ISAYA 14:1 - Biblía Axweesantá Hhohho' ar Mungú 2004

¹ AAKOÓ MUNGÚ múk Yakobo gu malé gurtláy, nee xoorór Israeli gari malé tsawaar. Inooín giri ki/is baraá yaamuuín kudaá kilá', xoordaá hatlá' niri haragwaaiyá' dír múk Yakobo, tari alhoot.

ISAYA 14:1 Iomraidhean Croise

ESTA 8:17

Nee baraá ayko, nee umuúqo gixsaro, umuúqo dír hara'ayár waawutmo i hardati nee afoorose, múk Yahudi qwala/ gway sláy, nee tay baraá/ nee muruú /aymár úr kway /aáy. Tam múk hatlá' oo yaariír tiri ilaqaamiís nee múk Yahudi, asma múk Yahudi kuna da'ayuumiít.

WARA'AMI 102:13

Kuúng an sihhít gixsár Siyoni kay gurtleér. Asma qoomár gurtleemuwós aa xeér. Eeít, qoomaadá' taa ó' an tí.

WARA'AMI 102:14

Sagadiyuuseerók Siyoni ga slá', Inós handá' tam tangwaá taworo. Gur'er'ín gaa tlés, tam aa ló' wa hhitiruuti.

WARA'AMI 143:12

Asma án kuúng iga slá', ar sla'aarír warqawaaká, wakuuser'eé' qwaareeseek, nee kudaádá' aníng iga baramaanuusiye' hhaamiseek, asma án a sagadiyusmoowók.

WARA'AMI 98:3

Sla'aarirós ar warqawaaká nee inkihhimuuwose ga insláy dír múk Israeliwo. Baraá yaamu sleémeero baalír Munguúrén kaa ár.

ISAYA 19:18

Baalaadae tsifrír Ebrania kanar axwees baraá gixsadaá kooán awa yaamaá Misriro, múk gixsaduudá' lo'o kari /aay dir AAKOÓ MUNGÚ Aleesleemusmoó wa alé, ar inooín kiwa inkihhím. Gixsár wák kari bay, «Gixsár Tsee/amá.»

ISAYA 21:1

Kaangwí a iigu'utuú Mungú aa laqán daanduú yaamaá xaanxoó afaá tlawto. Adoodá' bambaaór baskú daahh ir harafitsaatsit múk ni haratláw baskú wa ale i baraá xaanxoó daahh, amór yaamaá múk xaraásl ngin dahhiyá'.

ISAYA 27:6

De'emaá hi'iita'a xwaylár Yakobo dee/ár gu síhh, múk Israeli iri /ayuus, nee iri harmaa/, mamuuín yaamu sleémeero ngiri niiqiyá'.

ISAYA 41:8

Ala kuúng Israeli a sagadiyusmooeé', nee kuúng Yakobo, una tsawaár, xwaylár Abrahamu mulqumooeé'.

ISAYA 41:9

Aníng kuúng una leéhh baraá hhapeemaá yaamu, kuúng una ateét baraá badu sleémeero awa yaamu, uwa babaw, «Kuúng an sagadiyusmooeé', aníng kuúng ugwa tsawaár, aníng kuúng ugwa kwahhiiká.»

ISAYA 44:1

Ala daxta kuungaá múk Yakobo iia qaasaak, sagadiyuuser'eé', múk Israeli kudá' naa tsawaár.

ISAYA 45:14

AAKOÓ MUNGÚ i kaahi, «Daqaari'iimár Misri nee ar Kushi a toohúng, mukdá' tlét oo Seba a lawaalerhúng, inooín kuungá' nu eehariyá', inooín kaa daba tsegiít nuri i tumbarara'atiyá', nuri firiná', iwa kaahiya', ‹Mungú a dinkwa nee kuungá', Munguú hatlá' i kaahh aqo har inós kilós.› »

ISAYA 47:1

«Yaamu i aweerang daqaní ta iwít baraá teeri. Aá /amaatliito'ór Babuloni, yaami iwiteek baraá kitángw xirif wásl, aá kiíng dasír Kaldayo. Asma kiíng daxta ti dasír butlutluqár ateetiiká nee ar hhoohhoo'.

