. Kitángw se'éngw hhohhoe, gaa a paynú in er'emiit. Kitángw tlabaá hhohhoe, gaa a slaxareemo kin tsiit. Kitángw hhohhoaariro gaa a alsi'imu.

YEREMIA 3:21

Tsimaahhi an gawaá sagér tlom'i axamisaán, tsuunqusmo nee /aa/aá na/aá Israeliwo. Asma loohír ganaa' ngina dakuusiyé', AAKOÓ MUNGÚ, Munguúín, nguna gunqaaresiyé'.

YEREMIA 47:2

AAKOÓ MUNGÚ i kaahi, «Ga/aaweek, ma'aay naa bihhaá /iíkwá haratlayé', nee ma'ayká' tari yaaér aa tunqaywa/, inós yaamu sleémeero gi gú/ nee umuú gár baraadá' hoota, gixsa nee yaamuloouuse, tidá' baraadá' hoot. Muu iri /aa/amín, yaamuloouuse sleémeero tari tsuunqumiis.

YEREMIA 47:5

Múk Gasa se'engw'ín ku deeqw asma tawa tsuunqumisi. Gixsár Ashkeloni kaa qwaareés. Xáy kuungaásingá' aga mete' baraá xatstá ayaaín, ay xaylá ti kiloohúng siiqaaqita' as gurhaami?

YEREMIA 48:1

Axweesantí an tidá' AAKOÓ MUNGÚ Aleesleemusmo, Munguú Israeli aa oó' daanduú xoorór Moabuwo iwa kaahi, «Tsaxwaahúng múk Nebo, asma gixsa ka xaanxay tleehh. Gixsár Kiriataimu kari mureekees, kari hayoh, koo/irós tidá' gawit ka mureekees, kari yaamií daahh.

YEREMIA 48:18

Kuungá' yaamuloouusér Diboni, aweeraré' gawaá xirfuuhúng kwisinge, nee ta iwitá' bará yaamaá kaahaar! Asma kudá' Moabu ga hhaamiís naa hardáh as ngiwa i haraatlay. Koo/irhúng tidá' gawit gaa hhitín.

YEREMIA 48:31

Gawaá adoorihe, aníng a tsuunqumiís as múk Moabu. A /aa/amiím as múk Moabu sleémeero, sleeme a tsuunqumiís as múk Kir-heresi.

YEREMIA 48:35

Aníng heé munguú hatlá' baraá Moabuwo gwa ilahhooár muruú ta tsu/ií haniis, nee gwa mooyángw tsuú' i daa/ gawaá gongoamoowo un suqúw.

YEREMIA 49:3

«Múk Heshboni, tsuunqumisé', asma gixsár Ai ka hhaamiis. Ala kuungá' dasuú Raba, /aa/amiimé', guniyadu siinootaak. Tsuunqumisé' nee tii'iimé' amorqá' nee tiqae baraá afeenarhunge. Asma munguú dá' ta bay Milkomu ku huuw baraá loohaay dinkwa nee kaahamuuseerose nee sagadiyuuseerós.

YEREMIA 7:29

Kuungá' yaamuloousér Yerusalemu, se'engwhúng deeqwaak nee ku kwahhá'. Tsuunqumisé' gawaá sagér tlom'i wa aleeró, asma AAKOÓ MUNGÚ kuungá' naa sií' nee naa máy, kuungá' qartá buhhtaawós gwarangwariim.

ESEKIELI 27:31

Inooín sager'ín ngaa deeqwiyé' as kiíng, nee tlabaá guniyadu ngaa dahaasiyé', tari ló'wa /aa/amín ar slahh'amaayér ur as kiíng.

ESEKIELI 30:2

«Heewí, aariím, ta o', Anuú Aakoó MUNGÚ a kah, tsuunqumisé' nee tawa kata', ‹Tsaxwaarén baldae!›

ESEKIELI 7:18

Inooín tlabaá guniyadu ngiri tsiitiyá', dae giri eér. Inooín niri muruutiyá' nee sager'ín sleémeero kari deeqw.

TLAHHOÓ LAÁWI 13:40

«Barnaxes paynuú hhawaata aa tu/uút, inós ku hhoohhoó' asma gaa a paynú ina tu/uút.

TLAHHOÓ LAÁWI 21:5

«Xwaylár Aroni sager'ín makawa baloó deéqw, laqaá daamór'ín makawa bihhér wa sareék, laqaá baraá slaqooine ló' mitiwa iree/iné' as tsuunqumis.

AMOS 8:10

Aníng deelorhúng ar ur an warqeés tawa deelór tsuunqumis, nee daa'angwhúng sleémeero oo bara/ tari /aa/e, kuungá' sleémeero guniyadu kiri tsitá' as gurhaami, nee sagerhúng kari deqwá' adór xwayliitér /aa/amiim as garmoó aayoorose wák ina kahhuút, nee deelór alhhe'eesaay tay slahh'amuú úr.»

FAARO 21:28

Asma asla nina Heshbonír wa ti'ít tsángw asla nina gixsár Sihonír wa sihhiít. Gixsár Ari ar Moabu gari /aáy tlom'aá yaaér Arnoni giri hhaamiís.

FAARO 21:30

Ala Hamí daxta xwaylar'ín kaa hhaamiís, iimír Heshbonír wa tleemu ay Diboni, iimír Nashimúr wa tleemu ay Nofa, isaapoó Medeba.»

FAARO 32:3

«Gixsaduuká' ta bay Ataroti nee Diboni nee Yaseri, nee Nimra nee Heshboni, nee Eleale, nee Sebamu nee Nebo nee Beoni,

FAARO 32:38

nee Nebo, nee Ba'al-meoni (umér gixsaduuká' kana warqeés), nee Sibma. Inooín umér gixsaduudá' naa tleehhiyé' ngina warqeesiyé'.

DABE 14:1

«Kuungá' a na/aá AAKOÓ MUNGÚ, Munguúhúng. Miti iree/imaara', laqaá se'engwhúng mu deequtaara' hee barnaxes aa gwaá'.

DABE 34:1

Mose iri baraá xatstadár Moabúr wa tláy, iri tsa/án gawaá tloomár Nebo, ay dír tsitsinidá' ta bay Pisga, tidá' nee yaamaá Yeriko ti ga/aawá'. Nee AAKOÓ MUNGÚ yaamuudá' sleémeero iimír Gileadír wa tleemu ay Dani giri dirósí laqán,