ISAYA 11:9 - Biblía Axweesantá Hhohho' ar Mungú 2004

⁹ Baraá tloomár AAKOÓ MUNGÚ tidá' hhoohhooe gár gi slahh'ees i káhh laqaá ar gi hhaamiis, asma yaamu nin hatsiyá' xu'utír AAKOÓ MUNGUHE, adoodár ma'aay tlawi ngira hatsisiyé'.

ISAYA 11:9 Iomraidhean Croise

YOBU 5:23

Tlaa/aá baraá qaymo kuúng u baloó ila/iaaká, makaá xaraaslá' awa baraá sla/a nee kuúng an alhotá' ar wayda.

WARA'AMI 72:19

Umuuwós kudá' xiríf ku diidi'iimiis ay alhhe'eesáy wasle. Yaamu sleémeero xirfuuwose i hatsiye' ay alhhe'eesay wasle! Amin! Amin!

WARA'AMI 78:54

Gina huúw ay baraá yaamuuwós kudá' hhoohhoo', yaamuudá' tlom'aá koomá' awa naa hayóh ar /uuruuwós.

ISAYA 11:13

Da/itá Efraimu i fák, nee kudá' Yuda ngu dae tlaaqá' ki amór saáwí hingees, múk Efraimu i tloomaatlonká as múk Yuda, múk Yuda oo Efraimu gu daetlaaqiiká.

ISAYA 11:8

Na/oó du'uúm in neet dír afkú bohóngw dayshamoó wa ale, nee na/oó niiná dakós gun qaas afkú pa/amír dayshamoó qarkú koóm.

ISAYA 2:4

Inós baraá xoordu sleémeero sakwasleema ga tleehh. Nee qaa/oó múk yaariír gun tsaat, inooín paangaduuín ngi kwahhutiyá', kiri kureemi tleehh. Lawluuín kiri tsata'aá tsaaráy tleehh, Xooro i xoorór hatlá' i slaqwká, slám slaqwara ngi malé intsaatsahhiaaká.

ISAYA 30:26

Baalaadae slahhaangw in gwa/aat ar adór tsee/amá, nee tsee/amá in gwa/aat sagáwa faánqw wa alé, adór tsee/amuú deelo faanqw kuna baalár wák gwa/atís. Adoorí i tleehharút bál AAKOÓ MUNGÚ mukós kudá' aa muúx burngwa huungu/uusár áy, nee inkaahha'aá mukós birnga tseegár áy.

ISAYA 32:16

Sakwasleemár ganaa' kari tleehh tam baraá xaanxaywo, nee hotaá ganaa'á' niri baaliná' tam baraá qamaá balángw hamaaremisa'a.

ISAYA 33:6

Mungú tari kudá' tundus dinqisiiká baraá slafingwhunge, nuri ló'wa ba/amiimis, nuri sagalooárí hanmiis nee xu'utiro. Qaasirhúng ar ur tari AAKOÓ MUNGÚ kuwa ilaiwawa/a'.

ISAYA 35:9

Baraadae diraangw i kaahh, tam makiito'ór xaraasl i baraadár waarahhká, makaá adoorí baraadae ki baloó ariiká, ala loohidá' múk gar ohiím a har mukdá' taa ba/amís kilooín.

ISAYA 45:6

As muu ngiwa tsaahhi iimír da/aáw wá tleemu, ay /uwa, adór Munguú hatlá' ir kaáhh aqo har aníng kilooeé'. Aníng an AAKOÓ MUNGÚ, Munguú hatlá' i kaahh.

ISAYA 49:6

i kaahi, «A gár ló'wa niina kuúng tawa sagadiyusmooeé', oo tlahh'aá Yakobo gi gáwtí tleés, nee mukdá' aa meet oo Israeli nguwa ki/is. Ala aníng kuúng sleeme un gwa/aateemaá xoordu tleéhh, as ba/amar'eé' iwa hardat ay ku/uyaá yaamu.»

ISAYA 52:10

AAKOÓ MUNGÚ /uuruuwós kudá' xiríf gwaa laqán, dír geeraá xoordu sleémeero nee múk ku/uya sleémeero awa yaamu ba/amár Munguúrén ngi ariyá'.

ISAYA 54:5

Asma tleehharusmoowók an adór hhawaatuwók. Umuuwós a AAKOÓ MUNGÚ Aleesleemusmo, nee kudá' hhoohhoó' oo Israeli an gweerusmoowók. Inós an Mungú daanduú yaamu sleémeero.

ISAYA 56:7

Mukwí aníng un huúw gawaá tloomar'eé' tidá' hhoohhoo', aníng inooín ngiri baraá dooeé' kuduú firór wa qwal/atamís. Ilahhooar'ín ar da/a nee ar muruú ta tsu/i kin ya/án dír kitangw'eé' oo ilahhooaro. Asma dooeé' kun babay a doó firo as muu sleémeero.»

ISAYA 59:19

AAKOÓ MUNGÚ kuri ilaiwawaa/ bihhaá /uwawo, bihhaá da/awe xirfuuwós kuri tsaahh. Asma inós ni hardah adór yaaér hi'iit ar gaanslaay. Yaaér taa dúk nee fur'ár AAKOÓ MUNGÚ.

