ISAYA 10:33 - Biblía Axweesantá Hhohho' ar Mungú 2004

³³ Ga/aaweek, AAKOÓ MUNGÚ Aleesleemusmo, haleemi gin tsaat ar /uuruú dae tlaáq, kudá' gáwtí tlet gin tlaaq, kudá' naa tlenaanuye' kin yaamií daahh.

ISAYA 10:33 Iomraidhean Croise

2 QOM'I 32:21

AAKOÓ MUNGÚ malaykamoowós guri ya/aáw, slaqwaruuseedár miguuse ar waawutmo Senakeribu, nee geeraharuuseero giri tsuú/, kudá' baraá xafáy diriiá'. Waawutmo iri waátl ayaawós i alé ar mure. Qoomár iwa dáh baraá doó munguúwós, kuri gaás nee daaqaywós oo kilá' ar paánga.

ISAYA 18:5

Asma dír fiiqit ira xayká, qoomár /ayo bira hú', qoomár sabiíbu bira hamaár, Mungú harma/o gan tsaat ar makásidá' xaai kir tlaqaaqati, nee haleemiidá' naa ifiitiye' giri alkwaasl.

ISAYA 32:19

Gartá wakuuse iri fák nee gixsar'ín iri hhaán.

ISAYA 33:3

Muu in ta'aaín as xuuraaír afoorók, xoordu nin diyaa/atiyá' as sihhtanoorók.

ISAYA 37:38

Looarka wake waawutmo ina sluufmisuú áy baraá doó munguúwós kudá' ta bay Nisroki. Daaqaywós kudá' ta bay Adrameleki nee Shareseri nguri gaasiyé' ar paánga, niri /akumiitiyé' yaamaá Ararati. Naagáy garmaawós kudá' ta bay Esarhadoni iri waawuti'ín kitaangós wa alé.

ISAYA 5:15

Umuú heewo ku amoqwaarees, hhawaate ki mureekees, mukdá' ti gáwtí tleemiís ku baráy ki/is.

YEREMIA 22:7

Múk kuúng u hhaamiís daa ngu amohhe'eés, umuú hee nee xooslmoowós baraá dakose. Xaaiiwók kudaá sahhta awa hhohho' kin tsaat kiri kwaahh baraá asla.

ESEKIELI 31:3

Kuúng a adór sahhtír yaamaá Lebanoni, tidár haleemi hhohho', nee loo/o yaariir nee tidá' tleer, tsitsini ina purúts gawaá doori.

DANIELI 4:37

Hám daxta, anuú Nebukadnesa waawutmoó gawaá doori un xirfayemiís nee un diidi'iimiís, nee un ilaiwawaá/. Asma tidá' inós i tlehhiiti sleémeero i ganá', nee mukdá' aa daara/umiit gawa tin wa /arara'aas.»

AMOS 2:9

«Tam adoorihe, aá muk'eé', aníng xoorór Amori ana hhaamiís geerahúng wa alé, inooín tam múk tlede adór sahhtár wa ale, nee tam i /uureemaá kona'a adór ti'ituú wa ale, eeít, aníng haleemiiwós nee dee/áruwose ina qororo'oós.

NAHUMU 1:12

AAKOÓ MUNGÚ i kaahi, «Tam inooín i /uuruú kona'a, nee tam ki yaariire, ala kin suwa tsaat kiri hhaamiis. Tam aníng kuungá' naa slahh'eemisi, daxta nu male slahh'eesaaká.

Luka 14:11

Asma heé ti ureemiís, ku niinawees. Nee kudá' ti niinaweemiís, ku urees.»