ISAYA 14:21 - Biblía Axweesantá Hhohho' ar Mungú 2004

²¹ Ti amohhe'eese' na/iiwós kiwa tsu/a', asma tlakweemaá baabi'ii'ín, wané aluuwo ni iitlayá' yaamu ngiri aaliyá', yaamu ngiri niiqiyá' dinkwa nee gixsaduuín.»

ISAYA 14:21 Iomraidhean Croise

YOBU 37:12

Inós mura' sleémeero gun amorqár káy, tiqár káy ar hara'ayaarós, as kahhó' tidá' aa hara'ayín ngiwa tleehhi baraá yaamu sleémeero.

TI'INAANGW 20:5

Kuúng slaqsi'iidá' mi i tumbarara'amitaar, laqaá mi sluufmisuú awaar, asma anuú AAKOÓ MUNGÚ, Munguúwók, a Mungú da/tá koóm, kudá' li/oó tlakweemaá xwayliité tidá' aníng i ahhiit gu dír na/ii'ín buú' tam ay nángw sagaáwa tám laqaá ay tsiyáhh.

ISAYA 13:16

Na/ii'ín awa qaweero kin xooro qwaarees dír ilaaín wa alé, maray'ín kin hayoh, nee tlaaway'ín kuri uhín ar /uuru.

ISAYA 27:6

De'emaá hi'iita'a xwaylár Yakobo dee/ár gu síhh, múk Israeli iri /ayuus, nee iri harmaa/, mamuuín yaamu sleémeero ngiri niiqiyá'.

TLAHHOÓ LAÁWI 26:39

Barnaxes bartaka aa mét baraá yaamaá wakuuserhúng, nin naduumitiyá' nee niri faakiyá' as tlakweemaaín nee as tlakweemaá baabi'ii'ín.

Matayo 23:35

Gawaá adoorihe tseerdu sleémeero awa múk hota ganaá', kudá' taa yaamií ku'uús, nu i ki/iyá', iimír tseerér Abeli wa tleemu kudá' hota ganaá', tam ay tseerér Sakariuú Barakia, kudá' taa gasé' tla/ángw kitángw ilahhooa nee Doó Mungú.