ISAYA 14:12 - Biblía Axweesantá Hhohho' ar Mungú 2004

¹² «Kiíngadár aáng ar adór tsatse/ír haymú, adór tira /aytiís gawaá doorí wa alé? Kiíngadár xoordaá yaariir iga balaalit, adór tira yaamií daáhh?

ISAYA 14:12 Iomraidhean Croise

ISAYA 13:10

Asma tsatse/uú gawaá doori nee tsatse/uudá' ninakwe gwa/aateema gi máy, tsee/amá bir tsiirariihh in didií giiw, slahhaangw gwa/aateema gi máy.

ISAYA 34:4

Slaqwaruusér gawaá doori sleémeero iri hhitirút, doori kiri adór slaambare/ír wá marmaar, slaqwaruusér doori sleémeero iri huuhu'uún, adór loo/ór sabiíbu ir pahhaahhat, nee adór loo/ór /aantsí ir huuhuaaiin.

YEREMIA 50:23

Axáy a adoomá, gixsarí aáng adór yuúnduú yaamu sleémeero, adór ira qeqtiín. Babuloni adór ira dír dae tlaaq tleehhít tla/ángw xoorduwo.

YEREMIA 51:53

Tam Babuloni i tsa/aanda gawaá doori, tam koo/irós ngi tleereesa ay gawa, tam adoorihe múk ga hhaamiis u tleés. Anuú AAKOÓ MUNGÚ tí ngina oó'.»

WA/AA/I 2:1

Adór Aako buhhtaawose múk Siyoni ngura dahaás baraá tlaangú! Inós hhohhoartá múk Israeli gana baraá doorí wa kwaáhh ay yaamu. Baalaadár buhhtaawose tam didá' ya'aawós ngi qamaamin gaa inslayká.

ESEKIELI 26:17

Inooín tiri satsuunqumiis ar afór ur, tari ooi, ‹Kiíng gixsár iia tleer taa hhaamiís, taa amór tlawtá wa kwaáhh! Kiíng nee yaamuloouuseerók /uuru una laqaandé' daanduú tlawto, tidá' taa da'ayumiít nee múk yaamaá kaahaar sleémeero.

OBADIA 1:4

Tam aga gáwtí tsa/aandi adór gwareesi, tam do'ók ugwa tlehhi baraá tla/ángw tsatse/, AAKOÓ MUNGÚ i kaahi, «I /arara'aás gáwtá wá ale ay yaamu.»

Luka 10:18

Yesu giri báy, «Án Neetlaangw ugwa ár, i gawaá doorí wa /e/eetín adór mankari.

2 Petro 1:19

Gawaá adoorihe atén axweesantadá' aaruuse aa alki/ít an ló'wa haratlintiaán. Kuungá' adór hho' aga tlehhé' barnaxes axweesantadá' aga alqaytsité'. Asma axweesantadá' a adór tsaa'astá baraá giwtír wa oh, ay dír iimi i /awaakuur, nee ay dír tsatsee/ír Haymú i geehhouur baraá munerhunge.

2 Petro 2:4

Asma Mungú malaykeedá' tlakweema gaa tlehh, gaa gurtlayká, ala gana kwaáhh baraá bohóngw qwanaay. Tan baraadá' wa hoot, kawa tsegiít nee kawa xun baraá giwtír wa ale, as Deeloodár sakwasleema kawa daamaaran.

Geehhoeemaá 2:28

Nee aníng tsatsee/idár matlaatle a dirós i haniís.

Geehhoeemaá 22:16

«Anuú Yesu malaykamooeé' nguna ya/aáw as muruuwí nguwa dirhúngií lamabu'un, kuungá' múk kríshaanáy oo baraá gixsadaá dimbadimbé. Aníng a heedá' baraá tlahhoó Daudí daáhh. Aníng oo xwaylár Daudi. Aníng an tsatsee/idá' gwa/aat ar matlaatle ar ta bay Haymú.»

Geehhoeemaá 8:10

Malaykamoó tám tarumbeéta gari ufaáhh. Tsatsee/ír ur niri hú' gawaá doorí wa ale. Tsatsee/idá' i ót adór tsaa'astá wa ale. Tsatsee/idá' iri hú' gawaá yaudaá baraaká' yaamuwo. Ala a yau sleémeerowooká. A yaaér wák baraá umuúqo yaudá' tame. Nee slám iri hú' gawaá kutloó ma'aay.

Geehhoeemaá 9:1

Malaykamoó kooán tarumbeéta gari ufaáhh. Aníng tsatsee/ír naa gawaá doorí wa /et ngiri ár, iri hú' gawaá daanduú yaamu. Tsatsee/irí gweermór bohongwdá' aa tsarere'eet gari sleér.