ISAYA 12:4 - Biblía Axweesantá Hhohho' ar Mungú 2004

⁴ Baalaadae kuungá' an oa', «AAKOÓ MUNGÚ sluufmisaak, firimaak ar umuuwós. Xoordu tlehhmi'iiwós ti xu'utise', adór umuuwós ira xirfuút na alki/iitaak.

ISAYA 12:4 Iomraidhean Croise

1 QOM'I 16:8

AAKOÓ MUNGÚ sluufmisaak, umuuwós ateetaak, tlehhmi'iiwós xu'utisaak dír muko.

1 QOM'I 29:11

Aá AAKOÓ MUNGÚ, uraay a kók nee /uuru nee xirif nee baaliro nee aleesleemuuwo. Asma umuú gaaro ar gawaá dooriwo, laqaá ar baraá yaamu a tók. Waawuti'iima a tók, kuúng taa xirfayeés nee tu úr dír umuú gaaro.

NEHEMIA 9:5

Aluuwo múk tlahhoó Laáwi ín Yeshua, nee Kadmieli, nee Bani, nee Hashabuea, nee Sherebia, nee Hodia, nee Shebania nee Petahia, muu nguri bayé', «Sihhiité', AAKOÓ MUNGÚ, Munguúhúng xirfayeemisaak, iimír iimu/uungw wasle ay alhhe'eesay wasle. Nee umuuwók kudá' xiríf ku diidi'iimisi, kudá' aa iia tleeruy ta tsuuqa nee xirif sleémeero.»

WARA'AMI 105:1

AAKOÓ MUNGÚ sluufmisaak, inós firiirimaak, adoodá' aa /imiís alki/iitaak dír xoordu sleémeero!

WARA'AMI 107:22

Inooín ngu sluufisiye' ar ilahhooár muruú ta tsu/i, nee tlehhmi'iiwós ki alki/iiti ar daa'ángw qwala/.

WARA'AMI 113:5

AAKOÓ Munguúrén heé kur qoomeesi a heemá? Inós aa iwiít gawaá kitángw saáw gawaá doori,

WARA'AMI 148:13

Kuká' sleémeero umuú AAKOÓ MUNGÚ ngu xirfayeesiye', asma umuuwós kun ak úr ta umér hatlae, xirfuuwós yaamu gaa waaraáhh nee dooriwo.

WARA'AMI 18:46

AAKOÓ MUNGÚ an kudá' slaáf, i xirfuuti kuduú baqmór'eé'. Diidi'iimisaak Munguúduú ba/amar'eé'.

WARA'AMI 21:13

AAKOÓ MUNGÚ, atén kuúng u xirfayeemisaán as /uuruuwók. Atén a daa'aán nee /uuruuwók u xirfayeemisaán.

WARA'AMI 22:31

Inooín tlehhmi'iiwós awa ba/ama kiri alki/iit dír múk taa laqwaliiká, kuri bay, «Mungú adoorí gana tleéhh.»

WARA'AMI 34:3

Gimsé', AAKOÓ MUNGÚ xirfayeemisaare' dinkwa nee aníng, inós u aldiidi'iisaán.

WARA'AMI 40:5

AAKOÓ MUNGÚ, kuúng muruú yaariír oo waa/oo/amór koóm ugwa tléhh, nee inslawaywók daanduurene ku úr. Heé ta kuúng ar qoomeesi i kaahh. Tí sleémeero bar alki/ituú wa slaá' nee daharemisuuwo, ka ló'wa yaariir tam alki/ituuwo a aleeslawaaká.

WARA'AMI 46:10

«Haay xasliité', tsaahhaak adór aníng tar Mungú! Aníng taa iia tleereés baraá xoorduwo, ti iia tleér baraá yaamuwo!»

WARA'AMI 57:5

Mungú, kuúng xirfuút gawaá dooriwo, nee daanduú yaamu sleémeero xirfuuwók i geehhoouy.

WARA'AMI 68:5

Mungú baraá do'ós kudá' hhoohhooe an baabuú panaay nee har'ohusmoó kwaeeli.

WARA'AMI 73:28

Ala dir'eene Mungú nguwa i tseewúw a gár ló' wa hhoo', AAKOÓ MUNGÚ a dír guway'eé'. Aníng tlehhmi'iiwók sleémeero i lamabu'uúm.

WARA'AMI 9:11

AAKOÓ MUNGÚ gawaá Siyoni sa daa'aak, tlehhmi'iiwós alki/iitaak baraá tla/ángw muko.

WARA'AMI 96:3

Kángw xirfuuwós alki/iitaak dír xoordu, kángw tlehhmi'iiwós awa waa/oo/amór koomá' alki/iitaak dír muu sleémeero.

