ISAYA 10:6 - Biblía Axweesantá Hhohho' ar Mungú 2004

⁶ Una ya/aáw xoorór tlaakw ngiwa muxi, una ádbáw mukdá' naa i buúhh nguwa muxi nee ngiwa haasaáng wa ar tlay, ngiwa yaamií kalaa/i adór hhapér baraá loohi.»

ISAYA 10:6 Iomraidhean Croise

2 SAMUELI 22:43

Ina muúx, ngiri teerúw adór hhape, ina muxaxiím, ngiri kal/aám adór baa/ír baraá loohi.

2 WAAWITÁ 18:25

Tam adoorihe, xáy, kuungá' ka xua' aníng nee AAKOÓ MUNGÚ ti kaahi koomanaakáhe as yaamuuhúng ngiwa i haratlaw, nee ngiwa qwaarees. AAKOÓ MUNGÚ an heé iga bay, ‹Yaamusingá' i haratlaweek nee ki hhaamís.› »

ISAYA 19:17

Yaamaá Yuda kiri da'ayuut nee yaamaá Misri, umuú heewo oo taa kángw yaamaá Yuda báy, in daanda feehhiit daeero, as tlehhmuwí AAKOÓ MUNGÚ Aleesleemusmo aa istí tsaát tleehhamooro daanduine.

ISAYA 22:5

Asma Aako MUNGÚ Aleesleemusmo, baala gaa amohhe'eés, baalár /aa/e, nee kal/aando, nee ar tlaahhi, baraá xatstá iigu'utuuwo, koo/ír gixsa kaa yaamií daáhh nee tsimaahhír muko tlom'i niri ilaoohiyé'.

ISAYA 24:5

Yaamu kaa meetagaás nee mukdá' gi hoót, asma hara'ayár Mungú ngina hhitiné', nee kaahirós ngina si'iyé', nee alqadoodár alhhe'eesay wasl ngiri si'iyé'.

ISAYA 29:13

Asma Aako i kaahi, «Mukwí aníng in sluufmisiyá' ar afér tawo, nee in xirfayeemisiyá' ar axweesanoó tawo, siwaadár kilae muner'ín ka sawen dir'eene, nee aníng in ilaiwawa/iyá' ar hara'ayár taa dir'íní intsaahhatís nee muu.

ISAYA 32:6

Asma daktana gár i axwes a daktu'uuma, nee inslaway'ín gar i qoomeemesi a tlakweema. Muruú amór Mungú aasaaká ngun tlehhiitiyá', nee axweesanoó tlákw daanduú AAKOÓ MUNGUHE ngun kaahiyá', múk qwariít ngun qwárkwí ga/ayá', nee múk waxiít ngun /itiyá' ma'aywo.

ISAYA 33:1

Tsaxwaawók kuúnguusíng hhitaatiím, ala kuúng taa hhitinká. Tsaxwaawók kuúnguusíng al/agaagiím ala kuúng taa al/ayiiká, bál bar aga hhe'és hhitaaro, kuúngú kilá' turi hhitín bal bar muu al/agingo ugwa hhe'és, kuúnguú kilá' turi al/aay.

ISAYA 33:14

Múk tlakuuse i da'ayumiit baraá Siyoniro mukdá' Mungú gu ilaiwawa/aaká i daaraax nee ta kaahi, «Baraá tla/agwrene heé qiítl dír asltá /ayiima, baraá tla/angwrene heé qiítl iwa iwiiti dír asltá baloó gwa'aaká.»

ISAYA 41:25

Hee ngwa bihhaá /iikú wa duúk, inós ni hardah, inós ngwaa tsawaár bihhaá da/aáw wa ale, inós umuueé' gu oo', waawitá gun yaamií harakalaa/ adór baa/í adór tleeusmo tleeirós ngir lufu/aa/in.

ISAYA 49:17

Mukdá' kiíng i hhititiím kwa arbaá/, nee kudá' i /abeesá' tleehharo, kudá' iga hhitine' naa quutliyé' diroge.

ISAYA 49:25

Looeemaawo AAKOÓ MUNGÚ i kaahi, «Tam haasaánguú heé migusmo ku hayoh tam haasaánguú heé xaraásl kuqo hayoh. Asma mukdá' nee kuúng ti tlampa'aamisá' nee aníng ti tlampa'aasaán, nee aníng na/iiwók i ba/amís.

ISAYA 5:25

Gawaá adoorihe, AAKOÓ MUNGÚ mukós gwaa i daa/atúy buhhtaawo. Inós gaa dákwí tleés as ngiwa muxi, tam tlom'i niri daaraaxiyé', tu'uuín baraá loohdaá tla/ángw gixsaro a adór xwaansláy. Tam adoorihe muneerós gaa gu/iiká, in kumiit muxtaaro.

ISAYA 5:29

Slaqwaruuser'ín in /orótl adór diraangw, nin /orootliyá' adór na/aá diraangw, kudá' /orootlá' nee sluqor'ín ngi oohá' ngiri huwiyé' amór saaw dír heé ga tuú/ iwa kahhi.

ISAYA 5:5

«Hám daxta adór qaymoorí ngi laaq ngi oó'. Yawtós an feé/, kari hhitín, koo/irós an feé/, kari yaamií kal/án.

ISAYA 63:3

«Aníng sabiíbu una kilooeé' kal/aám baraá tla/ángw muko heé aníng iga alee/iis i kaahh. Aníng xoordu ina kal/aám ar buhhtaaeé' nee ina nakaa/arúw ar xarasleemaaeé'. Tseerduuín naa tsinqamaamitiyé' baraá tlabaaeé', tlabaaeé' sleémeero naa ló'wa slasla/aruuruyé'.

