ISAYA 14:24 - Biblía Axweesantá Hhohho' ar Mungú 2004

²⁴ AAKOÓ MUNGÚ Aleesleemusmo lo'o gaa /aáy i kaahi, «Adoodá' tleehhamooro naa istí tsaát, adoodá' aqo in tleehharút. Adoodá' naa slaá' tleehhamooro, adoodá' aqo in bó/.

ISAYA 14:24 Iomraidhean Croise

IIMU/UUNGW 41:32

Gár tlataawók tas sagaáwa tsár, a /aymuuwí Mungú nguna geehhoeés, nee Mungú gu boo/ees ar gaanslaay.

YOBU 23:13

Ala inós i baloó warqayká, heé inós gu warqeés a heemá? Nee gár inós tleehhamooro i slai an tidá' tleehharuut.

WARA'AMI 110:4

AAKOÓ MUNGÚ tí gaa lo'ór wa /aáy nee slamí i warqayká, «Kuúng a kaahamusmoó úr oo Mungú kureerisleém, ar adoodár Melkisedeki.»

WARA'AMI 33:10

AAKOÓ MUNGÚ axweesanoó múk xoordu taa qoomeemeés guna hhitín, muruudá' ta aldakuút guri warqeés.

WARA'AMI 92:5

AAKOÓ MUNGÚ, adoodá' tlehhmi'iiwók kir urén, direne inslawaywók ku gawít tsaahharo.

TI'INAANGW 17:16

Iri oó', «Bendeérár AAKOÓ MUNGÚ gáwtí tleesaak. AAKOÓ MUNGÚ nee xoorór Amaleki i slaqwaaquná' qari sleémeero.»

AXWEESANOÓ SAGALOOA 19:21

Muu muruú yaariír gun mak qoomaamees, Ala gár tleehharuut a tidá' AAKOÓ MUNGÚ aa ya/án.

AXWEESANOÓ SAGALOOA 21:30

Sagalooa i káhh tam tsaahha i káhh sleeme, laqaá tam gurbua i káhh sleeme ar ta tleehhi a dimbé nee tidá' AAKOÓ MUNGÚ i slai.

ISAYA 10:5

AAKOÓ MUNGÚ i kaahi, «Ashuru a adór guhhláy'eé' oo mukdá' naa i buúhh ngur muux.

ISAYA 19:12

Aá Farao, mukók kudá' sageeloén i amá? Gimáy, gadaádá' AAKOÓ MUNGÚ Aleesleemusmo naa istí tsaát tleehhamoro daanduú Misriro, inooín ngi dorógí ooiye' as kawa xu'.

ISAYA 19:17

Yaamaá Yuda kiri da'ayuut nee yaamaá Misri, umuú heewo oo taa kángw yaamaá Yuda báy, in daanda feehhiit daeero, as tlehhmuwí AAKOÓ MUNGÚ Aleesleemusmo aa istí tsaát tleehhamooro daanduine.

ISAYA 55:8

AAKOÓ MUNGÚ i kaahi, «Inslaway'eé' nee koohúng ti slayká, tam lohduuhúng nee lohduueé' ti slay'aaká.»

ISAYA 55:9

Asma adoodá' doori kir saáw gáwtí ale ta yaamuwo, an adoodá' lohduueé' kir gáwtí saáw ta lohduhunge, nee inslaway'eé' ta inslawayhunge.

YEREMIA 23:20

AAKOÓ MUNGÚ buhhtaawo i baloó alií ki/iiká, ay dír tidá' aa slaá' tleehharo baraá muunaáwose ngay boo/eesi. Deelór ni hi'iita tí kuungá' a tsaahha hhe'eesá'.

YEREMIA 29:11

Asma anuú AAKOÓ MUNGÚ a xuú' gár ni kuungá' i qoomeemeés i deer. Gár nuy qoomeemeés a wayda, ala a amotlakweerooká, kuungá' masók harahhifo a sleerá' aluuwo.