WARA'AMI 97:9

AAKOÓ MUNGÚ kuduú Aleesleemusmo, kuúng tu úr baraá yaamu sleémeerowo, kuúng tu iia tleér ta munguaá hatlá' sleémeero.

TI'INAANGW 15:2

AAKOÓ MUNGÚ an /uuruueé' nee an daa'angw'eé'. Inós ina ba/amar'eé' tleehhiít. Inós an Munguúeé', aníng un diidi'iís. Inós an Munguú baabuúeé', aníng un xirfayeés.

TI'INAANGW 33:19

Mungú iri oó', «Aníng a dír geeraawók ar waaraáhh nee hhooeemaaeé' sleémeero ngiri dirók i laqaám, nee umuueé' nguri dirók i alki/iít niwa kah, Aníng a AAKOÓ MUNGÚ. Án hee bur gurtleemuú wa slaá', u gurtláw, nee kudá' guruueé' iwa tlatlay un gurtleemií tleéhh.»

ISAYA 12:1

Baalaadae kuúng an o', «AAKOÓ MUNGÚ án kuúng u sluufmiís, asma tam geeraawo aníng iga i buuhhi, buhhtaawók iga meér, nee aníng iga gurkwa/ás.

ISAYA 2:11

Heé daara/ángwár xumiís ku baráy /aytiis, nee múk daara/aám ku baráy ki/is. Baalaadae AAKOÓ MUNGÚ kilós kun xirfayemiis.

ISAYA 2:17

Nee daara/ángw hee ku baráy ki/is, nee saga gawduú muu ku /aytiis. AAKOÓ MUNGÚ kilós baalaadae kun xirfayemiis.

ISAYA 24:15

AAKOÓ MUNGÚ kuri xirfayeemiis da/awe, mukduú afaá tlawtá hoót, umuú AAKOÓ MUNGÚ, MUNGÚ Israeli, nguri xirfayeemisiyá'.

ISAYA 25:1

Aá AAKOÓ MUNGÚ, kuúng an Munguúeé', aníng kuúng un xirfayeés nee un diidi'iimiís, asma kuúng muruú waa/oo/amór koóm una tléhh, muruuwók kudá' taa qoomés iimír aange, aqo un boo/és ar inkihhimu nee looeema.

ISAYA 26:8

Aá AAKOÓ MUNGÚ, baraá lohdaá sakwasleemaroge atén kuúng un daamaán, muneerén gár i ló'wa sla' a inslaslángw umuuwók.

ISAYA 33:5

AAKOÓ MUNGÚ aa xirfuút asma inós i gáwtí dirii', Inós Siyoni gan dalaa/ ar sakwasleemár ganaa' nee hotaá ganaa'á'.

ISAYA 42:12

Inooín AAKOÓ MUNGÚ ku xirfú haniisi, nee xirfuuwós ku alki/iiti umuú diiro.

ISAYA 48:20

Hám daxta tlawé' Babulonír wa ale, /akumiité' yaamaá Kaldayór wa ale. Kaangwí alki/itaak ar tseeór qwala/, kaangwí ooaak, afoorí ya/aawaák ay ku/uyaá yaamu, ta oa', «AAKOÓ MUNGÚ múk Yakobo kuduú sagadiyuuseerós gwaa ba/amís.»

ISAYA 66:19

«Aníng laya an qaás, baraá tla/angw'ín, dir'ine awa na meetiye' ngiri huúw baraá xoordu, amór Tarshishi, nee amór Puti, nee amór Ludi kudá' ga/aldaá xuá' tlaqutuwo, nee amór Tubali, nee amór Yowani, amór ayeemoodá' sawen awa afaá tlawi kudá' handá' kangw'eé' ngwa axasi'iiká nee xirfuueé' ngwaa ari'iiká. Amoodae muk'eé' xirfuueé' guri alki/iit dír xoordu.

YEREMIA 50:2

«Afo ilahanisaak baraá xoorduwo, Bendeéra gáwtí tleesaak nee ka oá', ma gaa lu/aara', ooaak adór yaamaá Babuloni kira hayóh, munguú ta bay Beli kwaa mureekeés. Munguúdá' ta bay Merodaki kwaa dae tsaát, murslaaqatuuín kwaa mureekeés nee slaqsi'ii'ín kaa dae tsaat.

MALAKI 1:11

Asma iimír amoodá' looa iwa tsiraarihh, tam ay amoodá' i darat, umuueé' ku úr baraá xoorduuwo. Umuúqo mooyángw tsuú' kun da/aa/án nee ilahhooár hhohho' kan hanmiis asma umuueé' ku úr baraá tla/ángw xoorduuwo!

Yohana 17:26

Án kuúng ugwa dir'íní xu'utís, slám u malé xu'utís, as sla'aaridá' án kuúng ira slá', masók i baraaín, nee aníng sleeme masók a baraaín.»