ISAYA 11:13 - Biblía Axweesantá Hhohho' ar Mungú 2004

¹³ Da/itá Efraimu i fák, nee kudá' Yuda ngu dae tlaaqá' ki amór saáwí hingees, múk Efraimu i tloomaatlonká as múk Yuda, múk Yuda oo Efraimu gu daetlaaqiiká.

ISAYA 11:13 Iomraidhean Croise

ISAYA 9:21

Manase i Efraimu i slaaqw, Efraimu i Manase i slaaqw. Inooín tsaraawo ta Yuda i slaaqw. Tam adoorihe AAKOÓ MUNGÚ muneerós gaa gu/iiká. Tam hamí dakós i loloqoosárí kaahh.

YEREMIA 3:18

De'emaadae múk Yuda nee oo Israeli ti haragwaa', sleémeero niri yaamuudaá bihhaá /iíkwí tlayá', niri hardihiyá' baraá yaamuudá' aníng naa aalír wa haniís dír baabi'ii'ín.»

YEREMIA 33:24

«Xáy kuúng aga axaskáhe mukwí iwa kaahi, ‹AAKOÓ MUNGÚ marayká' tsár aa tsawaár gaa sií'.› Inooín muk'eé' nguna waaqaaiyé', dir'ine tari xoororooká.

YEREMIA 50:4

AAKOÓ MUNGÚ, Munguú Israeli i kaahi, «Qoomaadae nee daqtadae, múk Yuda ta buruumburiit dinkwaárí ale nee tari kii/ ar /aa/e tawa anuú AAKOÓ MUNGÚ, Munguúín leelehhiiti.

ESEKIELI 28:25

«Anuú Aakoó MUNGÚ a kah, Án múk Israeli un burumbuúr nee nguri dinkwárí ki/ís baraá xoordu sleémeero amoodá' ni diyaya/atiyé'. Gawaá adoorihe múk xoordaá hatlá' gari tsaahh adór aníng tir hhoohhoó'. Múk Israeli tari hoot baraá yaamuudá' aníng naa sagadiyusmooeé' Yakobo ii haniís.

HOSEA 1:11

Múk Yuda nee múk Israeli ta haragwaa' diinkwárí alé, geeraharusmooín oo wák kuri tsawaar, inooín nay diihhe'eesiyá' baraá yaamuudae. Asma deeloodár Yesre'eli ka ló'wa ur.