ISAYA 14:17 - Biblía Axweesantá Hhohho' ar Mungú 2004

¹⁷ Kudá' yaamu ga xaanxaay tleéhhi? Kwí an kudá' gixsadaá baraá yaamu gaa hhaamísi? Aa kudá' mukdá' taa tsegiít gwa sí'i' gweermooro?›

ISAYA 14:17 Iomraidhean Croise

ISAYA 14:16

Kudá' sleémeero kiíng iga ariye' tin ilií duxún, in aldakwiyá' tari ooi, ‹Heewí an kudá' yaamu gaa daaraxaási? Kwí an kudá' waawuti'iima gaa diingiísí.

ISAYA 14:18

Waawitá sleémeero oo xoordu kuna foliít ar xirif, umuúqo waawutmoowo baraá /aantaarós.

ISAYA 45:13

AAKOÓ MUNGÚ i kaahi, «Aníng Koreshi ugwa sihhtís iwa gan'amúr hooti, lohduuwós iga gan'aás, inós gixsar'eé' ga tleehh. Nee mukduú baraá loohaay gun gweer. Inós i bu'utuú leelehhitiiká laqaá slukma.»

ISAYA 58:6

Gwaawitór aníng ni slaa' a tí: Mukdaádá' taa tawo tsegiít kuwa gweda' him'eedá' muu kura tsegiít kawa gweda'. Mukdá' ta baramaanuusi amohhooa ngiwa slay, nee umuú taaqwanto kawa giqeera'.

ISAYA 64:10

Gixsaduuwók kudá' hhohho' naa darma tleehhitiyé' Siyoni aa darma tleehhít, Yerusalemu aa deewá'.

YEREMIA 50:33

AAKOÓ MUNGÚ Aleesleemusmo i kaahi, «Múk Israeli kwaa ló'wa baramaanuús, tam múk Yuda sleeme. Mukdaádá' inooín gaa loohatis gaa ló'wa slahh'eés nee geemawto kaa sií'.

ESEKIELI 32:23

/Aantuuín kaa baráy foola hhe'eés baraá bohongwduú gi'iwo. /Aantaá slaqwaruuseerós tidá' sleémeero taa tsuú/ baraá slaqwarár wa ale, inós ngwaa harweeriyé'. Qoomár inooín iwa slafiya', muu nguna daandeemo feehhamiisiyé'.

ESEKIELI 6:14

Aníng dakw'eé' u tleés gawaaíní aleeró, nee yaamuuín i hhitiím ngiri taangu tleéhh, iimír amór xaanxoó bihhaá basa ay gixsár Ribla bihhaá /iiko, yaamuuín i taangu tleéhh as dír hota mingiwa slayé'. Inooín sleémeero ngiri tsaahhiyá' adór aníng tar AAKOÓ MUNGÚ.»

Yoeli 2:3

Adoodár asla ir /ayayiin, an adór ingigtí umuú gaaro ngir hhitiin. Amór aluuine kwaáo' yaamu asla gina /ák. Qoomár iwa hu'uká yaamu a adór Edeéni, alaá iwa hú', yaamu a adór xaanxaay. Gár /uw dir'ine i káhh.

HABAKUKI 1:7

Mukwí a múk tlií/ nee oo dae tlaáq ló'wa alé, mukwí a sager'ín gan /aay baraá kwasleemaduuine nee baraá uray'ine.»