ISAYA 13:6 - Biblía Axweesantá Hhohho' ar Mungú 2004

⁶ /Aa/amiimé' asma deelór AAKOÓ MUNGÚ naa tseewuúr. Baalár qwanaay ni hardát amór Aleesleemusmoó wá ale.

ISAYA 13:6 Iomraidhean Croise

YOBU 31:23

Asma aníng a baraá de'ér ur as hhitár amór Mungú daahh, nee aníng a qiitlaaká niwa dír Munguú Aleesleemusmór qoom.

ISAYA 10:25

Asma alaá deelór niinawe buhhta i faakiyá', nee buhhtaaeé' i warqayá' amór múk Ashuru ngiri qwaareés.

ISAYA 10:3

Hám adór ta laqa' deelór muxtaaro, deelór bambaaór ur burna amór saáwá i hardát? Heé ti ta'aiinda' a heemá oo nu /iís? Dír daqaari'iimarhúng ki qasa' a diimá?

ISAYA 13:9

Ga/aawaak, deelór AAKOÓ MUNGÚ i hi'ít, a deelór hhamhhám, ar xaraasl nee buhhtaá xaraaslá', as yaamu ngiwa hhitin nee mukdá' tlakweemaá tlehhahhiít nguwa qwaareesi.

ISAYA 14:23

Gixsarí samti gari ál, iri tlahheesá ma'aay tleehhít, aníng ngiri fiíts ar fiítsír ngir hhaamiis. Anuú AAKOÓ MUNGÚ tí an káh.»

ISAYA 14:31

Maraay ni tsuunqumiisiye', gixsadu ni /aa/iye', kuungaásá xoorór Filisti gur'e ma'aay ngi dalaa/iye', Asma asla ni /iikú wa hi'ít, slám heé bihhií parangaá/ i kaahh baraá slaqwaruuser'ine.»

ISAYA 2:12

Asma baalár AAKOÓ MUNGÚ Aleesleemusmo i hi'ít, dír mukdaádá' sleémeero sage gawdén nee oo daara/uuseero, nee daandemaá kudá' ti gáwtí tleemisá'.

ISAYA 23:1

Kaangwí a iigu'utuú Mungú aa laqán daanduú Tiroro. Kuungaásá múk Tarshishi awa baraá tlawtár hi'iimamitá' tsuunqumisé', asma gixsár Tiro kaa hhaamiís tam maraydaá afaá tlawi i kahhiyá'. Bál bar naa ki/é' Kuprór wa ale, kaangwí u axasá'.

ISAYA 34:2

Asma AAKOÓ MUNGÚ xoordu sleémeero gaa i buúhh, ina amór slaqwaruuser'íní qa/iít buhhtaawo, inós gina qwaareés giri haniís kiwa tsu/i.

ISAYA 34:8

Asma AAKOÓ MUNGÚ baala ga qaás ar li/aay nguwa bui, kurkú li/oó Siyoni nguwa bui dír wakuuser'ín.

ISAYA 47:11

Gár tlaakw in sleér ar ta baloó aleesleeraaká pa/asaro Ala amotlakwe i haraxupút ar ta baloó aleesleeraaká kwirhhitaro, tin hhaamiis ar gaanslaay ar adór ta baloó xu'ka.

ISAYA 52:5

Hám daxta gawaá adoorihe anuú AAKOÓ MUNGÚ a kah, ‹Aníng gár ni tleehh diirihe bar muk'eé' kuna tawo ar tláy dír ilaaeé' wa ale. Waawitaáín ta tsuunqumiis.› » AAKOÓ MUNGÚ i kaahi, «Umuueé' kun /oosliislín umuú daqto.

ISAYA 61:2

Nee kurkú gurtleemuú AAKOÓ MUNGÚ nguwa oo', nee deelór li/aay bua oo Munguúrén, nee kudá' tsuunqumisá' sleémeero ngiwa gurkwa/as.

ISAYA 63:4

Baalár ngiwa li/áy buu' aga ístí tsaát, nee kurkueé' oo ngiwa gweer naa hardáh

ISAYA 65:14

Ga/aawaak, sagadiyuuser'eé' in dá' ar munér qwala/, ala kuungá' a /aa/amiindá' ar munér slahhahhaa', tari tsuunqumisá' asma slahh'amuú qeereemoohúng.

YEREMIA 25:34

Tsuunqumisé', kuungaásingaá de'eemusér muk'eé', nee /aa/é'! Baraá da/arár wa gwaangwaraa'amiité', kuungaá de'eemusér bee/aangw! Deelór kuungá' tunduwa tsu/i, nee tunduwa diyaa/i naa hardát. An pahhá' adór xooslár hhohho'.

YEREMIA 49:3

«Múk Heshboni, tsuunqumisé', asma gixsár Ai ka hhaamiis. Ala kuungá' dasuú Raba, /aa/amiimé', guniyadu siinootaak. Tsuunqumisé' nee tii'iimé' amorqá' nee tiqae baraá afeenarhunge. Asma munguú dá' ta bay Milkomu ku huuw baraá loohaay dinkwa nee kaahamuuseerose nee sagadiyuuseerós.

