ISAYA 11:11 - Biblía Axweesantá Hhohho' ar Mungú 2004

¹¹ Slám baalaadae Aako dakós gu malé tlees as mukós kudá' meet baraá Ashuru nguwa ki/isi, nee kuduú baraá Misri, nee baraá Patrosi, nee oo baraá Kushi, nee oo baraá Elamu, nee oo baraá Babuloni, nee oo baraá Hama'ati, nee kudaá baraá ayeemoodaá afaá tlawi.

ISAYA 11:11 Iomraidhean Croise

IIMU/UUNGW 10:10

Iimu/úngw waawuti'iimarós a yaamaá Babuloni, nee Ereki, nee Akadi. Gixsaduuká' sleémeero i baraá yaamaá Shinari.

IIMU/UUNGW 10:22

Daaqoó Shemu a Elamu, nee Ashuru, nee Arpakshadi, nee Ludi nee Aramu.

IIMU/UUNGW 11:2

Alaá muu iwa bihhaá da/aáw wa tláy, xatsa kana ár baraá yaamaá Shinari. Tay amoodá' wa hoót.

IIMU/UUNGW 14:1

Qoomár Amrafeli tawa waawutmoó yaamaá Shinari, nee Arioki tawa waawutmoó yaamaá Elasari, nee Kedorlaomeri tawa waawutmoó yaamaá Elamu, nee Tidali tawa waawutmoó yaamaá Goi'imu,

IIMU/UUNGW 2:13

Nee umuú yaaér tsár a Gihoni, an yaaér yaamaá Kushi sleémeero gaa harwet.

2 WAAWITÁ 17:24

Naagáy waawutmoó Ashuru muu guna Babuloni wa ar tláy, nee Kuta, nee Afa, nee Hamati nee Sefarfaimu guri huúw baraá gixsaadaá Samaria, didá' múk Israeli kuwa loohatís. Yaamuká' ngina kooín tleehhiyé' nee niri baraá gixsaaduuín wa hootiyé'.

ESTA 10:1

Waawutmo Ahasuero ohme gari ohín baraá ayeemoowo nee baraá ayeemaá afaá tlawto.

WARA'AMI 68:22

Aako ina oó', «Inooín ngin iimír Bashanír wa ki/ís. In ki/ís iimír baraá tla/ángw iltá wa ale.

ISAYA 1:9

Barnaxes AAKOÓ MUNGÚ Aleesleemusmo, atén taa panáy meetisiiká, atén aga adór Sodoma tleehhitaán, a slaqamís nee Gomora.

ISAYA 10:20

Slám malé alé baraá deeloodae penoó aa meet oo múk Israeli, mukdá' niiná naa /uy oo doó Yakobo, inósuudá' gaa muux ngu harahhifiaaka, ala aqo AAKOÓ MUNGÚ, Kudá' Hhoohhoó' oo Israeli, ngun harahhifiyá' ar looeema.

ISAYA 10:9

Xaysé', Kalno adór ngi laaq a adór Karkemishirokáhe? Hamati a adór Arpadirokáhe? Samaria a adór Damaskorokáhe?

ISAYA 11:16

Didá' iri loohír ur tleehhít ar Ashurúr daahh, asma panoó mukós kudaádá' aa Ashurúr i meet, adoodá' aa tleehharut qoomaadá' múk Israeli niwa yaamaá Misrír wa ti'iít.

ISAYA 19:21

AAKOÓ MUNGÚ tiri xu'utis dír múk Misri. Nee múk Misri AAKOÓ MUNGÚ nguri xuiyá', nguri sluufmiisiyá' ar ilahhooár muruú ta tsu/i, nee ilahhooár da/a/ango, nee al'axweesani ngiri oiná' dír AAKOÓ MUNGÚ, ngiri boo/eesiyá'.

ISAYA 19:22

AAKOÓ MUNGÚ xoorór Misri gan muux, inós birnga muúx gari huungu/umiis. Inooín niri ki/iyá' amór AAKOÓ MUNGÚ, nee inós firor'ín gari axaas giri huungu/uus.

ISAYA 21:2

Iigu'utuú xaraásl kunguna aníngí laqán, daanduú heé al/aymusmo iwa al/agin nee daanduú hhituusmo iwa hhitiitin. Kuungaá múk Elamu, tlawsé', gawa i tsa/amak. Kuungaá múk Medi, tlawsé', haratlawé'. Mungú slahh'amu sleémeero gu faak, kudá' tindi haahuwi nee múk Babuloni.

ISAYA 22:6

Slaqwaruusér Elamu tlaangasuuín ngwa ót, dinkwa nee gaarduudá' faras i uuruxuna, nee mukdá' faras ngwa i tsa/ani, nee slaqwaruusér yaamaá Kiri gaambuín ngaa amohhe'és.

