ISAYA 13:13 - Biblía Axweesantá Hhohho' ar Mungú 2004

¹³ Aníng doori ngiri diingiís, nee iihhafiiriír yaamu iri daaraxát, asma anuú AAKOÓ MUNGÚ aleesleemusmo niwa buúhh, baalaadár buhhtaeé' kudá' xaraasla'a.

ISAYA 13:13 Iomraidhean Croise

YOBU 9:6

Inós yaamu gin dír kitangw'ín wa dingiis, uheemaá yaamu niri dingitiyá'.

WARA'AMI 18:7

AAKOÓ MUNGÚ iwa buúhh, yaamu nina dingitiyé' nari daraaxatiyé'. Iihhafiirír tlom'i iri dingít.

WARA'AMI 88:16

Buhhtaawók kudá' xaraasla'a iga aldaa/atuúr, haratlatlangók kuduú /uuru i dae tlaaq nee i hariiáy.

ISAYA 2:19

Muu iri dah baraá mar'ór tla/u, nee baraá boh'ér yaamu, geeraá dae tlaquú AAKOÓ MUNGÚ nira hardihiiká nee xirfuú waawuti'iimarós, qoomár birna tláy as yaamu ngiwa dae tsati.

ISAYA 21:1

Kaangwí a iigu'utuú Mungú aa laqán daanduú yaamaá xaanxoó afaá tlawto. Adoodá' bambaaór baskú daahh ir harafitsaatsit múk ni haratláw baskú wa ale i baraá xaanxoó daahh, amór yaamaá múk xaraásl ngin dahhiyá'.

ISAYA 23:11

Asma inós dakós gwaa tleés gawaá daanduú tlawi, waawuti'iima gari diingiís. AAKOÓ MUNGÚ hara'aya gaa oó' ar koo/ír gawit ar Kana'ani kawa hhaamisi.

ISAYA 24:1

Ga/aaweek, AAKOÓ MUNGÚ yaamu gi hhitín, nee giri dewa'atis. Inós faltá yaamu gan tukuntuuk, nee yaamuloouusér baraadá' hoot gari diyaa/.

ISAYA 24:18

Heé aa daér wa goow, in /eet baraá bohoongw, nee kudá' ni baraá bohóngw wa ti'imiít kun oh nee tsaaxweeli. Asma foxa'aá doori kaa gweér nee iihhafiirír yaamu i diingiín.

ISAYA 24:19

Yaamu i ló'wa gwagwa'aná', yaamu i ló'wa feehhamitiyá', yaamu i taa/aná' ló'wa ale.

ISAYA 34:4

Slaqwaruusér gawaá doori sleémeero iri hhitirút, doori kiri adór slaambare/ír wá marmaar, slaqwaruusér doori sleémeero iri huuhu'uún, adór loo/ór sabiíbu ir pahhaahhat, nee adór loo/ór /aantsí ir huuhuaaiin.

ISAYA 47:1

«Yaamu i aweerang daqaní ta iwít baraá teeri. Aá /amaatliito'ór Babuloni, yaami iwiteek baraá kitángw xirif wásl, aá kiíng dasír Kaldayo. Asma kiíng daxta ti dasír butlutluqár ateetiiká nee ar hhoohhoo'.

ISAYA 51:6

Gawaá doori i qaytsitaak, daanduú yaamu xuxuaak, asma doori i waaraahhiyá' adór quui, yaamu i feehhamiitiyá' adór inqwaarír qaren awa baraadá' hootá' i qatliyá' adór naanaga. Ala ba/amar'eé' in kumaamít ay kureeraá kureér, nee gweeramor'eé' i alhhe'eesoó koondaaká.

ISAYA 9:19

Ar buhhtaá AAKOÓ MUNGÚ Aleesleemusmoowo, yaamu kaa daá/ ar asla, nee muu a adór migiruú asla kar oohisi. Tam heé hhiyaawós gu gurtlatláw i kaahh.

YEREMIA 51:1

AAKOÓ MUNGÚ i kaahi, «Ga/aaweek, aníng fur'a an dúk ar Babuloni ga hhitiim nee yaamuloouusér Kaldayoro.

WA/AA/I 1:12

«Kuungaásingaá hhayutuúse, qaytsité' nee ka aandá', xáy dirhunge a gaarookáhe? Ga/aawaak, heé gurhaamuút adór aníngár alé i deéro tidá' tinda gawaaeéní qaás, tidá' AAKOÓ MUNGÚ aníng iwa slahh'eemiís, baalaadár buhhtaawós kudá' xaraasla'a.

Yoeli 3:16

AAKOÓ MUNGÚ ni amór Siyonír wa /orootl, afoorós kari axaas baraá Yerusalemu wá alé, doori nee yaamu niri daaraxatiyá'. Ala AAKOÓ MUNGÚ an dír mukós i gogowi, nee koo/ír gawit ar múk Israeli gwa harwet.

Matayo 24:29

«Slahh'ámuú deeloodá' bira waaraáhh, qoomaadár kilae, Tsee/amá iri giiw, nee slahhaangw iri gwa/aatiiká, tsatse/uú gawaá doori iri paahh, nee /uuruudá' doori gi koóm kuri dingiis.

Matayo 24:35

Doori nee yaamu i waaraahhiyá', ala axweesante'eé' i baloó waarahhká.»

2 Petro 3:10

Ala deelór Aako i hardát adór fisusmoó ar alé. Baldá' doori ni ilaá wa qwaariyá' ar kududuhoó úr, nee tsatse/ asla gu ót nee iri weeq. Yaamu nee muruú baraawós i dirií' sleémeero niri qwaariyá'.

Geehhoeemaá 20:11

Aluudae kitángw aleesleemu oo úr oo /awaák nguri ár, nee kudá' aa gawaadá' i iwiit. Doori nee yaamu gitsee/aawós ngiri ilaguwiyé', tam dir'ín iri qwát.