ISAYA 14:29 - Biblía Axweesantá Hhohho' ar Mungú 2004

²⁹ «Kuungá' sleémeero awa múk Filisti ma qwalaala/aara', kawa xua' qawaydá' naa muux aa tsatiít. Asma dayshamo, dayshamoó qarkwá koóm gu laqwaal. Nee dayshamoó qarkwá koóm dayshamoó ti gileéhh gu laqwaal.

ISAYA 14:29 Iomraidhean Croise

2 WAAWITÁ 18:8

Inós múk Filisti slaqwaraaro guna baál nee guri haraadáh baraá gixsaduín iimír Gasa ay ayeemaá inslawaydá', iimír iimu/úngw /Aampaá xuuma ay gixsadaá taa tleéhh ar koo/ír gawit.

2 QOM'I 26:6

Waawutmo Usia tari slaáqw nee múk Filisti. Inós koo/ír gixsár Gati, nee Yabne, nee Ashdodi giri feé/. Gixsadaá hatlá' giri tleéhh baraá yaamaá Ashdodi nee baraá yaamudaá hatlá' naa meetiye' awa Filisti.

2 QOM'I 28:18

Qoomaarihe sleeme múk Filisti gixsár Shefela nee ar Negebu awa Yuda kina i haratláy. Gixsár Bet-shemeshi, nee Ayaloni, nee Gederoti, nee Soko nee ayeemaá inslaawaydae ngiri hayoohiyé', nee Timna nee ayeemoowose, nee Gimso nee ayeemoowose, gixsaduuká' ngiri kooín tleehhiyé'.

AXWEESANOÓ SAGALOOA 24:17

Wakusmoowók bira huú' ma qwalaa/aar, tam ma gurií qaseemaar bar yaae ngaa tunqalaá/.

ISAYA 11:14

Múk Yuda nee oo Efraimuwo nin haratlayá' amór múk Filisti kuduú bihhaá /uwa, inooín múk bihhaá da/aáw nguri hayoohiyá'. Inooín múk Edomu nee oo Moabuwo nguri baaliyá', múk Amoni niri dir'ín i iialooeesiyá'.

ISAYA 11:8

Na/oó du'uúm in neet dír afkú bohóngw dayshamoó wa ale, nee na/oó niiná dakós gun qaas afkú pa/amír dayshamoó qarkú koóm.

ISAYA 14:31

Maraay ni tsuunqumiisiye', gixsadu ni /aa/iye', kuungaásá xoorór Filisti gur'e ma'aay ngi dalaa/iye', Asma asla ni /iikú wa hi'ít, slám heé bihhií parangaá/ i kaahh baraá slaqwaruuser'ine.»

ISAYA 2:6

Asma kuúng mukók oo Israeli ugwa sí', asma da/aluusér da/aáw daahh baraá ayaaín gwaa dalá/. Múk tlaa/aá xuú' i deer, adór múk Filisti, taa aldinku'uús nee hooma.

ISAYA 30:6

Kaangwí an iigu'utuú Mungú aa laqán daanduú makaydaá baraá xaanxoó bihhaá basa, «Ya/abuuse i waaráhh ar baraá tla/ángw yaamaá slahh'amuú koomá', yaamaá direeraá /ameena nee awa yaqambeero ngi koomá', nee daysheero nee dayshér ti gileehha. Inooín daqaari'iimar'ín nga tsa/aasiyé' gawaá daanduú daqwayer'ín, nee gawaá daanduú angamíar'ín, as tawa daqay amór múk gi gaa wa buaaká.

YEREMIA 47:1

Kaangwí an axweesantá AAKOÓ MUNGÚ tidá' aarusmo Yeremia aa axaás daanduú múk Filistiwo, dír Farao gixsár Gasa ngiwa i haraatlayká.

WA/AA/I 2:17

AAKOÓ MUNGÚ tidá' sleémeero aa tsabín gaa tleéhh, /aymuuwós kudá' aa oó' gwaa boo/eés adoodá' ngura islaáx iimír bál geeraawo, gixsa gana yaamií hhaáf ar gurtleemu wasle, Wakusmo gwaa qwal/aás daanduuhunge, /uuruú wakuuseerhúng gwaa barilooeés.