ISAYA 24:15

AAKOÓ MUNGÚ kuri xirfayeemiis da/awe, mukduú afaá tlawtá hoót, umuú AAKOÓ MUNGÚ, MUNGÚ Israeli, nguri xirfayeemisiyá'.

ISAYA 37:31

Panaydá' aa meet baraá tlahhoó Yudawo in doogín, niri tlahhiyá' adoodár xa'ano dee/ár ngur yaamií sihhaahhin nee gawto na/ii ngir ló'wa laqwaali.

ISAYA 42:10

Daa'ángw /abén daa'aak dír AAKOÓ MUNGÚ, hhapeemo sleémeero xirfuuwós ngu daaiye'. Gimsé' tlawi i /orotl nee umuúqo gár baraadá' i diriia, ayeemaá sawen nee yaamuloouuser'ine.

ISAYA 42:12

Inooín AAKOÓ MUNGÚ ku xirfú haniisi, nee xirfuuwós ku alki/iiti umuú diiro.

ISAYA 42:4

Inós i diqay tsatitiiká laqaá i munesi'iiká. Ay dír sakwasleemár ganaa' ngay gawdeesi baraá yaamuwo. Yaamaá sawen hara'ayaarós ngin daamaraná'.

ISAYA 45:14

AAKOÓ MUNGÚ i kaahi, «Daqaari'iimár Misri nee ar Kushi a toohúng, mukdá' tlét oo Seba a lawaalerhúng, inooín kuungá' nu eehariyá', inooín kaa daba tsegiít nuri i tumbarara'atiyá', nuri firiná', iwa kaahiya', ‹Mungú a dinkwa nee kuungá', Munguú hatlá' i kaahh aqo har inós kilós.› »

ISAYA 49:12

Ga/aawaak, muk'eé' ngu amór saáw wa ki/ís, bihhaá /iya nee /uwaawo, nee amór yaamaá Sinimuwo.

ISAYA 66:19

«Aníng laya an qaás, baraá tla/angw'ín, dir'ine awa na meetiye' ngiri huúw baraá xoordu, amór Tarshishi, nee amór Puti, nee amór Ludi kudá' ga/aldaá xuá' tlaqutuwo, nee amór Tubali, nee amór Yowani, amór ayeemoodá' sawen awa afaá tlawi kudá' handá' kangw'eé' ngwa axasi'iiká nee xirfuueé' ngwaa ari'iiká. Amoodae muk'eé' xirfuueé' guri alki/iit dír xoordu.

YEREMIA 25:25

Waawitá sleémeero oo Simri, nee oo Elamu nee Media.

YEREMIA 31:10

Kuungá' xoórdu, axweesantá AAKOÓ MUNGÚ iiárií qaasaak, ilahaniisaak dír ayeemaá sawene, kudaá iisaapoó tlawi, tawa kata', ‹Aníng muk'eé' oo Israeli una diyaá/, ala daxta un burumbuúr nee un geerahaár, adór de'eemusmo bee/aangós ngur geeraharhaahari.›

YEREMIA 44:1

Yeremia axweesantá AAKOÓ MUNGÚ gana axaás daanduú múk Yahudi kudá' yaamaá Misrírí dirií' baraá gixsadaá Migdoli, nee Tahpanesi, nee Memfisi nee yaamaá Patrosi, i kat,

YEREMIA 49:23

Axweesantí an tidá' aa oó' daanduú Damaskoro. Gixsár Hamati nee Arpadi bayta gaa óh, asma kángw tlákw kwaa axaás. Munér muk'ín aa weeqaawéq as dae, inooín taa amoqwaqwadín adór tlawtá aa /eeraagwa', tidá' xasliitaaká.

ESEKIELI 27:6

Xaa'aá ti'ita kina leéhh Bashanírí alé, kiri hhaansi'ír tleéhh awa miringe madit. Nee xooslár slaqwara kana tleéhh ar xa'anoó ta bay sunobaárí Kiprór daahh, nee kari qaalín ar xareemaá daawe.

ESEKIELI 29:14

Aníng múk Misri u malé ki/ís baraá yaamuuín. In malé ki/ís baraá yaamaá Patrosi, yaamuuín kudá' ki laqwalín. Amoodae waawuti'iimar'ín i /uuruú koondaaká.

ESEKIELI 30:14

Gixsár Parosi a tawo tleéhh, gixsár Soani a ásltár daá/, gixsár Tebesi ngiri sakwasleemuút.

