ISAYA 14:20 - Biblía Axweesantá Hhohho' ar Mungú 2004

²⁰ Kuúng tu alfooliiká dinkwa nee inooín, asma kuúng yaamuuwók ina gás, mukók kuri tsú/. «Xwaylár múk tlákw alók in hhaán geeraawo.

ISAYA 14:20 Iomraidhean Croise

2 WAAWITÁ 9:35

Ala qoomár kawa foolár ay, naxés gár taa didií áy aqo har fartá saga, nee fadaá daba', nee awa ya'a'.

YOBU 18:16

Inós a adór xa'anoó dee/aruuwós aa kah, nee haleemiiwós sleeme gawto naa kahiyé'.

YOBU 18:17

Gawaá daanduú yaamuwo heé inós gu insláw i kaahh, tam umuuwós ku baloó ooiiká.

YOBU 18:19

Na/ii nee na/aá naango gi konká, heé aa meet baraá do'ose i kaahh.

WARA'AMI 109:13

Xwaylarós sleémeero i qororo'ot, umuuwós ku gunqareesi nee qartá itlaw.

WARA'AMI 21:10

Kuúng xwaylar'ín a qwaarés gawaá daanduú yaamuwo, na/ii'ín nari meetiaaká.

WARA'AMI 37:28

Asma AAKOÓ MUNGÚ sakwasleemár ganaa' ga slaa', tam mukós kudá' hhohhó' gu baseehuwiiká. Heé hota ganaá' gu de'én ay alhhe'eesay wasle. Ala xwaylár heé tlakusmo gan qwaarees.

DAHARUSMO 6:3

Barnaxes hee na/aá tsiiru gaa laqwaál, nee iri hoót kureeraá yaariire, iri hoót deelór yaariire, ala inós amohhooár hotaangw gaa slayká, nee iwa gwaá' kwaa fooliiká, aníng a kah, gurkwahhama a tsiní ta heewihe.

ISAYA 1:4

Tsaxwaahúng kuugaásíng xoorór iringuuse. Kuungá' a múk taa al'ilooúy nee tlakweema, xwaylár tlakweemaá tlehhaahhiit, na/aá al/aymárár hotaatimá'. Kuungá' AAKOÓ MUNGÚ ugwa geexeeré', kudá' Hhoohhoó' oo Israeli ugwa waaqaé', taa falo kwahhé', tari alií ki/é'.

ISAYA 31:2

Tam adoorihe Mungú ku sagaloó', i slahh'amuú huwahuuw, Inós axweesantós ga warqeesiiká, Ala in sihhiit iwa slaqwi nee maraá múk tlákw nee in slaaqw nee mukdá' múk tlakweemaá tlehhahhiít gu alee/iimamiís.

ISAYA 9:17

Gawaá adoorihe, Aako masoombar'ín ga gurtlayká, sleeme i gurtleemuú konká dír panaay nee kwaeeliiwo. Asma heé Munguú ilaiwawaá/ i kaahh, umuú heewo a lamusmo. Tam adoorihe muneerós gaa gu/iiká, tam hamí dakós i loloqoosárí kaahh.