ISAYA 14:13 - Biblía Axweesantá Hhohho' ar Mungú 2004

¹³ Kiíng ana baraá muunaáwógi ó', ‹Aníng an tsa/ám ay gawaá doori, dír tsatse/uú Munguhe gawa, kitangw'eé' dir'ine nguri gáwtí qaás. Aníng niri iwiít gawaá tloomadár mungui tay dogiitiya', tidár amorqár /iíkwií saaw.

ISAYA 14:13 Iomraidhean Croise

YOBU 20:6

I ya/aán heé tlaákw iwa slu/ubiibin, ay dír doori ngay kwatiiti, in ló'wa tleerúy ay dír sagós huunkáy ngway kwatiiti.

WARA'AMI 48:2

Siyoni a tloomár Mungú ar sla'atimis adór ira sihhiti, a gixsár waawutmoó úr ar qwal/uú huwahuuw baraá yaamu sleémeero.

ISAYA 2:2

Adoorí an adór deelór alhhe'eesaywo tleehharuut. Tloomár Doó AAKOÓ MUNGÚ ka gawdees tlom'i sleémeero ba/a, nee kari gáwtí tlees tlom'aá hatlá' ba/a, nee xoordu sleémeero ngiri i daqayá'.

YEREMIA 49:16

Dae tlaqa nee daara/aangók kudá' ta tlehhit ugwa al/ayiyé', kuúdá' hotaatiím baraá mar'ór tla/uú wa alé nee gawaá sagér tlom'i. Tam do'ók ugwa adór gwareesír wa gáwtí tlehhi, aníng kuúng un gawaasíng wa /arara'aás. Anuú AAKOÓ MUNGÚ tí ngina oó'.

ESEKIELI 27:3

gixsár Tiro tidár afaá tláwtí dirii', ar mukós halaanu'uumár tlehhahhiít dír yaamaá afaá tlawtá wa ale ka beér, Aakoó MUNGÚ i kaahi, Kiíng Tiro ana ó', ‹Aníng ti ló'wa hhoohhoó'.›

ESEKIELI 28:2

«Heewí, waawutmoó Tiro baweek anuú AAKOÓ MUNGÚ a kah, Kuúng aga ló'wa pooraa/amút sagabi/uuwo, sleeme tari ó', ‹Aníng a mungú, aga iwiít gawaá kitángw waawuti'iima oo munguaá hatlá', aga iwiít baraá tláwtí alé.› Ala kuúng a heé tawo, kuúng a munguheeká. Tam sagalooarók kilók a ara'aanda tawa adór taqár mungú.

ESEKIELI 28:9

Xáy, kuúng aqo kumíta tawa kat, ‹Aníng a mungú,› dír geeraá mukdá' kuúng u gaamisa? Kuúng tin tsáhh adór tar hee, ala a munguheeká dír geeraá mukdá' kuúng u tlaqmiisa'a.

ESEKIELI 29:3

Farao ku beer, Anuú Aakoó MUNGÚ a kah, Aníng nee kuúng ti araán, waawutmoó yaamaá Misri, kuúng an dayshmoó úr kudá' guaaiím baraá yaaér Nili wa alé. Kuúng a kat, ‹Yaaér Nili a te'eé', aníng ana tleéhh.›

ESEKIELI 31:10

«Gawaá adoorihe anuú Aakoó MUNGÚ a kah, ‹Asma kiíng ana tleeruúr, nee tsitsiniirók tiri gáwtár dúx baraá haleemiidá' urene, tlenaangók kuri ar daara/aán.

ESEKIELI 40:2

Naagáy qoomár niwa baraá iigu'utií dirii', AAKOÓ MUNGÚ ina ar tláy ay baraá yaamaá Israeli, iri tsa/aás gawaá tloomár ló'wa tleer, nee bihhaá basko gár adór maraá baraá gixsa nina lak geehhoouyé'.

DANIELI 11:36

«Waawutmoó /iya adoodá' i slai gan tleehh. Inós ti kilós xirfayees nee tiri gáwtí tleés iri ooi inós ku úr dír mungui sleémeero. Munguú mungui guri /oosliislín. Iri kumiit ay dír har afiqoomár buhhtaawós i fakiya'. Asma qoomaadá' taa qaás iwa bo/ i hariín.

DANIELI 5:20

Ala as inós iwa daara/uút nee iwa sagagawdúy iri waahhamín, kuri hingeés gawaá kitángw waawuti'iimaro, tam xirfuuwós kuri hingeés sleeme.

OBADIA 1:3

Daara/ángw muunaáwók ina al/agín. Kiíngadá' hotaatiim baraá mar'ór tlaa/é wa alé, kiíngadá' do'ók ugwa tlehh gawaá tlooma, hanoosáy a baraá muunaáwók i kat, «Heé aníng aweeriisaro i asláw a heemá?»

SEFANIA 2:15

Gaarí aqo tsuuwá gixsadáe, tidá' aa hot ar daara/aangw nee diihhooa, tidá' aa baraá muunaáwós i o', «Aníng an aníng, oo hatlá' i kaahh, aqo har aníng.» Ga/aawaak adór ira deewá', diirí tari dír makaay ni watliya'. Umuúqo heé waaraahha gan niqmis gari qoongo'oomiis.

Matayo 11:23

Nee kiíng gixsár Kapernaumu, xáy, ti tsa/aási ay gawaá doori? Aasla'áy, tin /aytiis ay baraá gi'i. Asma muruú waa/oo/amo oo aa tleehharuut diroge, geera dír iwa tleehharuút bar an baraá Sodoma, geera Sodoma i deer ay laarí.

Luka 10:15

Nee kiíng gixsár Kapernaumu, xáy ti tsa/aási ay gawaá doori? Aasla'áy, tin /aytiis ay baraá gi'i.»

2 Tesalonike 2:4

Inós a Wakaarusmo, inós tin oo úr tlehhiit dír muruudá' sleémeero muu i sluufmiisi adór munguii'ín wa ale. Slám ti ureemiis dír muruudá' sleémeero oo hhohhoe. Nee inós in baraá Doó Mungú i iwtanángw aa'áy, iwa kaahi, «Aníng a Mungú.»