ISAYA 14:30 - Biblía Axweesantá Hhohho' ar Mungú 2004

³⁰ Asma na/aá baris awa narkuute in aaxiyá', nee múk gaawásl ta hoot a saxareema. Ala aníng na/iihúng i tsuú/ ar qwari, nee panmoó aa meet dirhunge un gaás.

ISAYA 14:30 Iomraidhean Croise

YOBU 18:13

Tiqtír tlakw kaahartós gaa fák, tiqtír gwa'ara diqiyaawós gaa aleetsát.

ISAYA 11:4

Ala ar gan'amuuwo narkuute gan sakwasleemuut, inós kudá' tsaén awa yaamu gi kasi tsaat ar adór qoom, nee inós muu gu slaahh ar /aymuú afkós, tlakuuse gan tsuu/ ar hinsluú afkós.

ISAYA 29:19

Múk tsaén qwal/uú tsuaaiím gun sláy baraá AAKOÓ MUNGUHE, nee múk narkuute iri ló'wa baraa/ as Kudá' Hhoohhoó' oo Israeli.

ISAYA 3:14

AAKOÓ MUNGÚ i dah baraá sakwasleema, dinkwa nee bariise nee geeraharuusér mukós, «Kuungá' an kudá' qaymór sabiíbu aga /age', daqaari'iimár taa dír narkuutér wa hayohindé', aga batsé' baraá marayhúng.

ISAYA 3:15

Gár muk'eé' kus baramaanusa' a milá? Nee gár narkuute kas slahh'eemisa'? Anuú Aakoó MUNGÚ Aleesleemusmo, nu yaahamiís.»

ISAYA 33:16

Heé adoorí hotaawós i gawaá gawa, dirós tidá' amohhoo' kaa harweér ar koo/ír gawit ar tla/u, muruú /aymaarós kun hanmiis umuú daqto, nee ma'aá wahaangw gi baloó dakuusiiká.

ISAYA 37:30

«Hesekía, layár kuúng ta aan a tí, kurkí gár ta /aga' a kwaláydá' naa ti'iit baraá qaymór wá ale, kurko sleeme aqo adoorí. Kurku tame ta dahasiín nee ku fiiqít, sabiíbu ku dahasá' nee mamuuwós ki /agá'.

ISAYA 5:17

Deeloó bee/aangw nee oo aara nee tse/eeto, qawo ngin slayá' dír taangwaá gixsar'ín wa alé, kwaáo an dír qawtantaín.

ISAYA 51:19

Muruuwí tsár oo tlákw kiíng iga sláy, heé kiíng i gurtláw? Baraá hhitiru'uumaro nee qwanaywo, nee qwari nee tsu/utaaro Heé kiíng i gurkwa/ás a heemá?

ISAYA 8:21

Muu baraá yaamuwo tan tawo tambeeruus, taa ló'wa amoqwaár, slamí qwariitiyá'. Slám bir qwariitiyá' mune gaa farkiín amór waawutmooín nee munguine. Tan gawaá doorí qaytsiit,

ISAYA 9:20

Bihhaá wák kin hayoohín, sleeme ta bu'umitiiká, bihhi kaariya' kin /aay sleeme ta axinká. Umuú heewo in hhiyaawós baramaanuus.

SEFANIA 3:12

Baraawoge mukdá' tsaén un meetiís nee kudá' ti niinaweemiís. Inooín dír guwaay ngari dír umuueéní leelehhtuú ayá'.