ISAYA 13:3 - Biblía Axweesantá Hhohho' ar Mungú 2004

³ Aníng muk'eé' kudá' naa tsawaár ugwa ádbáw nee muk'eé' kuduú miguuse ugwa ateét, kudá' aníng i xirfayeesá' nee baraa/á', as kahhó' buhhtaaeé' ngiwa boo/eesiya'.

ISAYA 13:3 Iomraidhean Croise

WARA'AMI 149:2

Israeli tleehharusmooín ngu saqwalaala/iye', na/aá Siyoni Waawutmooín ngu sa baraa/iye'.

ISAYA 23:11

Asma inós dakós gwaa tleés gawaá daanduú tlawi, waawuti'iima gari diingiís. AAKOÓ MUNGÚ hara'aya gaa oó' ar koo/ír gawit ar Kana'ani kawa hhaamisi.

ISAYA 5:26

Inós xoorór saaw gan ateet, inós gi ateet ar fuutlo iimír alhhe'eesoó yaamií ale, ala ga/aaweek, nin ti'iíngwár hardihiyá'.

YEREMIA 25:9

aníng daxta xoordu sleémeero awa /iikú dahhá', dinkwa nee sagadiyusmooeé' Nebukadnesa, waawutmoó Babuloni, ngin huúw as yaamuuká' ngiwa ii haraatlaya' nee múk baraakií dirií', dinkwa nee xoordaá inslaawaay sleémeero. Inooín aníng in hhaamiís ló'wa alé, nee ngiri gár dae tlaaq tleéhh, kiri waaniqín, nee kiri waaqaqaa' ay alhhe'eesay wasle.

YEREMIA 51:46

Ma diqiya' tsatmiitara' nee ma da'ayumitaara', asma lamtá ta axamisa' baraá yaamuukae, kurkwí gár ta kaahi a tí, kurkuqae gár ta kaahi a tí. Nee hhita i baraá yaamu, waawutmo i amór kuqá' i haratláy.

YEREMIA 51:53

Tam Babuloni i tsa/aanda gawaá doori, tam koo/irós ngi tleereesa ay gawa, tam adoorihe múk ga hhaamiis u tleés. Anuú AAKOÓ MUNGÚ tí ngina oó'.»

Yoeli 3:11

Gaanslaay ar tlawaare', hardahaaré' kuungá' xoordu sleémeero, awa umuúqo barto, dinkwa i burumburiitaak.› » Aá AAKOÓ MUNGÚ, slaqwaruuseerók sleémeero ni didií /et.

SEFANIA 1:7

Xasliít dír geeraá Aakoó MUNGÚ, asma deelór AAKOÓ MUNGÚ naa naká/, AAKOÓ MUNGÚ ilahhooár mruú ta tsu/i gaa amohhe'eés as dahaayeerós ngiwa hhoohhooeesi.

Geehhoeemaá 18:20

Kuungá' doóri, nee kuungá' múk hhohhó' oo Mungú, nee ya/abuuse nee aaruuse, kuungá' qwalaala/é' as inós. Asma Mungú gixsarí gaa sakwasleemuút as tlehhemi'iiwós kudá' inós naa kuungá' i tlehhít.