ISAYA 13:19 - Biblía Axweesantá Hhohho' ar Mungú 2004

¹⁹ Nee waawuti'iimár Babuloni tidár xirfuú waawuti'iima. Waawiti'iimadá' daara/ango iia tleer ar xoorór Kaldayo, Bál Mungú birnga qwaareés, tari adór Sodoma nee Gomora.

ISAYA 13:19 Iomraidhean Croise

IIMU/UUNGW 19:24

AAKOÓ MUNGÚ asltá kibiriíti ngiri gawaá doorí wa kwaáhh daanduú Sodoma nee Gomora.

IIMU/UUNGW 19:25

AAKOÓ MUNGÚ gixsaduudá' giri qwaareés ar asla, nee xatsooine, nee kudá' sleémeero baraá gixsaduudá' hootá', nee tidá' sleémeero naa harma/ baraá yaamudae.

ISAYA 13:1

Kaangwí a iigu'utuú aarusmo Isaya, garmoó Amos aa ár daanduú Babuloniro.

ISAYA 21:9

Qaytsiít, múk faras ngwaa i tsa/an i hi'iit, ti tsadér wa koomakoná'!» Ta kaahi, «Babuloni aa hú', nee slaqsi'iiwós kudaá mungui, kin yaamúr slaáhh kiri giqaaqáy.»

ISAYA 47:5

AAKOÓ MUNGÚ i kaahi, «Iwitanaangw i xasliteek, ta dát baraá giwti, kiíng dasír Kaldayo. Asma kiíng daxta a sangw waawuto'ór waawuti'iimarooká.

ISAYA 48:14

Sleémeero dinkwa i burumburitaak iia qaasaak. Heé baraá tla/angwhunge kaangwí gwaa alki/iit a heemá? AAKOÓ MUNGÚ Koreshi gu slaa', inós tidá' Mungú i slai ga boo/ees daanduú Babuloniro, inós múk Kaldayo gu i haratláy.

YEREMIA 25:12

Ala qoomár kureeriiká' mibeeri faanqw birna waarahhiyé', waawutmoó Babuloni un slaáhh dinkwa nee xooroorose. Yaamuukaá múk Kaldayo i hhaamiís asma tlakweemaaín kudá', nee yaamuuká' ngay taangu tleéhh ay alhhe'eesay wasle.

YEREMIA 49:18

Adoodá' gixsár Sodoma nee Gomora nee ayeemoodá inslaawaydá' kira hhitín, anuú AAKOÓ MUNGÚ tí ngina oó', hee tumu wák oo yaamuudá' wa hoót iri kaahh, laqaá tam oo baraadá' i deél i kaahh.

YEREMIA 50:40

Adoodá' aníng gixsadaá Sodoma nee Gomora nee gixsadaá inslaaway'ín ngira hhitiím a adoorír kilá' heé baraadá' i hotaá áw i kaahh. Nee garmoó hee oo baraadá' i deél i kaahh. Anuú AAKOÓ MUNGÚ tí ngina oó'.»

YEREMIA 51:26

Tam tlaa/anoó ta dirógí leehhi oo ta qaasi dír qul/ír do' i kaahh, tlaa/anoó ta qaasi baraá ihhafiirír do' i kaahh, ala an xaanxay tleehhít daqisleém. Anuú AAKOÓ MUNGÚ tí ngina oó'.

YEREMIA 51:29

Yaamu naa daaraxaatiyé' nee i nu/uu/utsiyá' as slahh'amu. Asma AAKOÓ MUNGÚ gár aa ístí tsaát dír Babuloniro ga boo/ees, yaamaá Babuloni ki deewa'atis, niri yaamuloouuse wasleesiyá'.

YEREMIA 51:41

«Adór Babuloni kara ar tláy, gixsadá' taa xirfayeemaamiís baraá yaamuwo! Babuloni aa gár dae tlaaq tleehhít baraá tla/ángw xoorduwo!

YEREMIA 51:62

Naagáy aluuwo ka alhhe'és ar axweesantí, ‹AAKOÓ MUNGÚ, kuúng daanduú yaamuukae ana ó', i hhaamís nee gár baraaká' i meet i káhh, muu laqaá makaay, yaamuuká' nin xaanxay tleehhitiyá' ay alhhe'eesay wasle.›

DANIELI 4:30

Waawutmo iri oó', «Ga/aawak áx adór gixsár Babuloni i diri' uraywo, tidá' aníng naa tleéhh ar aleesleemueé', as tawa gixsár ur ar waawutmo i hooti nee ar xiríf baraá waawuti'iimar'eene.»

AMOS 4:11

«Muu bahh'alé baraá tla/angwhunge una hhaamiís, adoodá' múk Sodoma nee Gomora ngura hhaamiís. Panaydá' aa meet baraá tla/angwhunge tay adór xwatsaatsír asla aa meetís. Ala tam adoorihe kuungá' naa amor'eéní ki/i'iiká. Anuú AAKOÓ MUNGÚ tí ngina oó'.

SEFANIA 2:9

Gawaá adoorihe adoodá' anuú AAKOÓ MUNGÚ aleesleemusmo hotaatima, Munguú Israeli yaamaá Moabu i adór Sodoma tleehhitiyá', yaamaá Amoni niri adór Gomora laqiyá' Yaamuuín te'és ngin alti'iit nee boh'ér diwto, kiri dewa'ameérií máy ay kureeraá kureér. Muk'eé' kudá' aa meet giri haasaáng wá hayoh, nee panayduú muk'eé' giri aal.»

Rumi 9:29

Nee slám Isaya gaa qaroó geerií oó' iwa kaahi, «Aakoó Aleesleemusmo geera bar xwayla ngaa amooréní meetisiiká, atén geera a adór Sodoma, geera taa alqoomeés nee Gomora.»

DABE 29:23

nee adór yaamuuká' asla ngira hhitiín, nee diwto, nee adór asla ngira qororo'ós, gár ki dahamiisi káhh, gár i laqwalina' i káhh, tam gitsór ti'imiit i káhh, a adór qoomaadá' AAKOÓ MUNGÚ yaamaá Sodoma nee Gomora nee Adma nee Seboimu ngira hhaamiís ar buhhtaawós kudá' xaraaslá'.

Geehhoeemaá 18:11

Nee mukdá' halaanu'uumár tlehhiít baraá yaamuwo, inooín sleeme ta /aa/amín nee ta tsuunqumiis as inós. Asma heé muruuín kudá' gu tlaxuúm i kaahh daxta.

Geehhoeemaá 18:19

Hhape kari kwakwaáhh gawaá sager'ín i aleeró, tari /aa/amín ar afór ur nee tari tsuunqumiís, tari oín, «Gixsadá' ur hhiintluuwós ku gawít. Asma muu sleémeero oo miringér koóm ar baraá tlawtá wa hi'iimiit, inooín tana daqaari'iít ar daqaari'iimár gixsarí. Ala hamí ar qoomár niinawe daqaari'iimarós sleémeero aa qwát.»