ISAYA 10:32 - Biblía Axweesantá Hhohho' ar Mungú 2004

³² Laarír kilá' inós in sihhiit baraá yaamaá Nobu, inós kuundi'iiwós giri maamakuus amór tloomár múk Siyoni, nee amór gongoamoó Yerusalemu.

ISAYA 10:32 Iomraidhean Croise

2 QOM'I 32:1

Alaá muruuwí sleémeero oo inkihhimuú waawutmo Hesekia, waawutmo Senakeribu oo múk Ashuru yaamaá Yuda gina i haratláy. Iri tláy xafay gway tleéhh didár gixsadá' koo/i gawit, ngiwa xui yaamu gi kós tleehh.

2 QOM'I 32:2

Qoomár waawutmo Hesekia ngiwa ár waawutmo Senakeribu naa hardáh as gixsár Yerusalemu ngiwa i haratlay,

NEHEMIA 11:32

Bahh'alé Anatoti ngina hootiyé' nee Nobu, nee Anania,

ISAYA 1:8

Gixsár Siyoni kaa kilós geexáy, adór islángw baraá qaymór sabiíbu, adór hháw qaymór taangí, nee adór gixsár taa harweér nee slaqwaruuse.

ISAYA 10:24

Gawaá adoorihe, Aako MUNGÚ Aleesleemusmo i kaahi, «Xaysé', muk'eé' kuungá' awa Siyonír hootá', ma da'ayumitaara' qoomár burnu muxiyá' ar hhara nee ar qawaay, tam ugwa daanda tsi/isi ar adoodá' múk Misri aa tlehhiít.

ISAYA 10:31

Múk Madmena ta baraá guwaay, yaamuloouusér Gebimu taa /akumiít as dír saxamaar ngiwa slaya'.

ISAYA 11:15

AAKOÓ MUNGÚ tsifrángw tlawtá Misri gu /oomees, dakós gu maamukuus daanduú yaaér Eufratero, ar fur'aarós ar kahamiis, yaeedá' iri qasít, tari yau faanqw. Muu iri waraahh ar ya'a'.

ISAYA 13:2

«Layarhúng tidár bendeéra laqaamaak, gawaá tloomár kwaankwarír wá ale, slaqwaruuse ateetaak ar afór ur, Ateetaak ar daba' as kahhó' niwa dahiiya' baraá gixsár múk urén!

ISAYA 16:1

Deeloó bee/aangw ya/awaak, amór waawituú yaamu amór Sela tiwa ya/abe' tidár baraá xaanxaay, ay amór tloomár múk Siyoni.

ISAYA 19:16

Baalaadae múk Misri tari da'ayumiit adór /ameena, tari kitlkiitl daeero as dakwduú AAKOÓ MUNGÚ Aleesleemusmo aa gawaaíní tleés.

ISAYA 2:2

Adoorí an adór deelór alhhe'eesaywo tleehharuut. Tloomár Doó AAKOÓ MUNGÚ ka gawdees tlom'i sleémeero ba/a, nee kari gáwtí tlees tlom'aá hatlá' ba/a, nee xoordu sleémeero ngiri i daqayá'.

ISAYA 29:2

Tam adoorihe, aníng Yerusalemu a slahh'eemiís, tari /aa/amín nee tari tsuunqumiis, gixsarí iri kitángw ilahhooa tleehhít.

ISAYA 37:22

AAKOÓ MUNGÚ waawutmoodá' gun babay, ‹Gixsár Siyoni tidár dasír maa/i kuúng una waaqá' uri niqiín, Gixsár Yerusalemu tidár adór dasír hhoohhoo' sagós guna mumukumís aluuwók wa ale.

ISAYA 8:8

Wakusmo nin gaanslár dah baraá yaamaá Yuda, yaamuudá' gi dalaa/ adór ma'aá yaaér Eufrate, kudá' yaamu ngi almilala/amiitá', inós hhampi'iiwós birnga gweér yaamuuwók sleémeero ngin tuuntukiyá', aá Imanueli.»

YEREMIA 6:23

Inooín ga/aldu nee lawlu nga baraá dabaaín i oohiyé', múk xaraásl i gurtleemú konká, i kududuhiyá' adór hhaahhoó' ma'aay. Naa tsa/ané' gawaá daandeemaá faras, taa amohhe'eesiyé' slaqwaraaro daanduú Siyoniro.»

MIKA 1:9

Inkahha'aá Samaria i baloó hungu/iaaká, múk Yuda sleeme inkahhi'iidá' gaa sláy, naa hardihiyé' ay afér maraá Yerusalemu, didár muk'eé' i dirii'i.

SEKARIA 2:9

«Ga/aawaak, dakw'eé' un mamukuús gawaaín i alé, inooín tay lawaalér kudá' nga sagadiyuusiye'.» Kuungá' kay tsahhá' adór aníng AAKOÓ MUNGÚ Aleesleemusmo ira ya/aáw.

1 SAMUELI 21:1

Daudi iri hardáh dír Ahimeleki kahaamusmoó Mungú oo baraá yaamaá Nobu. Ahimeleki Daudi guri al'áy ar daaraxaay guri yaahaás, guri báy, «Kuúng misinda kilók hardát?»

1 SAMUELI 21:2

Daudi Ahimeleki kaahamusmoó Mungú, guri báy «Gár nis diirí a waawutmo ina ádbáy, ina báy, ‹Kángw aníng kuúng uwa ya/aáw ló' heé hatlá' munguwa xuú'. Nee masoombar'eé' aga al'axweesaán tiwa doogaan dirkaárí ale.›

1 SAMUELI 22:19

Gixsadár Nobu ar kaahamuusér Mungú, gana i warqáy, muu guna i warqáy tsu/taro ar paánga hhawaate nee /ameenaaro, nee na/ii nee kudaá qaweero nee hikwaawo, nee daqwayeero, nee bee/aango, sleémeero gina tsuú/.

1 SAMUELI 22:9

Aluuwo Doegi, heé Edomu, oo sihhimiít bihhaá sagadiyuusér Saulo wa ale, iri oó', «Garmoó Yese una ár iwa Nobúr káy amór Ahimeleki, garmoó Ahitubu, kaahamusmoó Mungú.