ISAYA 12:1 - Biblía Axweesantá Hhohho' ar Mungú 2004

¹ Baalaadae kuúng an o', «AAKOÓ MUNGÚ án kuúng u sluufmiís, asma tam geeraawo aníng iga i buuhhi, buhhtaawók iga meér, nee aníng iga gurkwa/ás.

ISAYA 12:1 Iomraidhean Croise

NEHEMIA 8:10

Naagáy inooín giri báy, «Tlawsé', muruú wahhaár /ayaak, nee muruú nuqnuúq wahaak, slám kudá' taa gár i amohhe'esiiká tós huwaak, asma baalaarír laarí ka hhoohhoo' ar Aakoorén, ma gurhamutaara', asma qwal/uú AAKOÓ MUNGÚ ni haniisi a /uuruuhúng.»

YOBU 11:16

Slahh'amuuwók sleémeero kuri gunqaarés, bura insleér tari adór alwuór aa waarahh.

YOBU 13:16

Adoorí bara aleesláw, daqaní arba/ti aga sláw. Asma heé tlaákw dír geeraawós gi kayká.

WARA'AMI 30:5

Asma buhhtaawós awa qoomár niina, ala gurhhooarós ar slafiingw sleémeero. Tam xweeraawo /aa/e i daya'a, ala matlaatleero qwala/ iqo deer.

WARA'AMI 71:21

Kuúng ilaiwa/amer'eé' ngin dók, nin amor'eénií kí/ iri gurkwa/ás.

WARA'AMI 85:4

Atén ti qwats, aá Mungú, ba/amusmoorén, buhhtaá ta koon daandeemoorene hingeeseek.

WARA'AMI 86:17

Aníng layár hhooeemaawógií laqaamáng, kudá' aníng i ahhiitá' layaarí ngi ariye' nee ki mureekeesi. Asma AAKOÓ MUNGÚ, aníng kuúng iga alee/ís nee iga gurkwa/ás.

WARA'AMI 9:1

AAKOÓ MUNGÚ, aníng kuúng un sluufiís ar muunaáeé' sleémeero. Tlehhmi'iiwók sleémeero awa waa/oo/amo i alki/iít.

ISAYA 10:25

Asma alaá deelór niinawe buhhta i faakiyá', nee buhhtaaeé' i warqayá' amór múk Ashuru ngiri qwaareés.

ISAYA 10:4

Gár ti meta' aqo an kulala'amitá' tla/ángw múk taa tseegi, laqaá an pahhá' baraá tla/ángw múk ta baraá slaqwarár wa tsu/i. Tam adoorihe, AAKOÓ MUNGÚ muneerós gaa gu/iiká, tam hamí dakós i loloqoosárí kaahh.

ISAYA 11:16

Didá' iri loohír ur tleehhít ar Ashurúr daahh, asma panoó mukós kudaádá' aa Ashurúr i meet, adoodá' aa tleehharut qoomaadá' múk Israeli niwa yaamaá Misrír wa ti'iít.

ISAYA 14:3

Bál anuú AAKOÓ MUNGÚ kuungaá múk Israeli barna amohhooárí haniís baraá slahh'amuuhunge, nee baraá tlaahhiro nee lawaali'iimár gawit ar taa /agi'i,

ISAYA 2:11

Heé daara/ángwár xumiís ku baráy /aytiis, nee múk daara/aám ku baráy ki/is. Baalaadae AAKOÓ MUNGÚ kilós kun xirfayemiis.

ISAYA 25:1

Aá AAKOÓ MUNGÚ, kuúng an Munguúeé', aníng kuúng un xirfayeés nee un diidi'iimiís, asma kuúng muruú waa/oo/amór koóm una tléhh, muruuwók kudá' taa qoomés iimír aange, aqo un boo/és ar inkihhimu nee looeema.

ISAYA 25:9

Baalaadae muu in ooi, «Kwí an Munguúrén, inós una damraaramaán, as atén tiwa ba/amisár ay, kwí an AAKOÓ MUNGÚ kudá' naa damraaramaán, gimsé' daxta, bara/ u iimu/umaán nee qwal/uwo as ba/amarós.»

ISAYA 26:1

Baalaadae daa'angwí ku daa' baraá yaamaá Yudawo, atén gixsár gawit a koomaán, Mungú ba/ama ngin atén ar harwediit adór koo/i.

ISAYA 35:10

Mukdá' AAKOÓ MUNGÚ aa ba/amís i wayaa' nin hardihiyá' ay Siyoni ar daa'ángw bara/, qwal/uú alhhe'eesay wásl i baraá muner'ín. Inooín nin hootiyá' ar qwala/ nee bara/, gurhaami nee /ifooro ni faakiyá'.

ISAYA 49:13

Kuungaá doóri daaé' ar qwala/, kuungaá yaámu xirfayeemisé' kuungaá tlóm'i baraa/é', asma AAKOÓ MUNGÚ mukós gwaa gurkwa/ás nee mukós kudá' aa slahhahhaa' gwaa gurtláy.

ISAYA 51:3

Asma AAKOÓ MUNGÚ Siyoni ga gurkwa/as, wa/angwdá' sleémeero a hhiturumiit un amohhe'eés. Darmuuwós un adór Edeni tleéhh, xaanxaywós un adór asalmoó AAKOÓ MUNGÚ tleéhh, qwala/ nee bara/uuwo niri deerutiyá' baraawose sluufaay nee afór daa'aangw kari baraawósí axaas.