YEREMIA 44:26

Gawaá adoorihe axweesantá AAKOÓ MUNGÚ iiárií qaasaak, kuungaá múk Yuda sleémeero kuká' baraá yaamaá Misrír hoót. Anuú AAKOÓ MUNGÚ a kah, «Ga/aawaak, aníng lo'o aga /aáy ar umuueé' oo úr, nee a kah, heé Yuda oo yaamaá Misrír hoota oo káh, ‹Adoodá' AAKOÓ MUNGÚ ir hotaatin.› I kaahh tumu wák.

YEREMIA 49:20

Gawaá adoorihe, adoodá' AAKOÓ MUNGÚ aa qoomeés dír múk Edomu iiárií qaasaak, nee adoodá' i tleehhamór wa slai dír yaamuloouusér Temaniwo. Tam deeláy'ín oo bee/aangw kun yaamúr duuruxún, nee kuri ar tláy, múk yaamuudá' hoót tari waa/oo'.

YEREMIA 50:45

Gawaá adoorihe, adoodá' AAKOÓ MUNGÚ aa qoomeés daanduú múk Babuloniro iiárií qaasaak, nee adoodá' i tleehhamór wa slai dír yaamuloouusér Kaldayo. Tam deeláy'ín awa bee/aangw kun yaamúr duuruxún, nee kiri ar tláy, múk yaamuudá' hoót tari waa/oo/.

WA/AA/I 3:37

Heé gaa ga oó' iri tleehharút a heemá bar Aako gaa ooiiká?

ESEKIELI 12:25

Anuú AAKOÓ MUNGÚ kilá' tidá' tlehharuut ngi geerií oó'. Tí ni hardát i baloó tligaká. Kuungá' múk aa dee/anuut qoomár slafingwhunge axweesantí naa káh a boo/eés. Anuú Aakoó MUNGÚ tí aga oó'.»

ESEKIELI 39:4

Kuúng a gwá' gawaá tlom'aá Israeli, kuúng dinkwa nee slaqwaruuseerók sleémeero nee xoordaá dinkwa nee kuúng. Aníng slaqooín in haniís as kiwa /ayi nee tsir/ór gawaá doori ar umuú kalaywo nee makaá xaraaslá'.

AMOS 3:6

Xáy, tarumbeéta kaqo tawo ufaáhhi baraá gixsaro, muu iri da'ayutiiká? Xáy, gár tlaakw iqo baraá gixsár wa tleehharúta ar amór AAKOÓ MUNGÚ dahhaaká?

AMOS 8:7

AAKOÓ MUNGÚ lo'o gaa huúw as daara/ángw Yakobo, i kaahi, «Tiqá' Yakobo aa tleéhh dir'eene i baloó qwatká.

Matayo 11:25

Qoomaadae Yesu iri axweés iri oó', «Aníng kuúng u sluufiís, Baabá, Aakoó doori nee yaamu, asma muruuwí ugwa lú/ dír múk sagalooár kooma nee fuquraangw, kuri laqaán dír na/aá ninakw.

Tlehhema'aá ya/Abuuse 4:28

As kawa tleehhi tidá' kuúng taa slá' nee taa tsabiín kawa tlehh ar /uuruuwók, iimír iimu/uungo iwa bo/.

Efeso 1:9

Inós atén tina sla'aarirós i laqán, tidá' taa luú/, tidá' aa slaá' boo/eesaaro. Al'axweesani gana oó' adoorí ngiwa boo/eesi ar baraá Kristo.

Ebrania 4:3

Ala ateéká' aga haratlintiiaan, atén a dahaán baraá hungu/umaadá'. Asma Gooi kángw hungu/umaaká gu kát, «Aníng aga buúhh, lo'o ngiri /aay niwa kah, ‹Mukwí i baloó dahiiká baraá hungu/umaaeene.› » Mungú adoorí gana oó', tam gadiyeérós sleémeero ngaa hhe'eesi iimír yaamu kiwa tleéhh.

YOSHUA 11:20

Adoorí an adór AAKOÓ MUNGÚ kilós aa slaá'. Mukduú xoordaá hatlá' guna mune gawdeés as kahhó' nee inooín tawa slaqwi. Ina tsabín kiwa gurtlayká, ala masók kin qororo'oos, ar adór AAKOÓ MUNGÚ ngira hara'ayín dír Mose.