ESEKIELI 25:15

Aakoó MUNGÚ i kaahi, «Asma múk Filisti magoót ngina tseegiyé', li/aay nguri buiyé' dír wakuuser'ín ar buhhtaá tlakw, nee tari dáh baraá wakaarír baloó faakaaká,

ESEKIELI 26:2

«Heewí, múk Tiro, múk Yerusalemu ngwa sawaaqasené' tawa kaahi, ‹Ahaá ala, Yerusalemu gixsadá' muu sleémeero ira waaraáhh, kaa hhaáf, daxta atén pa/aangw ugwa slawaán, daqaari'iimarós kaa hhitín.›

ESEKIELI 35:15

adoodá' kiíng tara qwalá/ as yaamaá Israeli kiwa xaanxay tleéhh. Gawaá adoorihe aníng kiíng i harasihhiít. Kiíng tloomár Seiri a xaanxay tleehhít, dinkwa nee yaamu sleémeero awa Edomu. Qoomaarihe daqaní kuungá' a tsahhá' adór aníng tar AAKOÓ MUNGÚ.› »

HOSEA 9:1

Ma qwalaala/aara' aá múk Israeli! Ma adór múk xoordaá hatlá' wa qwalaala/aara'. Asma adoosíng kuungá' AAKOÓ MUNGÚ kuwa sié' ana daté' baraá fuqi. Slaasláwár fuqi kari ilatleerusé' umuúqo dír tawa balángw slahhana.

Yoeli 3:4

«Kuungá' Tiro nee Sidoni, nee yaamu sleémeero awa Filisti, gár ta tlehhmuú wa sla'a' dir'eene a milá? Xáy, li/oó ta bu'utú sla'a' i deéro daandueene? Kuungá' li/aay bur bu'utuú wa sla'á', aníng li/aay ngu gaanslár buú'.

AMOS 1:6

AAKOÓ MUNGÚ i kaahi, «Aníng múk Gasa u mawaaká muxtaaro asma tlakweema ngiwa tlehhahhitiyé'. Asma inooín xooro ngina sleémeeró wa ar tlayé', nee ngiri weerisiyé' as tawa lawaalér múk Edomu.

AMOS 1:8

Aníng yaamuloouusér gixsár Ashdodi a tlatlahhaás amór saáw i ale, tam kudá' hhartá waawuti'iimár gixsár Ashkeloni ga koóm. Aníng gixsár Ekroni an alwarqáw, múk Filisti sleémeero kudá' aa meet nguri qwaareés. Anuú Aakoó MUNGÚ ti aga oó'.»

OBADIA 1:12

Ala geeraawo deelór hhaeehúng niwa isaa qeqtiné' ana i qaytsiti'iiká, nee ana qwalaala/i'iiká, nee slám qwanoó múk Yuda una waaqasesendi'iiká tam deelór slahh'amuuín ana ar laahhandi'iiká.

MIKA 7:8

Ma qwalaala/aar, wakusmooeé', án bar aga huú', a malé sihhiít. Bar baraá giwtír i dirií', AAKOÓ MUNGÚ a gwa/aateemaeé'.

SEFANIA 2:4

Asma gixsár Gasa ka geexáy, nee Ashkeloni kan deewa'ameérií geexáy, múk Ashdodi kun tlaatla/ángw loohatis, nee Ekroni kan dee/aáruú al tuu/.

SEFANIA 2:5

Kuungá' xoorór Krete múk bihhaá tlawtá hoót, a tsaxwaahúng. AAKOÓ MUNGÚ daanduhunge i axweesantá kón. Kiíng Kana'ani, yaamaá múk Filisti, aníng nu hhaamiís, tam hee miwa meét oo baraawók wa hoót.

SEFANIA 3:11

Baalaadae tlakweemaawók kudá' tawa dee/aanút dir'eene, gár kiwa sa muruumit i káhh. Asma baalaadae mukdá' daara/aám nee ti xirfayeemiís un hingeés diroge. Slám kiíng a malé daara/utká gawaá tloomar'eé' tidá' hhoohhooe.

SEKARIA 9:5

Múk gixsár Ashkeloni kaangwí burkwa ár, tari da'ayuut, nee múk gixsár Gasa sleeme iri amoqwaqwadín slahh'amuuwo, tam gixsár Ekroni sleeme harahhifoorós i qwát, waawutmoó Gasa i hhán, nee gixsár Ashkeloni heé gawa hoót iri qwaar.

FAARO 21:8

Naagáy AAKOÓ MUNGÚ Mose guri bay, «Dayshamoó muqslír sirdaa/aat tleehheek, ku qás gawaá ságw xa'anoó tlerantleér. Umuúqo heé taa kiíhh nee dayshamo, nee dayshamoduú muqslír sirdaa/aat nguri i qaytsiít, in hhooáy.»

YOSHUA 13:3

iimír yaaér Shihorír wa oohang ay bihhaá da/aáw awa Misri ay digmuú Ekroni bihhaá /iiko, gaarí an yaamuudá' sleémeero ta babay awa xoorór Kana'áni. Waawituú Filisti a kooán, ayeemooín a kuká': Gasa nee Ashdodi, nee Ashkeloni, nee Gati, nee Ekroni nee yaamaá múk Afi,