ISAYA 13:20 - Biblía Axweesantá Hhohho' ar Mungú 2004

²⁰ Múk baraadí hotaá áw kureeriwo i kaahh, tam baraá qari sleémeero heé baraadá' wa hoót i kaahh. Ma/arabumoó heémaarós ga baraadií siíhh i kaahh, tam de'eemuusér bee/angw'ín gu baraadií deeliis i káhh.

ISAYA 13:20 Iomraidhean Croise

2 QOM'I 17:11

Múk Filisti qeemuú yaariír nguna huwiyé' nee ohmér peesaaro dír Yehoshafati. Múk Ma/araábu bee/ángw kume faanqw nee tsiire faanqw nee gurtaawér kumér faanqw nee tsiire faanqw ngina huwiyé'.

YOBU 3:7

Xweeraadá' ni tawo tleehhitiye', qwala/ mukuwa baloó axaás xweeraadae.

DAA'AANGW 1:7

Aá sla'aarusmooeé' oo muuná, áx axweesáng, amór bee/aangók kway tles a amá? Dír tlaatla/ango kway tlahhas a diimá? Ahaá asma aníng ma har adór heé tawo hi'iimiít, dír bihhaá bee/ángw mulqeeroge?

ISAYA 14:23

Gixsarí samti gari ál, iri tlahheesá ma'aay tleehhít, aníng ngiri fiíts ar fiítsír ngir hhaamiis. Anuú AAKOÓ MUNGÚ tí an káh.»

ISAYA 21:1

Kaangwí a iigu'utuú Mungú aa laqán daanduú yaamaá xaanxoó afaá tlawto. Adoodá' bambaaór baskú daahh ir harafitsaatsit múk ni haratláw baskú wa ale i baraá xaanxoó daahh, amór yaamaá múk xaraásl ngin dahhiyá'.

ISAYA 25:2

Asma kuúng gixsa ana /aantani tléhh, nee koo/ír gawit kari gixsár aa hhiturut tléhh, nee maraá dahaaye tari sangw gixsaroká, sleeme ki baloó /abeesiiká tleehhamoro.

ISAYA 34:17

AAKOÓ MUNGÚ umuú makiito'ooro gaa dirósí haniís, yaamu dakose gina ka'amiís dir'íní ale ar hhutlmoó qoomeemes. As ngiwa aaliya' ay alhhe'eesay wasle, niri baraadá' wa hootiyá' qari sleémeero.

YEREMIA 49:33

Gixsár Hasori i hotaá intsaawe tleehhít, tari xaanxaay kureerisleém. Heé baraaká' hoót i kaahh, tam heé baraadá' i deél i kaahh.»

YEREMIA 50:13

As xarasleemaá AAKOÓ MUNGUHE yaamuuká' yaamuloouusér gi hoot i káhh, ala kin ló'wa deewa'atis, umuúqo heé aa baraá Babulonír ar waaraahhi in daanda feehhiit, gari niqín asma inkahhi'iidá'.

YEREMIA 50:21

AAKOÓ MUNGÚ i kaahi, «Tlawsé' haratlawé' amór yaamaá Merataimu, nee haratlawé' amór yaamuloouusér Pekodi, tsu/uuté', ló'wa hhaamiisaak. Umuú gár naa ooi tleehhaak.

YEREMIA 50:3

«Asma xoororka /iikú daahh ni haratleér amór xooroorí, yaamuuká' ngiri deewa'atisiyá'. Heé baraaká' i hotaá áw i kaahh, muu nee makaywo tan tlatlaahh baraá yaamuudae.»

YEREMIA 50:39

Gawaá adoorihe, makaá sla/a i baraá Babulonír i hotaá ayá', bahu nee sakwel niri baraadá' wa hootiyá', múk baraadá' i kaahh ay kureeraá kureér.

YEREMIA 50:45

Gawaá adoorihe, adoodá' AAKOÓ MUNGÚ aa qoomeés daanduú múk Babuloniro iiárií qaasaak, nee adoodá' i tleehhamór wa slai dír yaamuloouusér Kaldayo. Tam deeláy'ín awa bee/aangw kun yaamúr duuruxún, nee kiri ar tláy, múk yaamuudá' hoót tari waa/oo/.

YEREMIA 51:25

Ga/aaweek, kiíng tloomár hhaamimiis, aníng nee kiíng ti araán. Kiíngasíng yaamu sleémeero gi hhitaatiim, aníng dakw'eé' u gawaawók i tleés, iri gawaá tla/uú wa daáhh, iri adór tloomár taa daá/ tleéhh.

YEREMIA 51:29

Yaamu naa daaraxaatiyé' nee i nu/uu/utsiyá' as slahh'amu. Asma AAKOÓ MUNGÚ gár aa ístí tsaát dír Babuloniro ga boo/ees, yaamaá Babuloni ki deewa'atis, niri yaamuloouuse wasleesiyá'.

YEREMIA 51:37

Babuloni a taangu tleéhh, tari mar'ír intsaawe i hot, tari dír dae tlaaq, tari dír ta waaqaseesen, nee heé baraadá' wa hoót iri kaahh.

YEREMIA 51:43

Gixsaduuwós naa gár dae tlaaq tleehhitiyé', yaamuuín naa qor'otiyé' nee a xaanxaay, yaamaá ta hootiiká, yaamaá tar waraahhiiká nee muu.