ISAYA 14:19 - Biblía Axweesantá Hhohho' ar Mungú 2004

¹⁹ Ala kuúng tun amór saáwí kwaahh, dír /aantaarók tidár baraá tlaa/aro, adór na/oó taa guruú wa kwaáhh oo ta slaiiká, tuuaarók kan uuntsuus ar tuaá múk ta tsu/aa/iín ar paangadu, kudá' ta /aytisi baraá bohóngw tlaa/e, tuuaarók tari slaqás nee tuuár taa kal/aa/án ar ya'a'.

ISAYA 14:19 Iomraidhean Croise

1 WAAWITÁ 21:19

Inós ku beer, AAKOÓ MUNGÚ i kaahi, ‹An tsu/úta tay aaliín sleeme?› AAKOÓ MUNGÚ i kaahi, ‹Didá' tseerér Naboti kawa naatsín nee seeaawe, tók seeaawe ga didá' wa náts sleeme.› »

1 WAAWITÁ 21:24

Eeít, heé do'oge gwaá' baraá gixsarí ale, seeaawe gu /ák, nee heé gwaá' baraá yaamaá xatsa, tsir/ór gawaá doori gu /ák.› »

2 WAAWITÁ 9:25

Yehu alee/isusmoowós kudá' ta bay Bidkari guri báy, «Tuuarós tisíng kwahheek baraá qaymoosír Naboti, heé Yesre'eli. Inslaweek tidá' qoomaadá' aníng nee kuúng tawa alaá Ahabu wa hi'imitaan ar farsuurén, adoodá' AAKOÓ MUNGÚ aa axweés daanduuwose.

ISAYA 13:15

Umuú heewo oo taa harasliqiít aqo kun muut, nee umuúqo heé taa oohi aqo kun gaas ar paánga.

ISAYA 14:18

Waawitá sleémeero oo xoordu kuna foliít ar xirif, umuúqo waawutmoowo baraá /aantaarós.

ISAYA 34:3

Tu'uuín kin tsee/ií kwakwaahh, tsutsuír tu'uuín yaamu giri tsatát, Tseerduín niri gawaá tlom'i wá wa/iyá'.

ISAYA 5:25

Gawaá adoorihe, AAKOÓ MUNGÚ mukós gwaa i daa/atúy buhhtaawo. Inós gaa dákwí tleés as ngiwa muxi, tam tlom'i niri daaraaxiyé', tu'uuín baraá loohdaá tla/ángw gixsaro a adór xwaansláy. Tam adoorihe muneerós gaa gu/iiká, in kumiit muxtaaro.

YEREMIA 16:6

Sleémeero múk urén nee oo ninakwe, i qatliyá' baraá yaamuukae, ki foliitiiká, laqaá heé gi satsuunqumiís i kaahh, laqaá oo ti yaamúr slaáhh, tam oo sagós gu deéqw as gwa'ara i kaahh.

YEREMIA 22:19

Inós kun fool ar ilaiwa/ame wasle adór daqwaay, kungun duuruux, kuri kwaahh amór saaw dír afkú gixsár Yerusalemuro.»

YEREMIA 41:7

Mukdá' tawa dáh baraá gixsa, Ishmaeli garmoó Netania nee mukós kuduú mibaangw mukdá' kuri tsuú/ nee tu'uuín kiri /aytimiís baraá hhalaangw.

YEREMIA 41:9

Hhalangwdá' Ishmaeli tuaá mukdá' ngay kwakwaáhh ku ló'wa úr. Hhalangwdá' kuna foól nee waawutmo as tiwa xun dír Ba'asha waawutmoó Israeliro. Ishmaeli garmoó Netania hhalangwdá' guri dalaá/ tuaá mukdá' aa tsu/i.

YEREMIA 51:4

Inooín tan huuhu'ún kiri tsuu/ baraá yaamaá Kaldayoro, inooín kin baraá lohduuín wa tlaaqaaqán.

ESEKIELI 32:23

/Aantuuín kaa baráy foola hhe'eés baraá bohongwduú gi'iwo. /Aantaá slaqwaruuseerós tidá' sleémeero taa tsuú/ baraá slaqwarár wa ale, inós ngwaa harweeriyé'. Qoomár inooín iwa slafiya', muu nguna daandeemo feehhamiisiyé'.

ESEKIELI 32:27

Mukwí kwa dinkwaárií fooliiká nee pihhuuseedár aáng, tidá' aa baraá gi'ií /et nee xooslar'ín ar slaqwaraaro, paangaduuín nga sager'ín i qaasiyé', nee gaambuín i gawaá slaqooín. Pihhuuseerí qoomár iwa slaf muu nguna daandeemo feehhamiisiyé'.