ISAYA 54:7

«Ar har afiqoomár niinawe ina máw ala ar gurtleemuú yaariire aníng kiíng i ki/ís.

ISAYA 54:8

Har afiqoomár niinawe niwa buúhh ina ilaa goów, ala ar sla'aarír warqawakahe iga gurtláw. AAKOÓ MUNGÚ ba/amusmoowók tí gan kah.

ISAYA 54:9

Asma gaarí an adór tidá' deelór Noawo naa oó'. Qoomaadae lo'o ana /aáy ar daanduú yaamu nguwa hatsisaaká alwuór ma'aywo, ala hamí lo'o aga /aáy, ar án iwa i buhhaaká nee iwa baloó iigahhaataaká.

ISAYA 60:10

AAKOÓ MUNGÚ i kaahi, «Dahaaye koo/irók ngi male tléhh, nee waawitaáín in sagadiyuus. Buhhtaaeene kuungá' nuna muúx, ala as nuwa gurií baá/ kuungá' nuna gurtláw.

ISAYA 61:10

Aníng an ló'wa qwalalaá/ baraá AAKOÓ MUNGÚ wá ale. Muunaáeé' i baraa/ as Munguúeé', asma inós aníng iga uuntsuús ar tlabaá ba/ama, iga hotaá ganaa'ár tsiitiís adór hiyaay. Adoodá' garmoó duxuxuúm tir parootumamisi ar slamángw /ayo, nee adór dasír ta duxuuti tir parootumaamis, ar kwaslaá tlaxo gawden.

ISAYA 64:5

Kuúng mukdá' hotaá ganaa'á' gi ar hoót nee gi saqwalalaá/ un ilaaót, kudá' kuúng u inslaslaawá' nee lohduuwoge. Ga/aaweek, tina i gahhát qoomár tawa múk tlakuuse. Atén ana dee/anutaán afiqoomár yaariire. Axáy tiqo ba/amísa?

ISAYA 65:18

Ala qwalaala/é' nee baraa/é' daqisleém as daanduú tí ni tlehhiita. Gixsár Yerusalemu a gixsár bara/ tleéhh, nee mukós nguri múk qwalalaá/ tleéhh.

ISAYA 66:13

Adoodá' hee kur gurkwa/amisi nee aayorós an adór aníng kuungá' nur gurkwa/as kuungá' baraá gixsár Yerusalemuro tundu gurkwa/as.

YEREMIA 30:19

Muk'eé' oo didá' hoót daa'ángw sluufaay ku daa', nee afór qwal/amaaye i baraadá' wa ti'ít. Inooín nin tlahhiyá', ta baloó /aaruyká. Aníng inooín in xirfayeés, ki baloó waaqaiiká.

YEREMIA 31:13

Daqaní dasuuín i ni/ín nee tari qwalalaa/, masoomba nee múk aa diimaadini ta qwalalaa/. Aníng tsuunqumisuuín un warqeés tawa qwala/, in gurkwa/ás nee in qwal/atís kitángw gurhaamiro.

HOSEA 11:8

Aá múk Efraimu adór nur geexaw? Án kuungá' múk Israeli adór nur sii'? Adór ngir aslaw nuwa adór gixsár Adma tleehh? Adór ngir aslaw nuwa adór gixsár Seboimu tleehh? Muunaáeé' aa warqáy, guruueé' aa ló'wa tláy.

HOSEA 6:1

Qwalaasé', a amór AAKOÓ MUNGÚ i ki/aán, inós atén tina karslamiís nee inós atén tin hungu/uus, inós tina tlaqamiís, nee inós inkahhi'iirén ngin tseek.

SEKARIA 1:16

Gawaá adoorihe, anuú AAKOÓ MUNGÚ an kah, ‹Guruueé' aa tláy as Yerusalemu, dooeé' ku baraadií tleehh, nee tlehhmuú /abén oo gixsa i iimu/ún. Anuú AAKOÓ MUNGÚ Aleesleemusmo tí ngina oó'.› »

SEKARIA 14:20

Baalaadae gawaá mitingaroó farsuuwo /aymi'iiká' kin gooín, i kaahiya', «Kaa hhoohhoeés as AAKOÓ MUNGÚ.» Hutli'idaá baraá doó AAKOÓ MUNGÚ tay adór slooqi'idaá gawaá kitangwduú ilahhooa.

SEKARIA 14:9

AAKOÓ MUNGÚ tari waawutmo gawaá daanduú yaamu sleémeero, baalaadae AAKOÓ MUNGÚ a wak, nee umuuwós a wak.

SEKARIA 8:11

Ala hám daxta aníng mukwí aa meet u adór mukduú geera laqaaká. Anuú AAKOÓ MUNGÚ tí ngina oó'.

SEKARIA 8:19

«Gwaawitór slahhángw tsiyáhh, nee ar slahhángw kooán, nee ar slahhángw faanqw, nee slahhángw mibaangw, a deelór tawa naagisi qwala/ nee bar/uuwo, nee a deelór ur dír múk doó Yudawo, gawaá adoorihe looeema nee wayda sla'aak.»

Rumi 11:15

Asma inooín qoomár kiwa sií', muu sleémeero kuna haraki/ís dír Mungú i alé. Ala qoomár inooín birka ya/án nee Mungú, adoorí gár ni hup a milá? Gár ni hup a slafiíngoóke dír mukdá' aa qatli?