ESEKIELI 32:24

«Waawutmoó Elamu sleeme i baraadá', kwaa harweér nee /aantaá slaqwaruuseerós tidá' taa tsuú/ baraá slaqwarár wa ale. Kudá' sleémeero taa hheehhe'eesiiká nina /eetiyé' baraá gi'ií alé. Qoomár iwa slafiya' muu nguna daandeemo feehhamiisiyé'. Ala hám daxta ta murer'ín loohiis dinkwa nee mukdá' /e/etiím baraá bohóngw gi'i.

ESEKIELI 38:8

Alaá deelór yaariir bira waaráhh tu ateet, yaamaá muu kway húp as kiwa i haratleer nee hamí daxta tawa hooti daér slaqwara i káhh. Tlom'aá múk Israeli in i haratleér, kudá' aáng awa xaanxaay nee taangu har afiqoomoó deelór niinawe, ala hám daxta muu i hoot ar saxareema.

DANIELI 1:2

Aako Mungú Yehoyakimu waawutmoó Yuda guna máy kuwa oohi nee waawutmoó Babuloni, nee xooslaá Doó Mungú giri bahh ar tláy ay baraá yaamaá Shinari, ay baraá doó munguúwós. Xosluudá' gari baáts baraá doó munguúwós.

DANIELI 11:18

Aluuwo iri warqáy yaamaá yaariir awa afaá tlawi giri i haratláy nee giri baal. Ala slaqwarusmoó dahaaymo inós gu baal nee daara/aangós iri furguu/, waawutmoó /iya tsi'itós guri i kí/.

DANIELI 8:2

Baraá iigu'utuuwihe naxés aníng a dír Susa, gixsár ur ar ayaá Elamu. Aníng aga sihhiít dír yaaér Ulai.

HOSEA 1:11

Múk Yuda nee múk Israeli ta haragwaa' diinkwárí alé, geeraharusmooín oo wák kuri tsawaar, inooín nay diihhe'eesiyá' baraá yaamuudae. Asma deeloodár Yesre'eli ka ló'wa ur.

HOSEA 11:10

Inooín anuú AAKOÓ MUNGÚ i eehariyá', anuúdá' /oroótl adór diraangw, an i /oroótl, na/ii niri /uwá wa hardihiyá' ar daaraxaay.

HOSEA 11:11

Tindin hardah ta daaraax adór tsir/ór Misrír daahh, nee adór hhooka ar yaamaá Ashurúr daahh. Aníng ngiri watlís baraá maray'ín. Anuú AAKOÓ MUNGÚ tí ngina oó'.

MIKA 7:12

Baalaadae mukók nin bihhe sleémeero wá harakii/. Da/aawe nin amór yaamaá Ashuru nee yaaér Eufrate wa kii/. Basko nin amór yaamaá Misrír wa kii/. Nin haraki/iyá' iimír amór tlabeemaá sawen, nee iimír amór tlom'aá sawén wá alé.

SEFANIA 2:11

AAKOÓ MUNGÚ inooín gin ló'wa dae tsaat. Inós munguaá hatlá' sleémeero baraaká' yaamuwo gin hhaasúy. Daqaní xoordu sleémeero inós nguri i tumbarara'amitiyá' umuú heewo dirós tidá' i dirii'i.

SEKARIA 5:11

Aníng iri báy, «Kan huuw ay yaamaá Shinari, kari dó'owí tleehh. Bál bar do' aa hhooáy, lakwaanti kari baraadií baats.»

SEKARIA 8:7

Anuú AAKOÓ MUNGÚ Aleesleemusmo tí ngina oó'. Ga/aawaak, án muk'eé' u ba/amís iimír da/aáwaá tleemu ay /uwa.

SEKARIA 9:2

Nee gixsár Hamati sleeme tidár baraá digmií dirii', nee Tiro nee Sidoni tam inooín ki sageeloene.

Rumi 11:15

Asma inooín qoomár kiwa sií', muu sleémeero kuna haraki/ís dír Mungú i alé. Ala qoomár inooín birka ya/án nee Mungú, adoorí gár ni hup a milá? Gár ni hup a slafiíngoóke dír mukdá' aa qatli?

Rumi 11:26

Daqaní múk Israeli sleémeero i ba/án. Asma kaa gooín, «Ba/amusmo naa hardáh, amór i dahhi a amór Siyoni. Inós dee/anu sleémeero gu hingees dír xwaylár Yakobowo.

2 korinto 3:16

Ala qoomár bar hee aa warqáy amór Aako, warqamoodá' kun sangw hingees.

DABE 9:29

Asma mukwí an kók oo kilá', múk kuúng taa dúx ar /uuruuwók nee aleesleemuuwók oo úr. »