ISAYA 10:9 - Biblía Axweesantá Hhohho' ar Mungú 2004

⁹ Xaysé', Kalno adór ngi laaq a adór Karkemishirokáhe? Hamati a adór Arpadirokáhe? Samaria a adór Damaskorokáhe?

ISAYA 10:9 Iomraidhean Croise

IIMU/UUNGW 10:10

Iimu/úngw waawuti'iimarós a yaamaá Babuloni, nee Ereki, nee Akadi. Gixsaduuká' sleémeero i baraá yaamaá Shinari.

2 SAMUELI 8:9

Qoomár Toi, waawutmoó Hamati ngiwa axaás adór Daudi Hadadeseri nee mukós kuduú slaqwaraaro ngira baál,

2 WAAWITÁ 16:9

Tiglat-pileseri firoodár Ahasi gari ya/án, gixsár Damasko gari i haraatláy nee ngiri hayóh. Waawutmo Resini oo Aramu guri gaás, muu guri ar tláy ay Kiri.

2 WAAWITÁ 17:24

Naagáy waawutmoó Ashuru muu guna Babuloni wa ar tláy, nee Kuta, nee Afa, nee Hamati nee Sefarfaimu guri huúw baraá gixsaadaá Samaria, didá' múk Israeli kuwa loohatís. Yaamuká' ngina kooín tleehhiyé' nee niri baraá gixsaaduuín wa hootiyé'.

2 WAAWITÁ 18:34

Xáy, munguaá Hamati nee awa Arpadi i amoomá? Munguaá Sefarfaimu nee awa Hena nee awa Ifa i amoomá? Xáy, gixsár Samaria nga ba/amisí'i gawaá dabaeene?

2 QOM'I 32:14

Xáy, baraá munguiidaá xoordaá hatlá' sleémeero, kudá' baabi'iieé' naa ló'wa hhaamisiyé', munguú mukós gwaa aleesláy ba/amisaro gawaá dabaaeene i deéro? Daqaní doóqa Munguúhúng kuungá' nu aleesláy ba/amisaro gawaá dabaaeene.

2 QOM'I 35:20

Alaá tí sleémeero, qoomár waawutmo Yosia doó Mungú nguwa hhe'eés tleehhamooro, Neko, waawutmoó yaamaá Misri, nina hardáh nee slaqwaruuseerose as iwa haratlay Karkemishi, didár yaaér Eufrate. Waawutmo Yosia adoorí ngiwa axaás, guri i haratláy.

ISAYA 10:8

Asma i kaahi, «Geeraharuusér uren sleémeero a waawitahekáhe?

ISAYA 17:1

Kaangwí a iigu'utuú Mungú aa laqán daanduú gixsár Damaskoro, i kaahi, «Ga/aaweek, gixsár Damasko in hhaán iri baloó gixsárí ki/ká, in hhitirút iri ufa tleehhít.

ISAYA 17:3

Koo/idá' gawden ar Efraimu i hhaán, nee waawuti'iimár múk Damasko i qwát, múk Aramu oo aa meet kuri niqín adór múk Israeli. Anuú AAKOÓ MUNGÚ Aleesleemusmo tí án káh.

ISAYA 33:8

Loohidá' ur gár ga ohiim i káhh, hhaytusmoó loohidár waraáhh i kaahh, Al'axweesanay kwa warqemamiís lamabu'uuse kaa waqaá' heé hee gu heé wá tsatsahhaám i kaahh.

ISAYA 36:19

Xáy, munguaá Hamati i amaáriya' nee awa Arpadiro? Xaysé', munguidaá Sefarfaimu i amoomá? Gaálaay Samaria ngaa tu/iye' gawaá dabaaeene?

ISAYA 37:11

Kuúng aga axás adór waawituú Ashuru ayeemo ngaa /imamiís, nee adór kira hhaamimiís. Kuúng kawa xu' aqo tsuwa /uúra?

ISAYA 37:13

Xáy, waawutmoó Hamati i amá? Nee oo Arpadiro nee waawutmoó gixsár Sefarfaimuro nee oo Henaro nee oo Ifaro gaálaay?› »

ISAYA 7:8

Asma ságw Aramu a Damasko, nee oo Damasko a Resini, (nee baraá kureeraá mibeeraá lahhoó' nee kooane Efraimu in qeqtín, as miwa baloó tlahhoó muu tleehhiít.)

YEREMIA 46:2

Axweesantí a tidá' aa oó' daanduú múk Misriro, nee slaqwaruusér Farao Neko waawutmoó Misri, slaqwaruusedár baraá Karkemishi bihhaá yaaér Eufrate. Nebukadnesa waawutmoó Babuloni slaqwaruuseedá' ngaa baál qoomár kurkú tsiyáhh oo waawuti'iimár Yehoyakimu, garmoó Yosia waawutmoó Yuda.

YEREMIA 49:23

Axweesantí an tidá' aa oó' daanduú Damaskoro. Gixsár Hamati nee Arpadi bayta gaa óh, asma kángw tlákw kwaa axaás. Munér muk'ín aa weeqaawéq as dae, inooín taa amoqwaqwadín adór tlawtá aa /eeraagwa', tidá' xasliitaaká.

ESEKIELI 47:16

Didae iri kumiit ay Berota nee Sibraimu, tidár digmuú tla/ángw Damasko, nee Hamati, ay gixsár Haser-hatikoni, tidár dír digmuú Haurani.

HABAKUKI 1:10

Inooín waawitá ngun niqiná', nee múk urén kuri harneet, koo/ír gixsa dir'ine a gár waaniqaay, ngin hhapeérí dalaa/iyá', gixsadá' kari hayoh.

FAARO 34:8

Tloomár Hori wa tleemu alhooresmo kuri qasá' ay waarahhmuú Hamati, nee iri kumiit ay Sedadi,