YEREMIA 51:8

Babuloni aa gaanslár hú' nee iri qeqtiín. Tsuunqumiisé' as inós, xa'anoó maasáy ti hanise' as slahh'amuuwós, doóqa i hungú/.

ESEKIELI 13:5

Inooín wa/aameedá' aa fee/it baraá koo/iro nga xun'iiká, laqaá koo/ír /aben ngi tlehhitiaaká as múk Israeli nguwa /is qoomár slaqwaraaro, baalaadá' anuú AAKOÓ MUNGÚ naa qoomeesi.

ESEKIELI 21:12

Heewí, /aá/ nee ta tsuunqumís, paángarí kaa tleés gawaá muk'eé', i gawaá múk urén oo Israeli sleémeero. Ki hhaamiis ar paánga dinkwa nee muk'eene. Da/eewawók slahheek as gurhaami.

DANIELI 5:26

Gaarí an gár axweesantí i kat, MENE, gár i kat a Mungú deelór waawuti'iimarók gaa faár nee gaa alhhe'eesáy hardahaás.

DANIELI 5:9

Naagáy waawutmo Belshasa iri ló'wa daanda feehhiít nee kalaywós iri warqáy tam bariiseerós iri amooqwát.

Yoeli 1:11

Muruuté', kuungá' doosluúse, kuungaásingá' sabiíbuú amohhe'eemisá', uué', as angaáno nee angaánooduú shayiíriro aa hhitiruút, asma bu'úngw baraá qamu aa qwaár.

Yoeli 1:13

Guniyadu tsiitaak ta tsuunqumisá', kuungaásingaá kaahamuusér Mungú. /Aa/amiimé', kuungaásingaá sagadiyuusér kitángw ilahhooa. Tlawsé' baraá Doó Mungú, guniyadu tsiitaak, tsuunqumisé' xweera sleémeero. Asma ilahhooár balaangw nee ar muruú wahaango baraá Doó Munguhe aa fák.

Yoeli 1:15

Tsaxwaarén! Asma deelór AAKOÓ MUNGÚ naa naká/, ala ni hardát ar hhitár amór kuduú Aleesleemusmoó daahh.

Yoeli 1:5

Daarkité', kuungá' oonituúse, ta /a/á'. Uu'umiimé', kuungá' sleémeero awa difaáír xufá', asma sabiíbudá' ta difaáír /aben ar tlehhiiti /ayiyima gwaa fák.

Yoeli 2:1

Tarumbeéta ufaahhaak, gawaá tloomár Siyoniro, uui ilahariisaak, gawaá tlomar'eé' tidá' hhoohhoo', as yaamuloouusér Yuda sleémeero iwa daaraxat, asma deelór AAKOÓ MUNGÚ ni hardát, slám naa naká/.

Yoeli 2:11

AAKOÓ MUNGÚ in tsee' ar afór ur dír geeraá slawtá slaqwaruuseerós wa alé. Asma slaqwaruuseerós ka ló'wa yaariir. Heé axweesantós ga boo/eemiís a pihhusmo. Deelór AAKOÓ MUNGÚ ka ur, slám i dae tláq. Heé deeloorí ga qiítl a heemá?

Yoeli 2:31

Tsee/amá kun warqees tay giwti, nee slahhaangw in tseere tleehhiit, dír deeloorí ur ar AAKOÓ MUNGÚ ar dae tlaaq nira hardatká.

AMOS 5:18

Tsaxwaahúng, kuungaásingá' deelór AAKOÓ MUNGÚ daamaaramá' ar ilatleeri. A milá gár kuungá' deeloorí kas ilatleerusa'? Deelór AAKOÓ MUNGÚ dirhunge a giwti ala a gwa/aateemaawooká.

SEFANIA 1:14

Baalár ur ar AAKOÓ MUNGÚ naa tseewuúr, naa naká/ slam i ló'wa gaanslár hi'ít. Tseeór baalár AAKOÓ MUNGÚ i ló'wa slahh'eemís, tam migusmo in /aa/ ar afór úr.

SEFANIA 1:7

Xasliít dír geeraá Aakoó MUNGÚ, asma deelór AAKOÓ MUNGÚ naa naká/, AAKOÓ MUNGÚ ilahhooár mruú ta tsu/i gaa amohhe'eés as dahaayeerós ngiwa hhoohhooeesi.

SEKARIA 14:1

Ga/aaweek, deelór AAKOÓ MUNGÚ naa tseewuúr ar muruuhúng kudá' taa hayóh kuwa qasmiisi dír ilaahúng wa alé.

MALAKI 4:5

«Ga/aawaak, baalaadá' ur ar dae tlaaq ar AAKOÓ MUNGÚ nira hardatká, aníng aarusmo Eliya ngu ya/aáw geerií alé.

Yakobo 5:1

Iia qaasaak, kuungaásingá' daqaare, /aa/é', tsuunqumiisé', as slahh'amuuwí kuungá' ta sleera'.

Geehhoeemaá 18:10

Inooín tari amór saáw i sihhiit as tawa da'ayumiiti slahh'eemisuuwós kudae. Tari ooi, «Gixsadá' ur ar Babuloni, gixsadá' /uuruú koom, hhiintluuwók ku gawít, asma ar qoomár niinawe sakwasleemarók ina i hardát.»