ISAYA 13:22 - Biblía Axweesantá Hhohho' ar Mungú 2004

²² Bahu niri gawaá daandemaá maray'ín wa buuheeliná', intsaawe iri dát baraá maraá waawitá, deelór Babuloni aa fák, slám deeloorós ka doogiiká.»

ISAYA 13:22 Iomraidhean Croise

WARA'AMI 44:19

Tam adoorihe atén kuúng taa kwáhh ay dír tawer i hooti, atén kuúng taa geexeér baraá ma/amír aa kiqit.

ISAYA 14:23

Gixsarí samti gari ál, iri tlahheesá ma'aay tleehhít, aníng ngiri fiíts ar fiítsír ngir hhaamiis. Anuú AAKOÓ MUNGÚ tí an káh.»

ISAYA 25:2

Asma kuúng gixsa ana /aantani tléhh, nee koo/ír gawit kari gixsár aa hhiturut tléhh, nee maraá dahaaye tari sangw gixsaroká, sleeme ki baloó /abeesiiká tleehhamoro.

ISAYA 32:14

Asma do'oduú waawuti'iima ku kilós geexáy, nee gixaarí muu yaariir ka xaanxaay tleehh, goongooama' nee /aampudá' tawa xun, i mar'o tleehhitiyá' ay kureeraá kureér, daqoó darma iri baraadá' wa qwalalaa/, gixsadá' iri qawtantá bee/aangw tleehhít.

ISAYA 34:13

Slaamboqáy niri ti'iit gawaá koo/ir'ín tidá' gawdén wa alé, te'eesmó nee laqayawo niri ti'iitiyá' baraá koo/ir'ín wa alé, tari dír tawer iwa hooti, sakwel iri baraadií waatl.

ISAYA 34:14

/Aawi nee baha tiri baraadií doogiyá', manu tiri baraadá' wá ateetiná', xweera dir'ine tari adór tlaatla/aangw, dír ni huungu/uusiya' ngiri slayá' baraadae.

ISAYA 35:7

Hhasángw adór asla oo baraá xaanxaay iri tlawtá ma'aáy tleehhiit, nee yaamaá naa waxiitiye' niri kutltá ma'aay tleehhitiyá', didá' tawér i hooti ma'aay ngiri dalaa/iyá' tsaaráy ngiri alti'iit, tari adór daa'a.

ISAYA 43:20

Makaá sla/a aníng iri ilaiwawa/iyá' intsaawe nee sakweluuwo, asma aníng ma'aay ngin baraá darmuú wa duúx, yau ngin baraá xaanxáy wa wa/ás. As muk'eé' kudá' naa tsawaár ma'aá wahaangw ngiwa slay.

YEREMIA 48:16

Amotlakwér múk Moabu naa tseewuúr, hhaamisarós naa gaanslár hardát.

YEREMIA 51:33

AAKOÓ MUNGÚ Aleesleemusmo, Munguú Israeli, i kaahi, «Babuloni a adór afeenír balaangw muxta, qoomár barta balángw muux. Ala deelór niiná i sí', nee qoomár bu'uungw ni hardát.

YEREMIA 9:11

AAKOÓ MUNGÚ i kaahi, «Aníng gixsár Yerusalemu a ufuú tse/ewasi tleéhh, tay dír qatuú intsaawe. Gixsadaá Yuda in xaanxay tleéhh, heé gi hoót iri qwaar.

WA/AA/I 4:3

Tam tawer sleeme in ya/aa/án na/ii'ín ngiwa du'umiisi, ala muk'eé' in tawo xaraasl adór sakweluú baraá darma.

MIKA 1:8

Gawaá adoorihe aníng a tsuunqumiís niri /aa/amiím as kaangwí, tsitay'eé' un duúx niri hi'iimiít ar /aankwets, niri tsuunqumiís adór iintsaawér wa alé, nee niri /aa/amiím adór sakwel.

HABAKUKI 2:3

Asma iigu'utuuwí qoomár kus hariím i deer, a kángw ló' oo alhhe'eesaydá' gaanslár hardáh. Barnaxes i tligatliik, kuúng daameek, asma looeemawo niqo hardah, i tligiiká.

SEFANIA 2:14

Daqooroó hikwa nee muruú ninakwe in baraadií qaat, tam umuúqo makiito'ór sla/ato. Gwares nee umalaaro, niri gawaá sagér uheemaá maraydá' hootiyá', hárkonka iri huheeliín ar pa/eeraá maraydá'. Xwaa'aro in gawaá duuxutmadá' wa xwaheeliín. Asma xaaidaá sahhta kaa tu/ún, kari paapa/aás.

DABE 32:35

Li/aay a kwe'eé', heé gu buú' a aníng, qoomár ya'aaín birna ninkiritsimitiyé', asma deelor'ín ar amotlakwe naa xeér, alhhe'eesay'ín naa tseewúy.

2 Petro 2:3

Inooín ta haats ilatleerír peesaaro. Lameemá tawo kin tawó tlaaq as peésa ngiwa slaya' dirhúng wa ale. Ala iimír aange sakwasleemar'ín kaa qaroó tsaát, nee inooín amór i kaya' a baraá qwanaay.