ISAYA 13:18 - Biblía Axweesantá Hhohho' ar Mungú 2004

¹⁸ Masoombár daaqaay kan tsuu/ ar ga/alduín, inooín i baloó gurtleemuú kon'aaká daanduú xwaylár heewo, tam na/aá ninakw ngi baloó gurtlatlay'aaká.

ISAYA 13:18 Iomraidhean Croise

2 WAAWITÁ 8:12

Hasaeli guri yaahaás, «Aakooeé', ahaá a milá mas /aa/amiín?» Elisha iri oó', «Asma aníng a xuú' kuúng tlakweemaá yaariir i tléhh dír múk Israeli. Gixsaduuín kudá' koo/i gawden kiri dá/ ar asla, nee masoombar'ín an tsú/, nee na/ii'ín kiri tlumhhumís, nee /ameenár tsiihaawe ka gur'e feehhamiis.»

2 QOM'I 36:17

Gawaá adoorihe, AAKOÓ MUNGÚ waawutmoó Kaldayo guri amor'ín i tleés. Inós masoombar'ín gari tsuú/ baraá guruú dooín kudá' hhoohhoó' i aleeró, slám hee tumu wák oo taa gurtláy i kaahh, tam dasi laqaá garma, laqaá heé aa din, laqaá oo liitlakusmo. AAKOÓ MUNGÚ muu sleémeero guna haniís gawaá dabaá waawutmoó múk Kaldayo.

WARA'AMI 127:3

Ga/aaweek, na/ii an aalír AAKOÓ MUNGÚ naa haniís, xwayla an tsuuqaawós.

ISAYA 13:16

Na/ii'ín awa qaweero kin xooro qwaarees dír ilaaín wa alé, maray'ín kin hayoh, nee tlaaway'ín kuri uhín ar /uuru.

ISAYA 47:9

Muruuwí tsár kiíng i gaanslár i harati'iit baraá looár wák i aleeró, qatlór na/iiwók nee kwaali'iitaro i sleér. Handá' kiíng tam da/aluso'ooro, tam /uuruú úr oo qwaslaari'iima u koonda.

ISAYA 5:28

Maheeri'ín ki afe ngwatsayen, ga/alduuín ngaa gawdeesiyé'. Fuqeenaá farsuuín ki gawden adór tlaa/e, /angegeeamaá gaarduuín adór ir tii'ina' a adór bambaao.

YEREMIA 18:21

Gawaá adoorihe, hám daxta na/ii'ín maweek ki tsu/i nee qwari, inooín ki tsu/i ar paánga baraá slaqwaraaro, nee /ameenar'ín i kampeerut, nee i kwaali'iimit. Maweek hhawaate ki tsu/i nee tiqtír pu/i, nee masoombar'ín ka iso tlaaqi ar paánga baraá slaqwaraaro.

YEREMIA 5:16

Tlaangasuuín a adór /aantár piintsiyaá/, sleémeero a múk slaqwarár baál.

YEREMIA 50:30

Gawaá adoorihe, masoombar'ín ka tsuu/ baraá afeeni nee slaqwaruuser'ín ka hhaamiis baalaadae. Anuú AAKOÓ MUNGÚ tí ngina oó'».

YEREMIA 50:42

Ga/alduuín nee lawluwo nga taataahhiyé', a múk xaraásl, oo gurtleemuú koomaaká. Kududuhay'ín a adór gwaanduú tlawi, inooín ta gawaá daandeemaá faras. Farsuuín ngwa ii tsa/ané', tindin haratláy amór kuungaá Babuloni.

YEREMIA 51:22

Kuúng un hhawaate nee /ameenárár tsuú/, kuúng un bariise nee masoombárár tsuú/, kuúng uri daaqaay nee dasúr tsuú/.

YEREMIA 6:23

Inooín ga/aldu nee lawlu nga baraá dabaaín i oohiyé', múk xaraásl i gurtleemú konká, i kududuhiyá' adór hhaahhoó' ma'aay. Naa tsa/ané' gawaá daandeemaá faras, taa amohhe'eesiyé' slaqwaraaro daanduú Siyoniro.»

ESEKIELI 9:10

Bartaeene i baloó mawaaká, laqaá i gurtlawaaká. Aníng an tleéhh adoodá' hariim as tlehhmi'ii'ín.»

DANIELI 7:5

«Naxés makiito'ór hatlá' ar tsár ngiri ár. Inós a adór duúbu, inós kaa sihhitís ar ya'aá alu. Afkose gweehhaamaá tám gaa kíhh. Aforka iri ó', ‹Gimáy, fu'unaá yaariir /ayeek qoomoó ta asleesleer.›

HOSEA 13:16

Múk Samaria doohhór tlakweemaaín ga sláy, asma Munguín ngwaa aahhiyé'. Inooín ki daasl ar paangadu, na/ii'ín awa qaweero kin naasaasúy, nee /ameenar'ín ar tsiihaawe kari gur'e posl'omiis.

NAHUMU 2:1

Heé nu suwawa'aám hanoos i hi'iit. Do'ók xuumeek, loohi xuumeek, siinootiím, ti ló'wa amohhe'es.

NAHUMU 3:10

Tam adoorihe kana ar tláy amór saáwí ale, mukós kuri ar tláy baraá lawaali'iima, na/iiwós kudaá qaweero kina tlumhhumamiís baraá lohdaá uren, mukós kudá' ta ilaiwawa/i kuna tlaxún, nee mukós kudá' urén sleémeero kuna tsegiít ar qutúr.