ISAYA 12:6 - Biblía Axweesantá Hhohho' ar Mungú 2004

⁶ Tsee'é' nee daaé' ar qwala/, kuungaá yaamuloouusér Siyoni. Asma oo muruú urén gu tlehhiít tla/angwhunge, a Mungú, kudá' Hhoohhoó' oo Israeli.»

ISAYA 12:6 Iomraidhean Croise

WARA'AMI 132:14

«Diirí an dir'eé' ar amohhoo' ar alhhe'eesoó koomaaká. Diirí an hoót asma aga waatlakweés.

WARA'AMI 135:21

AAKOÓ MUNGÚ i xirfuuti iimír Siyonír wa ale, inósudá' hoót Yerusalemúr wa ale. AAKOÓ MUNGÚ xirfayeesaak!

WARA'AMI 46:5

Mungú i baraawós i dirii', gár ga diinqiis i káhh. Mungú ga alee/iis matlaatlér boo/e.

WARA'AMI 68:16

Aá tloomár tleer ar tsitseeno yaariir, kiíng mas tloomár AAKOÓ MUNGÚ ga/eér ar da/i, tidá' inós aa tsawaár hotaangós wa ale ay alhhe'eesay wasle?

WARA'AMI 71:22

Aníng kuúng un xirfayeemiís, ar seése as inkihhimuuwók, kuúng Munguúeé', án kuúng un i daá' ar gidaandoori, kuúnguudá' hhoohhoó' oo Israeli.

WARA'AMI 89:18

Gaambór atén ti baqamiim ar AAKOÓ MUNGÚ, waawutmoorén amór i dahhi a amór AAKOÓ MUNGÚ, kudá' Hhoohhoó' oo Israeli.

WARA'AMI 9:11

AAKOÓ MUNGÚ gawaá Siyoni sa daa'aak, tlehhmi'iiwós alki/iitaak baraá tla/ángw muko.

WARA'AMI 99:2

AAKOÓ MUNGÚ baraá gixsár Siyoniro ku úr. Xirfuuwós i gawaá daanduú xoordu sleémeero.

ISAYA 1:24

Gawaá adoorihe, Aako i kaahi, AAKOÓ MUNGÚ Aleesleemusmo, kudá' wák /Uuruú koóm oo Israeli, «Aníng wakuuser'eé' an i xaraásl, nee wakuuser'eé' ngay li/áy buú'!

ISAYA 10:24

Gawaá adoorihe, Aako MUNGÚ Aleesleemusmo i kaahi, «Xaysé', muk'eé' kuungá' awa Siyonír hootá', ma da'ayumitaara' qoomár burnu muxiyá' ar hhara nee ar qawaay, tam ugwa daanda tsi/isi ar adoodá' múk Misri aa tlehhiít.

ISAYA 24:14

Panaydá' aa meet iri tseeamín, iri daa' ar qwala/, tari tseeamín iimír /uwá wa alé as aleesleemuú AAKOÓ MUNGÚ.

ISAYA 24:23

Aluuwo slahhaangw iri giiw, nee tsee/amá gwa/aateema giri máy, asma AAKOÓ MUNGÚ Aleesleemusmo tloomár Siyoni nee Yerusalemu gan sawaawuti'ín, nee xirfuuwós guri laqán dír bariisér mukós.

ISAYA 30:19

Kuungá' múk Siyoni, kudá' Yerusalemúr hootá' kuungá' a sangw baloó /aa/eé ki/a'aaká. Asma looeemawo Mungú kuungá' nu gurtláy as afór /aa/eehúng, qoomár /aa/eehúng birnga axaás, inós kuungá' nun mu/aywaats.

ISAYA 33:21

Ala AAKOÓ MUNGÚ ar Aleesleemuwose in baraadií dirii' as atén, yaamaá yau diren nee duxeero. Miringe nee hhansi'iwo ki baraadár uhisiiká tam meélír ur baraadá' gir otká.

ISAYA 33:24

Baraadae heé oó', «Aníng a tiíq.» i kaahh, múk baraadá' wa hoót tlakweemaaín sleémeero ki gurtláy.

ISAYA 40:9

Kiíng Siyoni tsa/ám gawaá tloomár tleer, kiíng gixsár Yerusalemu, tseé' ar afór ur, ya/abtór hho' alki/iiteek gixsadaá Yuda kibeer, «Munguúhúng ni hardah.»

ISAYA 41:14

AAKOÓ MUNGÚ i kaahi, ‹Múk Yakobo kuungá' tam tundu daqe tlakwene adór tsuua, ma da'ayumitaara'. Kuungaá múk Israeli, AAKOÓ MUNGÚ i kaahi, án kuungá' nu alee/iís. Ba/amusmoohúng an Kudá' Hhoohhoó' oo Israeli.

ISAYA 41:16

Kuungá' in haritlesá' nee fur'a giri ar tleér, bambaao gari diyá/, nee kuungá' tay qwalala/á' dír AAKOÓ Munguúhúng wa aleeró. Baraá Kudá' Hhoohhoó' oo Israeliwo kuungá' tari xirfayeemisá'.

ISAYA 49:26

Mukdá' kuúng u baramaanuús, aníng un /aymiís ar fu'unaá slaqooín i oonitís ar tseerduuín adór múk a oonimiit ar difaái. Daqaní umuúqo heé slafa gari xuu' adór aníng tar AAKOÓ MUNGÚ, Gweerusmoowók, Ba/amusmoowók kudá' /uuruú koóm oo Yakobo.»

