ISAYA 11:1 - Biblía Axweesantá Hhohho' ar Mungú 2004

¹ Harma/i ni ti'ít baraá doó Yese wa ale, nee halmi i ti'ít baraá dee/armoowós wa ale.

ISAYA 11:1 Iomraidhean Croise

2 SAMUELI 23:3

Munguú múk Israeli iri oó', tlaa/ár múk Israeli ina beér, ‹Hee bar muu ngwa sawaawuti'ín ar gan'amu, baraá waawuti'iimarose bar Mungú ngwa ilaiwaá/,

1 QOM'I 2:12

Boasi ina laqwaál Obedi, nee Obedi ina laqwaál Yese.

WARA'AMI 145:11

Xirfuú waawuti'iimarók kuri kah, kángw aleesleemuuwók kuri alki/iit,

ISAYA 11:10

Baalaadae yaeemír doó Yese in adór laya tleehhít dír muko, inós xoordu ngun leeleehhiyá', didár hotaawós iri xirfút.

ISAYA 4:2

Baalaadae harma/itá AAKOÓ MUNGÚ i hhoohhoouúr iri xirfút, nee panaydá' aa meet oo múk Israeli mamaá yaamu kin ar daara/án nee tiri diidi'iimisiyá'.

ISAYA 53:2

Inós ina dír geeraá AAKOÓ MUNGÚ wa uraaráy adór xa'anoó dutlutluú/. Adór dee/aarmoó xa'ano oo baraá yaamaá kaahaar. Ga/aawaak, inós slaqsoó hhoohhoó' laqaá gitsee/aá hhoohhoo' gi konká as kahhó' kuwa iiqaytsit. Hhohhoaari tam ar niiná ar kuwa waatlakwes i káhh.

ISAYA 6:13

Tam panoó niiná oo aa meet, aqo kun hhaamiis. Kuká' tari adór sahhti laqaá ta/eewi, tidá' guftanoowós aa meet alaá kawa tsaát. Guftanoowí tay iimu/úngw dahaasíngw hhohhó'.»

ISAYA 9:6

Asma na/aay kwaa xwaylúy as atén, na/oó garma kunguna haniís. Inós aleesleemuú waawuti'iima gu kón. Umuuwós kuri bay, Hara'ayusmoó waa/oo/amo, Munguú /uuruú koóm, Baabuú alhhe'eesay wásl, Waawutmoó Wayda.

ISAYA 9:7

Axweesanoó aleesleemuú koóm nee wayduuwós i alhhe'eesoó kon'aaká, baraá kitángw Daudi oo Aleesleemu nee waawuti'iimarós, Gin gawdees nee gin kumitiis ar sakwasleemár ganaa' nee hotaá ganaa'á', iimír hamí ay alhhe'eesay wasle. AAKOÓ MUNGÚ Aleesleemusmo adoorí gan tleehh.

YEREMIA 23:5

AAKOÓ MUNGÚ i kaahi, «Ga/aawaak, baala ni hardát ar aníng harma/itá hota ganaa' ngiwa doó Daudi wa duux, inós iri waawuti'ín ar sagalooa, inós giri geerahaar ar sakwasleemár ganaa' nee ar hotaá ganaa'á' baraá yaamuwo.

YEREMIA 33:15

Deeloodae nee qoomaadae aníng halmír hota ganaa' an baraá xwaylár Daudi wá harma/atís. Inós giri geerahaar ar sakwasleemár ganaa' nee ar hotaá ganaa'á' baraá yaamuwo.

ESEKIELI 17:22

Aakoó MUNGÚ i kaahi, «Anuú kilá' dír niina gawaá tsitsinír sahhtiro a taataáhh, eeít halmír dutlutluu/ gawaá haleemaawós kudá' gawto, ngiri haátl gawaá tloomár tleer.

ESEKIELI 37:25

Inooín tari hoot baraá yaamaá baabi'ii'ín kudá' naa haniís dír Yakobo. Inooín nee na/ii'ine nee na/aá nangw'ine, tari baraaká' wa hoot ay alhhe'eesay wasle, Daudi sagadiyusmooeé' giri sawaawuti'ín daqisleeme.

MIKA 5:2

«Ala kiíng, gixsár Betilehemu, ar baraá Efrata, tam ti niinawe baráa tla/ángw gixsadaá yaariir awa tlahhoó Yudawo, ala baraawoge geeraharusmoó wák ngu sláw oo múk Israeli gu sawaawuti'iím. Iimu/úngw tlahhaywós oo iimír aáng, inós oo iimír qaro.»

SEKARIA 3:8

Yoshúa, kaahamusmoó úr oo Mungú, iia qaaseek, kuúng nee kaahamuuseedár hatlá' algadiyuusá', asma mukwí a layár ganaa', asma ga/aaweek, aníng sagadiyusmooeé' kudá' ta bay, Halmi ngu huúw.

SEKARIA 6:12

Daqaní ku beer, AAKOÓ MUNGÚ Aleesleemusmo i kaahi, ‹Ga/aaweek heewí umuuwós an kudá' ta bay, Halmi, inós dirós tidá' i dirii'i iri slu/ubiibín nee Doó AAKOÓ MUNGÚ gu tleehh.

Matayo 1:1

Kaangwí an adór alki/ituú tlahhoó Yesu Kristo kura gooín. Inós oo xwaylár Daudi, Daudi oo xwaylár Abrahamu.

Rumi 15:12

Nee slám aarusmo Isaya i kaahi, «Harma/i ni baraá tlahhoó Yesé dáhh. As xoordu sleémeero ngiwa sawaawuti'ii'in. Inós an kudá' xoordu i haraxuiya'.»

Ebrania 7:14

A gár xu'utiit Aakoorén tlahhaywós a tlahhoó Yuda. Slám Mose kángw kaahamuuse nguwa axweés, gár aa oó' i káhh daanduú tlahhaywihe.

Geehhoeemaá 22:16

«Anuú Yesu malaykamooeé' nguna ya/aáw as muruuwí nguwa dirhúngií lamabu'un, kuungá' múk kríshaanáy oo baraá gixsadaá dimbadimbé. Aníng a heedá' baraá tlahhoó Daudí daáhh. Aníng oo xwaylár Daudi. Aníng an tsatsee/idá' gwa/aat ar matlaatle ar ta bay Haymú.»

Geehhoeemaá 5:5

Nee heé wák baraá bariiseedae aníng ina báy, «Ma /aa/amiimaar. Qaytsiít, Dirángw tlahhoó Yuda i deer, oo hhay Daudi. Inós arba/ati gaa sláy. Gawaá adoorihe inós i harín kitaábu nguwa gweeri nee tam dugeeniiwós kudá' faanqw kura tseegi.»

RUTI 4:17

/Ameenár inslaawaay na/aay guri umí tsát, kaangwí kuri alki/ituú áy dír umuúqo heewo, tawa kaahi, «Naomi garmoó naangw gwaa sleér!» Ku bay Obedi. Inós an kudá' aluuwo Yese ngwa laqwaal, Yese Daudi guri laqwaál.

1 SAMUELI 17:58

Saulo Daudi guri yaahaás, «Gárma, kuúng a garmoó heemá?» Daudi iri oó', «Aníng a garmoó sagadiyusmoowók Yese, kuduú baraá gixsár Betilehemu.»