ISAYA 49:10

Inooín i qwariitiiaaká sleeme waxitiaaká, fur'ár age laqaá tsee/amá gi slahhaeesiiká. Anuúdá' inooín gi gurtlatláw in geerahaár. In huúw dír duxuú ma'aá koóm.

ISAYA 49:13

Kuungaá doóri daaé' ar qwala/, kuungaá yaámu xirfayeemisé' kuungaá tlóm'i baraa/é', asma AAKOÓ MUNGÚ mukós gwaa gurkwa/ás nee mukós kudá' aa slahhahhaa' gwaa gurtláy.

ISAYA 49:15

AAKOÓ MUNGÚ i kaahi, «Xáy, /ameeni na/aywós kudá' i du'umis gunqo gunqaarésa, xáy, iqo ya/aánda iwa gurtleemuú koondaaká dír maamár waqaantirose? Tam inós ngu gunqaaresa, ala aníng kuungá' nu baloó gunqareesaaká.

ISAYA 49:25

Looeemaawo AAKOÓ MUNGÚ i kaahi, «Tam haasaánguú heé migusmo ku hayoh tam haasaánguú heé xaraásl kuqo hayoh. Asma mukdá' nee kuúng ti tlampa'aamisá' nee aníng ti tlampa'aasaán, nee aníng na/iiwók i ba/amís.

ISAYA 49:7

AAKOÓ MUNGÚ kuduú ba/amusmoó Israeli, kudá' hhoohhoó' oo Israeli, i kaahi, heedá' xoordu naa aahhiyé' nee i waaqaqaiya' kuduú lawaalmoó geeraharuuse, «Waawitá kuúng u ar iri sihhiit, geeraharuuse gun kiloón i tumbararaa'át, as anuú AAKOÓ MUNGÚ kudá' inkihhimuú koóm, kudá' hhoohhoó' oo Israeli, kudá' kuúng ugwa tsawaar.»

ISAYA 54:3

Kiíng a doogiín bihhaá doó /iyáy nee awa doó basayhe, na/iiwók xoordu ngi aaliyá', taanguudaá gixsadaá taa geexáy niri hatsiyá'.

ISAYA 55:7

Múk Tlákw lohduuín kudá' tlakw ki may, nee kudá' hota gana'a'aaká inslawoó tlákw ku may. I amór AAKOÓ MUNGÚ i ki/iye', inós gi gurtláy. I amór Munguúrén kaye', asma inós gurtleemuuwós ku yaariír.

ISAYA 56:3

Dahaaymoó anuú AAKOÓ MUNGÚ i xuú' miwa oó', «AAKOÓ MUNGÚ aníng iga paraátl dír mukose.» Heé taa karmúy miwa oó', «Ga/aaweek, aníng a xa'anoó aa kah.»

ISAYA 60:10

AAKOÓ MUNGÚ i kaahi, «Dahaaye koo/irók ngi male tléhh, nee waawitaáín in sagadiyuus. Buhhtaaeene kuungá' nuna muúx, ala as nuwa gurií baá/ kuungá' nuna gurtláw.

ISAYA 60:14

Daaqoó mukdá' iga baramaanuus ni hardah iri i tumbarara'aat. Kudá' sleémeero iga waaqaqaiye' ta xupuu' dír ya'aawók. Inooín kiíng iri baya', ‹Gixsár AAKOÓ MUNGÚ, Siyoni ar kudá' hhoohhoó' oo Israeli.›

ISAYA 66:20

Hhaeehúng sleémeero kingay ki/is baraá xoordaá hatlá' wa ale adór ilahhooár anuú AAKOÓ MUNGÚ. Kingin ki/is ar faras, nee ar gaardu, nee ar /aampu, nee ar wayshama' nee ar angamiadu ay baraá gixsár Yerusalemu dír tloomar'eé' tidá' hhoohhoo'. Inooín kingi huuw, adór múk Israeli ilahhooár balaangw kingir haahuwi baraá xooslmoó hhoohhoó ar ale ay dír dooeé' anuú AAKOÓ MUNGÚ.