ISAYA 54:1

AAKOÓ MUNGÚ i kaahi, «Kiíngadár kampeeri, daá' Kiíngadá' xwayla ga tsaqká daá' ló'wa alé ar bara/, asma kiíngadá' taa geexáy na/aá yaariir i sleér, kudaá /ameenír taa duúx ba/a.

ISAYA 60:16

Xoordu in muruú /aymárí huwiyá', waawitá sleeme iri muruú /aymár i huuw. Kiíng daqaní a tsáhh adór aníng tar AAKOÓ MUNGÚ, aníng an ba/amusmoowók. Nee an gweerusmoowók, kuduú Aleesleemusmo oo Yakobo.

ISAYA 8:18

Ga/aaweek, aníng nee na/iiká' AAKOÓ MUNGÚ naa haniís a laya nee waa/oo/amo baraá Israeliwo ar amór AAKOÓ MUNGÚ Aleesleemusmoó daáhh, kudá' gawaá tloomár Siyonír hoót.

YEREMIA 10:6

Aá AAKOÓ MUNGÚ, oo adór kuúng i kaahh tumu wák, kuúng tu úr, umuuwók i /uuruú kón.

ESEKIELI 35:10

«Kiíng ana ó', ‹Xoorduuká' tsár awa múk Yuda nee Israeliwo a daqaari'iimar'eé' nee in aál!› Adoorí ana ó' tam handá' AAKOÓ MUNGÚ i baraadae.

ESEKIELI 39:7

Umuueé' kudá' hhoohhoó' muk'eé' oo Israeli guri tsaahh, slám a baloó ya/amaaká umuueé' kudá' hhoohhoó' kuwa male slasla/areesi. Nee xoordu sleémeero ngiri tsaahhiyá' adór aníng tar AAKOÓ MUNGÚ, kudá' hhoohhoó' oo Israeli.

ESEKIELI 43:7

Inós iri báy, «Heewí, diirí an didár kitangw'eé' oo waawuti'iima, an dír tsa/aá ya'aaeé' ngay qamaamiim. An hoót baraá tla/ángw múk Israeli wa ale ay alhhe'eesay wasle. Nee múk Israeli aníng i meetagaasiaaká, inooín awa kilá', laqaá waawitaáín, as slaqsi'iidaá munguaá hatlá' ngiwa haratlintatii'iya', laqaá waawitaáín kudaá qaatl kuwa inslaslay.

ESEKIELI 48:35

Tlenángw koo/irí sleémeero bihhe tsiyahhaawo a miíta kume gweleél. Umuú gixsa iimír hamí ku báy, ‹AAKOÓ MUNGÚ i diirí dirii'.› »

ESEKIELI 48:8

«Alaá yaamaá tlahhoó Yudawo yaamaá tlenaango kilomiíta mibaá nee tsár nee uroó bihheero kilomiíta mibaá nee tsár, ki qasisá' iimír bihhaá /iya ay basa, nee tlenaangw aqo adoodá' iimír bihhaá da/aáw wá tleemu ay bihhaá /uwa. Yaamuuká' i alqoná' nee yaamaá tlahh'i sleémeero. Dír hotaá AAKOÓ MUNGÚ ka tlehhá' tla/ángw yaamuuká'.

HOSEA 11:9

Aníng buhhta i máw, múk Israeli u malé qwaareesár awaaká. Asma aníng a Mungú, aníng a heewooká. Aníng an kudá' hhoohhoó' baraá tla/angwhunge, aníng nu hhaamisár awaaká ar xarasleemaeé'.

Yoeli 2:27

Kuungá' kay xuá' adór aníng nir baraá tla/ángw múk Israeli i dirií', nee adór aníng tar AAKOÓ MUNGÚ, Munguúhúng, slám oo hatlá' i kaahh. Nee muk'eé' kureeriwo ku malé mureekeesiiká.»

SEFANIA 2:5

Kuungá' xoorór Krete múk bihhaá tlawtá hoót, a tsaxwaahúng. AAKOÓ MUNGÚ daanduhunge i axweesantá kón. Kiíng Kana'ani, yaamaá múk Filisti, aníng nu hhaamiís, tam hee miwa meét oo baraawók wa hoót.

SEKARIA 2:5

Aníng an adór koo/ír asla tleehhiít badu sleémeero, niri baraá gixsaadá' wa hoót ar xirfuueé'.› Anuú AAKOÓ MUNGÚ tí ngina oó'.»

SEKARIA 2:9

«Ga/aawaak, dakw'eé' un mamukuús gawaaín i alé, inooín tay lawaalér kudá' nga sagadiyuusiye'.» Kuungá' kay tsahhá' adór aníng AAKOÓ MUNGÚ Aleesleemusmo ira ya/aáw.

FAARO 23:21

Mungú tlakweema dír múk Yakobowo gaa ariiká, tam tlií/ gaa ariiká dír múk Israeliwo. AAKOÓ MUNGÚ, Munguúín i dinkwa nee inooín. Inós baraá tla/angw'ine kun sabaraa/ adór waawutmoó wa ale.

DABE 23:15

«Barnaxes lawaalmo aakoowós ngwa ilagoów, niri hardáh amór do'ók, mu ki/isar dír aakoowós.