ISAYA 14:15 - Biblía Axweesantá Hhohho' ar Mungú 2004

¹⁵ Ala kiíng taa gáwtá wa /arara'aás ay baraá gi'i, taa /aytiís ay baraá gwe'eedaá bohoongw.

ISAYA 14:15 Iomraidhean Croise

ISAYA 14:16

Kudá' sleémeero kiíng iga ariye' tin ilií duxún, in aldakwiyá' tari ooi, ‹Heewí an kudá' yaamu gaa daaraxaási? Kwí an kudá' waawuti'iima gaa diingiísí.

ISAYA 2:11

Heé daara/ángwár xumiís ku baráy /aytiis, nee múk daara/aám ku baráy ki/is. Baalaadae AAKOÓ MUNGÚ kilós kun xirfayemiis.

ISAYA 2:12

Asma baalár AAKOÓ MUNGÚ Aleesleemusmo i hi'ít, dír mukdaádá' sleémeero sage gawdén nee oo daara/uuseero, nee daandemaá kudá' ti gáwtí tleemisá'.

ESEKIELI 31:14

Adoorí ina tleehharút asma xaai sleémeero kudaá dír ma'aay mindiwa tlenaanuyé' ay gawaá doori. Xa'anoó hatlá' oo taa eemiís tlenaango adór kwí mingiwa malé áy. Asma umuú gaa alhhe'eesaywós a gwa'ara, tam muu sleeme a adoorí, sleémeero ta /eet baraá gi'i.›

ESEKIELI 31:16

Xoordu ina daaraxaás ar afór huu'umaawós, qoomár ngiwa yaamií daáhh baraá gi'i, dinkwa nee kudá' /e/etimá' baraá bohoongw, nee xaai sleémeero awa Edeni, xaa'aá hhohho' awa dimbé baraá Lebanoniro, kudá' taa eemiís ar ma'aay, kina gurkwa/amís baraadaá gi'iiwo.

ESEKIELI 32:23

/Aantuuín kaa baráy foola hhe'eés baraá bohongwduú gi'iwo. /Aantaá slaqwaruuseerós tidá' sleémeero taa tsuú/ baraá slaqwarár wa ale, inós ngwaa harweeriyé'. Qoomár inooín iwa slafiya', muu nguna daandeemo feehhamiisiyé'.

OBADIA 1:3

Daara/ángw muunaáwók ina al/agín. Kiíngadá' hotaatiim baraá mar'ór tlaa/é wa alé, kiíngadá' do'ók ugwa tlehh gawaá tlooma, hanoosáy a baraá muunaáwók i kat, «Heé aníng aweeriisaro i asláw a heemá?»

Matayo 11:23

Nee kiíng gixsár Kapernaumu, xáy, ti tsa/aási ay gawaá doori? Aasla'áy, tin /aytiis ay baraá gi'i. Asma muruú waa/oo/amo oo aa tleehharuut diroge, geera dír iwa tleehharuút bar an baraá Sodoma, geera Sodoma i deer ay laarí.

Luka 10:15

Nee kiíng gixsár Kapernaumu, xáy ti tsa/aási ay gawaá doori? Aasla'áy, tin /aytiis ay baraá gi'i.»

Geehhoeemaá 19:20

Makiito'oodá' kari óh dinkwa nee aarusmooduú lama. Aarusmoowí a kudá' tlehhema'aá waa/oo/amo gaa tlehhiit geeraá makiito'oodá' wa ale. Nee slám inós muu guna al/agín ar tlehhemi'iiwós kudá'. Múk taa al/aáy a kudá' layár makiito'o gaa ilaoh nee oo murslaaqatuú makiito'oodá' gwa i tumbarara'aat. Kuká' tsaraawo kiri slafi kwaáhh baraá tlawtadá' asla iwa ohahiin ar kiberiíti.