YEREMIA 16:15

Ala inooín tan ooi, ‹Adoodá' AAKOÓ MUNGÚ ir hotaatina, kudá' múk Israeli ngwa baraá yaamaá /iíkwá watlis, nee baraá yaamu sleémeero kudá' ngi diyaá/.› Asma aníng ngin watlís baraá yaamuuín awa kilá', kudá' naa baabi'ii'ínií haniís. »

YEREMIA 29:14

Aníng kuungá' i sleerá'. Aníng diihhooarhúng ngi ki/ís, nee nuri burumbuúr baraá xoordu sleémeerowo, nee umuú diiro amoodá' nay diyaá/. Nuri ki/ís amoodá' nay diyaa/i, amoodár yaamaá nuy loohatís. Anuú AAKOÓ MUNGÚ tí ngina oó'.›

YEREMIA 30:8

Baalaarí bál birna hardát, anuú AAKOÓ MUNGÚ Aleesleemusmo a kah, aníng taaqwantidár gawaá isaá muk'eé' a giqáw, piínguú kira tsegiít un tlaáq. Inooín dahaaye ngi sangw malé sagadiyuusiaaká.

YEREMIA 31:4

Aníng kuúng un male tleéhh, nee kuúng adoodá' aáng tay diri' kay i kí/, aá Israeli, kuúnguudá' hhoohhoó'. Kuúng xoosladár ni/ima kari male taatáhh as tawa ni/iin ar qwal/uú úr oo bara/.

YEREMIA 50:33

AAKOÓ MUNGÚ Aleesleemusmo i kaahi, «Múk Israeli kwaa ló'wa baramaanuús, tam múk Yuda sleeme. Mukdaádá' inooín gaa loohatis gaa ló'wa slahh'eés nee geemawto kaa sií'.

YEREMIA 51:51

Kuungá' a kata', ‹Atén taa mureekeés, taa iigahhamiít, atén alsi'imu taa óh, asma dahaaye a dát didaádá' hhoohhoo' ar Doó AAKOÓ MUNGÚ.›

ESEKIELI 16:60

Ala aníng al'axweesantadá' nee kiíng naa qaasaán qoomár kiíng tawa /amaatliito'o a insláw. Aníng nee kiíng al'axweesantá alhhe'eesáy wasl a tleehhaán.

ESEKIELI 47:22

Yaamuuká' in qasmisá' as tawa yaamuuhúng. Hoomaadá' baraá tla/angwhúng hoot nee ar aa laqwal baraá yaamuuhúng wa ale, ki yaamuú i qasisá', qoomár bar yaamaá qasmisá'. Mukwí i harín kuwa adór múk Israeli ar qoomeesi, nee i hariná' yaamu ngiwa tsawdoórí tleehhiya' dinkwa nee múk Israeli.

SEKARIA 1:17

Malaykamoodá' iri báy, «Ya/abtorír hatlá' waahheek, AAKOÓ MUNGÚ Aleesleemusmo i kaahi, ‹Gixsaduueé' niri diihhe'eesiyá'. Anuú AAKOÓ MUNGÚ gixsár Siyoni ngiri gurkwa/ás.› »

MALAKI 1:11

Asma iimír amoodá' looa iwa tsiraarihh, tam ay amoodá' i darat, umuueé' ku úr baraá xoorduuwo. Umuúqo mooyángw tsuú' kun da/aa/án nee ilahhooár hhohho' kan hanmiis asma umuueé' ku úr baraá tla/ángw xoorduuwo!

Luka 1:54

Lawaalmoowós Israeli ngwa alee/iisár áy. Gurtleemuuwós gwa insláy,

Luka 2:32

tawa gwa/aateemaá gwa/aatá' dír xoorduuwo, nee tawa xirif dír mukók oo Israeli.»