ISAYA 14:31 - Biblía Axweesantá Hhohho' ar Mungú 2004

³¹ Maraay ni tsuunqumiisiye', gixsadu ni /aa/iye', kuungaásá xoorór Filisti gur'e ma'aay ngi dalaa/iye', Asma asla ni /iikú wa hi'ít, slám heé bihhií parangaá/ i kaahh baraá slaqwaruuser'ine.»

ISAYA 14:31 Iomraidhean Croise

ISAYA 13:6

/Aa/amiimé' asma deelór AAKOÓ MUNGÚ naa tseewuúr. Baalár qwanaay ni hardát amór Aleesleemusmoó wá ale.

ISAYA 14:29

«Kuungá' sleémeero awa múk Filisti ma qwalaala/aara', kawa xua' qawaydá' naa muux aa tsatiít. Asma dayshamo, dayshamoó qarkwá koóm gu laqwaal. Nee dayshamoó qarkwá koóm dayshamoó ti gileéhh gu laqwaal.

ISAYA 16:7

Gawaá adoorihe Moabu mawaak i tsuunqumis, Umuúqo heewo baraá Moaburo mawaak i tsuunqumiisi, ta tsuunqumiisi as slahhtadá' ur naa slayé', nee as mikaáteedá' taa tleéhh ar sabiíbu, ar baraá Kirihareseti.

ISAYA 20:1

Kurkudá' waawutmo Sargoni oo Ashuru geeraharusmoó úr oo slaqwaruuseerós nguwa ya/aáw, tari slaáqw nee gixsár Ashdodi, gari hayóh,

ISAYA 24:12

Baraá gixsaro gár aa met a deewa'ame kilós, nee afkú gixsa kwa tuuaaiít iri hhituruút.

ISAYA 26:1

Baalaadae daa'angwí ku daa' baraá yaamaá Yudawo, atén gixsár gawit a koomaán, Mungú ba/ama ngin atén ar harwediit adór koo/i.

ISAYA 3:26

Afér gixsár Siyoniro gaa a wa/aa/i nee tsuunqumis, gixsarí tari adór /ameenír taa geexáy ar pakáy, iri iwít baraá teeri.

ISAYA 34:16

Kitaábuú AAKOÓ MUNGÚ soomuusaak, tam makiito'ór wák ar taa dakuús i káhh, umuúqo makiito'ooro i deer nee hho'oorós. Asma AAKOÓ MUNGÚ tí afkose gaa hara'ayín nee qeeruuwós makayká' sleémeero gina burumbuúr.

ISAYA 45:2

Aníng kuúng un geerahaár, tlom'i ngiri alqoomeés dír geeraawoge, afér muqslár sirda/aten an giqáw, muqslár afér mari tsegit ngiri tla/eeri tlaáq.

YEREMIA 1:14

AAKOÓ MUNGÚ iri báy, «Slaqwaruusér /iikú daahh múk yaamuuká' hoót sleémeero gu hhaamís.

YEREMIA 47:2

AAKOÓ MUNGÚ i kaahi, «Ga/aaweek, ma'aay naa bihhaá /iíkwá haratlayé', nee ma'ayká' tari yaaér aa tunqaywa/, inós yaamu sleémeero gi gú/ nee umuú gár baraadá' hoota, gixsa nee yaamuloouuse, tidá' baraadá' hoot. Muu iri /aa/amín, yaamuloouuse sleémeero tari tsuunqumiis.

YEREMIA 47:4

Asma baalár múk Filisti sleémeero kuwa hhaamisi naa hardát, kun hhaamiis iimír Tirór wa tleemu ay Sidoni, umuúqo alee/isusmoó aa meet sleeme. Asma AAKOÓ MUNGÚ múk Filisti gu hhaamimiis, mukdá' aa meet oo yaamaá Kaftori kudá' tla/ángw tlawi.