ISAYA 63:6

Aníng muu una yaamií naka/aruurúw ar buhhtaaeé' inooín ngiri xufitiís ar xarasleemaaeé'. Tseerer'ín ngiri yaamií ku'uús.»

ISAYA 7:17

AAKOÓ MUNGÚ kuúng nee mukoge, nee múk doó waawutmo sleémeero, nun slahh'amuú yaariír huuw, oo adór kuduú múk Efraimu nee oo Yuda tiwa paraatliyé' ba/a, nun waawutmoó Ashúrúrí tleés as nuwa i haratlay.»

ISAYA 8:4

Asma dír na/aywí axweesani ngira aleeslayká, daqaari'iimár Damasko nee haasaánguú baraá Samariár daáhh kin huuw amór waawutmoó Ashuru.»

ISAYA 8:8

Wakusmo nin gaanslár dah baraá yaamaá Yuda, yaamuudá' gi dalaa/ adór ma'aá yaaér Eufrate, kudá' yaamu ngi almilala/amiitá', inós hhampi'iiwós birnga gweér yaamuuwók sleémeero ngin tuuntukiyá', aá Imanueli.»

ISAYA 9:17

Gawaá adoorihe, Aako masoombar'ín ga gurtlayká, sleeme i gurtleemuú konká dír panaay nee kwaeeliiwo. Asma heé Munguú ilaiwawaá/ i kaahh, umuú heewo a lamusmo. Tam adoorihe muneerós gaa gu/iiká, tam hamí dakós i loloqoosárí kaahh.

ISAYA 9:19

Ar buhhtaá AAKOÓ MUNGÚ Aleesleemusmoowo, yaamu kaa daá/ ar asla, nee muu a adór migiruú asla kar oohisi. Tam heé hhiyaawós gu gurtlatláw i kaahh.

YEREMIA 25:9

aníng daxta xoordu sleémeero awa /iikú dahhá', dinkwa nee sagadiyusmooeé' Nebukadnesa, waawutmoó Babuloni, ngin huúw as yaamuuká' ngiwa ii haraatlaya' nee múk baraakií dirií', dinkwa nee xoordaá inslaawaay sleémeero. Inooín aníng in hhaamiís ló'wa alé, nee ngiri gár dae tlaaq tleéhh, kiri waaniqín, nee kiri waaqaqaa' ay alhhe'eesay wasle.

YEREMIA 3:10

Tam adoorihe hhaeeín awa Yuda kudaá al/aymuuse naa amor'eénií ki/i'iiká ar muner'ín sleémeero, aqo har hhahhafiingw kilós. Anuú AAKOÓ MUNGÚ tí ngina oó'.»

YEREMIA 34:22

Anuú AAKOÓ MUNGÚ a kah, ga/aaweek, aníng inooín i ádbáw as gixsarí ngiwa malé inki/iya' slaqwaraaro, nee gixsarí ngiri hayoohiyá', nee ngiri da/iyá' ar asla. Aníng gixsadaá Yuda i xaanxay tleéhh, tam múk gi hoót iri qwaar.»

YEREMIA 4:14

Kuungásingá' Yerusalemu, tlakweemaá baraá munerhúng hhohhoeesaak as tunduwa ba/amisi. Ay xaylá muruú tlákw ku aldakwaakuta' baraá munerhunge?

ESEKIELI 29:20

Aníng yaamaá Misri i haniís as tawa bu'utuú slaqwaruuseerós, asma gadiyér ur ngaa tleehhiyé' as aníng. Anuú Aakoó MUNGÚ tí aga oó'.

ESEKIELI 38:12

Daqaari'iimár mukduú baraá gixsaduudá' hoót kuúng an hayót, gixsaduudaá aáng xaanxaay. Mukwí kunguna burumbuúr baraá xoordaá hatlá' wa ale, nee hám daxta inooín i hikwaá koná' nee daqaari'iimaro, inooín ta tla/ángw yaamuú wa hoot.›

ESEKIELI 38:13

Yaamulouusér Sheba nee Dedani dinkwa nee múk halaanu'uumár tlehhiít oo yaamaá Tarshishi nee oo isapaydá' bir yaahamisiyá', tawa kaahi, ‹Xáy, naa haasaángú léhhi? Xáy, slaqwaruuseerók aga buruumbúdi as tawa haratleera' nee haasaáng kuwa ar tleér nee peésa kawa taatahh nee sahaábu, nee haasaángú yaariír kuwa ar tleer?› »

MIKA 7:10

Wakusmooeé' iri muruut adoorí birnga ár, tam kudá' káh, «AAKOÓ MUNGÚ, Munguúwók i amá?» Aníng a qwalalaá/ daxta, asma wakusmooeé' u ár kuwa kal/an adór baa/ír baraá loohi.

HABAKUKI 1:12

«Kuúng, AAKOÓ MUNGÚ, Munguúeé' Kudá' hhoohhoó', kuúng an daadeer iimír iimu/uungw wasle, nee an baloó alhhe'eesoó koondaaká. Kuúng AAKOÓ MUNGÚ, múk Kaldayo nguna tlés amooréní ale as tiwa sakwasleemuutiya'. Kuúng Tlaá/a, mukdá' ugwa aleesleemuú hanís as atén tiwa muxiya'.

SEKARIA 10:5

Inooín dinkwaaro tay adór hhawaataá miguuse baraá slaqwaraaro, awa wakuuser'ín ngi kal/aamá' baraá baa/ír baraá loohi. Inooín in slaqwiyá' asma AAKOÓ MUNGÚ i dinkwa nee inooín. Inooín slaqwaruusér faras gwa i tsa/aan kan mureekees.

Matayo 15:7

Kuungá' a hhaahhafuuse. Adoodá' aarusmo Isaya aa aarín as kuungá' i qoón, tidá' iwa kaahi,