ISAYA 14:6 - Biblía Axweesantá Hhohho' ar Mungú 2004

⁶ Hhartadá' naa múkár muxiyé' ar xaraasleema ar muxtár ga/alér ilaa/a wasl. Hhartadá' xoordu kira sawaawuti'ii'ín ar buhhta, nee ar slahh'eemisuú baloó lakiitaaká.

ISAYA 14:6 Iomraidhean Croise

2 QOM'I 36:17

Gawaá adoorihe, AAKOÓ MUNGÚ waawutmoó Kaldayo guri amor'ín i tleés. Inós masoombar'ín gari tsuú/ baraá guruú dooín kudá' hhoohhoó' i aleeró, slám hee tumu wák oo taa gurtláy i kaahh, tam dasi laqaá garma, laqaá heé aa din, laqaá oo liitlakusmo. AAKOÓ MUNGÚ muu sleémeero guna haniís gawaá dabaá waawutmoó múk Kaldayo.

YOBU 9:13

Mungú bira buúhh ti il/aa/anká, makiito'oodár baraá ma'aay ta bay Rahabu nee alee/isuuseerose aqo nin dír geeraawósí xupuuiyá'.

AXWEESANOÓ SAGALOOA 21:30

Sagalooa i káhh tam tsaahha i káhh sleeme, laqaá tam gurbua i káhh sleeme ar ta tleehhi a dimbé nee tidá' AAKOÓ MUNGÚ i slai.

AXWEESANOÓ SAGALOOA 28:15

Geeraharusmoó tlaákw bar narkuute gaa geerahaár a adór dirángw /oroótl nee dubú giliím.

ISAYA 10:14

Dakw'eene daqaari'iimár xoordu ana sláw adoodá' hee doó tsir/i ngur slaaslay, nee adór muu qanhhár taa geexáy ngir haraki/imaamisi, an adoodá' án ngira haraki/ís baraá yaamu sleémeero, tam heé aa /akuut i kaahh, tam oo afa gwa gweer, laqaá oo aa tsee'.»

ISAYA 14:5

AAKOÓ MUNGÚ hhartá heé tlaákw gaa geeqáy, hhartadá' waawitá ir waawuti'ii'in gaa geeqáy.

ISAYA 33:1

Tsaxwaawók kuúnguusíng hhitaatiím, ala kuúng taa hhitinká. Tsaxwaawók kuúnguusíng al/agaagiím ala kuúng taa al/ayiiká, bál bar aga hhe'és hhitaaro, kuúngú kilá' turi hhitín bal bar muu al/agingo ugwa hhe'és, kuúnguú kilá' turi al/aay.

YEREMIA 25:26

Waawitá sleémeero oo /iya kudá' sawén nee oo tsewene, oo wák alaá kuqá', nee waawuti'iima sleémeero baraá yaamuwo xooslomoowí ku wah. Nee alaá kuká' sleémeerowo waawutmoó Babuloni gun wah.

YEREMIA 25:9

aníng daxta xoordu sleémeero awa /iikú dahhá', dinkwa nee sagadiyusmooeé' Nebukadnesa, waawutmoó Babuloni, ngin huúw as yaamuuká' ngiwa ii haraatlaya' nee múk baraakií dirií', dinkwa nee xoordaá inslaawaay sleémeero. Inooín aníng in hhaamiís ló'wa alé, nee ngiri gár dae tlaaq tleéhh, kiri waaniqín, nee kiri waaqaqaa' ay alhhe'eesay wasle.

YEREMIA 48:17

Kuungá' sleémeero awa inslaawaay, múk Moabu satsuunqumiisaak, nee kudá' sleémeero inós ngi xuá', ta oa', «Adór hhartá waawuti'iima kara giqáy, nee adór hhartá xirif kara giqáy!»

YEREMIA 50:31

Aako, MUNGÚ Aleesleemusmo, i kaahi, «Ga/aawaak, kuungásingá' daara/aamá', ti araán, asma baalarhúng naa hardát ar án kuungá' nuwa muux.

WA/AA/I 1:21

«/Ifor'eé' ngiwa axaasiyé', heé aníng iga gurkwa/as i kaahh. Wakuuser'eé' sleémeero slahh'amuueé' nguwa axaasiyé', tidá' kuúng taa tléhh ngina saqwalaa/iyé'. Baalaadá' taa al'axwés ni hardat, tidá' wakuuser'eé' slahh'amuú adór kwe'eé' kwí nguwa sleer.

DANIELI 4:35

Yaamuloouusér daanduú yaamu a gaarooká dirose. Dír malaykedá' gawaá doorí diriia adór i slai gan tlehhiit tam dír múk baraakaá yaamuwo. Heé dakós gu ilaá/ i kaahh tumu wák, laqaá heé gu báw, ‹Gár adoosíng kas tlehhit a milá?›

HABAKUKI 1:17

«Xáy, mukduú baraá baratsufayín i dirií' ngu duuxiiaakáhe? Xáy! Aqo xoordu kin tsu/aa/ína ay alhhe'eesay wasle? Ki baloó gurtlaykáhe?»

HABAKUKI 2:5

Tam adoorihe difaái a slaslaáwár al/aymuso'o, heé daara/usmo i tleeresiiká. Ilatleerír heewí a adór tiqár gi'i, «hhiínhh» ga aainká adór gwa'arár wa alé. Xoordu sleémeero gin buruumburín, xoordu sleémeero gin buruumburín as tawa kós.

Yakobo 2:13

Asma sakwasleema i gurtleemuú koondaaká dír heedaádá' gurtleemu gwa tleehhiikahe. Ala heedaádá' gurtleemu gwa tleehh, gár i da'ayumiiti i káhh dír geeraá kwasleemaro.