ISAYA 65:25

Tawer nee bee/aangw tari alqáy, direeri gitso ngin adór hikwaá wa /ayiyá' nee dayshe hhape gan /ák muruú /aymár wá ale. Gawaá tloomar'eé' tidá' hhoohhoo' sleémeerowo, makiito'ór ta slahh'eesi laqaá ar ta gaasi i káhh.» AAKOÓ MUNGÚ tí gan kah.

ISAYA 66:18

Asma aníng tlehhmi'ii'ín i xuú' nee inslaway'ine, aníng xoordu sleémeero nee tsifrír dimbadimbé an burumbuúr. Inooín niri hardihiyá' xirfueé' nguri ariyá'.

ISAYA 66:20

Hhaeehúng sleémeero kingay ki/is baraá xoordaá hatlá' wa ale adór ilahhooár anuú AAKOÓ MUNGÚ. Kingin ki/is ar faras, nee ar gaardu, nee ar /aampu, nee ar wayshama' nee ar angamiadu ay baraá gixsár Yerusalemu dír tloomar'eé' tidá' hhoohhoo'. Inooín kingi huuw, adór múk Israeli ilahhooár balaangw kingir haahuwi baraá xooslmoó hhoohhoó ar ale ay dír dooeé' anuú AAKOÓ MUNGÚ.

YEREMIA 31:23

AAKOÓ MUNGÚ Aleesleemusmo, Munguú Israeli i kaahi, «Qoomár múk Yuda bura diihhooárí ki/ís, inooín baraá yaamaá Yudawo nee gixsadaá Yudawo tari malé ooi, ‹AAKOÓ MUNGÚ nu tsuuqi, aá yaamuloouusér hota ganaa', i tsuuqi kiíng tloomár hhoohhoo'.›

YEREMIA 31:34

Hee i kaahh tumu wák oo inslaawmoowós laqaá hhiyaawós gu intsaahhatís, iwa kaahi, ‹AAKOÓ MUNGÚ xueek.› Asma inooín sleémeero aníng i xuiyá' iimír na/aá ninakw ay múk urén. Aníng dakuúsar'ín an gurtláw nee tlakweemaaín aníng i baloó inslawaaká.»

ESEKIELI 34:25

Aníng nee inooín alqadór wayda ngiri qaasaán. Aníng makaá xaraaslá' in faák baraá yaamuwo as bee/angw'eé' iwa baraá darmú xatsoó wa hooti ar amohhooa, nee iwa gui baraá sla/atá wa ale.

ESEKIELI 47:5

Miítár tsiire kooán gari malé qoomeés, nee naxés yaae iri ló'wa tsal'i tleehhít, nee waarahhamuuwo ngiri harslaaqaát. Waarahhamuuwo i ya/aandaaká, aqo hara qumburu/umit.

DANIELI 11:45

Ak ale inós heemaduuwós awa uren giri sihhtis dír tla/ángw tlawi nee tloomadá' hhoohhoo' xirfuú koom. Ala daqaní adoorihe inós afiqoomarós ar alhhe'eesaay gaa áy, nee hee tumu wák oo gu alee/iís i kaahh.»

DANIELI 12:4

«Ala kuúng hám Danieli, muruuwí qaaseek baraá lu/aaráy, kitaábuuwí tseegeek nee ku dugunó i qás ay dír qoomár alhhe'eesay i hardat. Múk yaariír i ta'aaín amorqá' nee taqae, nee fuquraangw i ló'wa doogín.

HOSEA 2:18

Qoomaadae al'axweesani ngiri oó' nee makaá sla/a nee tsir/ór gawaá doori, slám nee naanagár baraá hhape, as miwa slahh'eesiyé', ga/ale nee paánga ngay geeqáw nee xoslaá hatlá' awa slaqwara ngiri hingeés baraá yaamuwo. Aníng kuungá' nuri tsuúq, tari hotá' ar wayda.

Yoeli 3:17

«Gawaá adoorihe kuungá' múk Israeli kay tsahhá' adór aníng AAKOÓ MUNGÚ tar Munguúhúng, oo baraá Siyonír hoót, tloomar'eé' ar hhoohhoo'. Yerusalemu iri hhoohhouúr, tam dahaayér waaraahh i baloó baraawós i datká.»

HABAKUKI 2:14

Asma xirfuú AAKOÓ MUNGÚ i xu'utiit baraá yaamu sleémeero, adoodár ma'aay tlawi ngira dalaa/iyé'.»

SEKARIA 14:9

AAKOÓ MUNGÚ tari waawutmo gawaá daanduú yaamu sleémeero, baalaadae AAKOÓ MUNGÚ a wak, nee umuuwós a wak.

SEKARIA 8:3

Aníng a wayaá' Siyoni, án niri hotaá áw tla/ángw gixsár Yerusalemu, nee gixsár Yerusalemu kay bay, ‹Gixsár inkihhím.› nee tloomár AAKOÓ MUNGÚ Aleesleemusmo kari bay, ‹Tloomár hhoohhoo'.›

1 Tesalonike 5:15

Ga/aawaak, umuúqo heewo dirhunge magoót mingiwa buú', ala umuúqo daqto ti hhooeemaá i tlehhite' kuungá' kiloohúng nee dír muu sleémeerowo.

Geehhoeemaá 21:27

Ala gár slasla/aar ar baraadá' i dah i káhh. Nee slám heé muruú slasla/arén tlehhahhiít, nee heé lamusmoowo i dahiaaká baraadae. Ala múk baraadá' i dáh, a kudá' kilós umer'ín taa gooín baraá kitaábuuduú slafiingw oo Deelmoó bee/i.