ISAYA 10:3 - Biblía Axweesantá Hhohho' ar Mungú 2004

³ Hám adór ta laqa' deelór muxtaaro, deelór bambaaór ur burna amór saáwá i hardát? Heé ti ta'aiinda' a heemá oo nu /iís? Dír daqaari'iimarhúng ki qasa' a diimá?

ISAYA 10:3 Iomraidhean Croise

IIMU/UUNGW 31:1

Yakobo qununu/oó na/aá Labani guna axaás, tawa kaahi, «Yakobo daqaari'iimár baabuúrén sleémeero gana ar tláy, taa daqaaritiís ar daqaari'iimár baabuúrén.»

2 WAAWITÁ 7:15

Mukdaádá' ina tláy ay Yordani, nee baraá loohiro tlaba nee xooslaá hatlá awa taa slaslaáx nee múk Aramu qoomár iwa ti'ii'ina' ngina ariyé'. Niri ki/iyé', kaangwí nguri ooiyé' dír waawutmo.

YOBU 31:14

daqaní bál bar Mungú naa hardáh adór ni laaq? Daqaní bál bar Mungú iga yaahamisuú áy mur mu/aywaáts?

AXWEESANOÓ SAGALOOA 11:4

Daqaari'iima hee gu gaa wa bu'uká qoomár qwanaywo, Ala hotaá ganaa'á' hee ngu tu/iyá' dír gwa'araro.

ISAYA 13:6

/Aa/amiimé' asma deelór AAKOÓ MUNGÚ naa tseewuúr. Baalár qwanaay ni hardát amór Aleesleemusmoó wá ale.

ISAYA 17:4

«Baalaadae xirfuú múk Yakobo i qwaar, nee slaqooín kudá' naa wahhdiitiye' i faakiyá'.

ISAYA 20:6

Baalaadae yaamuuloouusér afaá tlawi iri o', ‹Qaytsité', mukdá' atén ta harahhifaafitaan gár gwaa sleer, kudá' tay gwaagowaan tiwa tu/iya' dír waawutmoó Ashuruwo. Hám daxta atén adór tar /uwaan?› »

ISAYA 26:14

Inooín naa qatliyé', i baloó slafiaaká, inooín naa qatliyé' slám i waslee/iaaká, asma kuúng ina alhi'iitanór eér as kiwa hhaamis, inooín kiri baloó inslayká.

ISAYA 26:21

Asma ga/aawaak, AAKOÓ MUNGÚ ni tláy dirós tidá' i dirii'i, as yaamuloouusér yaamuuká' ngiwa muxi as tlakweemaaín, tam tseerduudá' taa ku'umamiís hhape sleeme gi gu/uká, tam tu'uudá' sleeme hhape gi tuuntukká.

ISAYA 28:20

Asma dír kuungae a adór heé aa qaat gawaá qatanír ququmaar, nee adór heé tsatmír inqwaari gaa uuntsuus.

ISAYA 29:6

AAKOÓ MUNGÚ Aleesleemusmo kiíng i alee/iis ar kwarara/a nee kunseeli nee afór ur, nee ar bambaao nee duki nee tsángw asla oo /ayiím.

ISAYA 30:16

Kitangose kuungá' tari oé', «Aasla'áy! Atén an /akumitaán ar farasuú ti'ii'íngw baál.» Kuungá' aqo ta'aaiindá', tari malé oé', «Atén makaá ti'íingw baalá' tinar tiaainá'.» Gawaá adoorihe mukdá' kuungá' nu gusisiím, ti'iingo kuungá' nu baa/.

ISAYA 30:5

inooín sleémeero ki mureekees ar loohír mukdá' inooín /iisaro gi aslawká. Múk inooín /iisaro gi aslawká sleeme ki slaasláwarí hanisiiká, ala gár ni aleeslaya' aqo har mureekeesa nee niqaay.»

ISAYA 30:7

Asma alee/isoó múk Misri a adór tawo nee kahhaay. Gawaá adoorihe aníng Misri ngiri báw ‹Umuuwók a dayshamoó aa xasliit.› »

ISAYA 33:14

Múk tlakuuse i da'ayumiit baraá Siyoniro mukdá' Mungú gu ilaiwawa/aaká i daaraax nee ta kaahi, «Baraá tla/agwrene heé qiítl dír asltá /ayiima, baraá tla/angwrene heé qiítl iwa iwiiti dír asltá baloó gwa'aaká.»

ISAYA 39:3

Aluuwo aarusmo Isaya iri amór waawutmo Hesekia káy, guri báy, «Mukwí gár i kaahi a milá? Nee amór ni dahhiya' a amá niwa dirógí hardihiyé'.» Hesekia iri oó', «Mukwí amór i dahhi ka ló'wa saaw. A baraá yaamaá Babuloni.»

ISAYA 5:14

Gawaá adoorihe gi'i i muk'ín daamarná' ar haayi, afe nga awaatliyé' ay alhhe'eesay. Kudá' ilaiwa/amér koomá' awa múk Yerusalemu, tan baraadá' i dah ar daqooráy, tam nee kudá' sleémeero tí ngi saqwalala/a'a.

ISAYA 5:26

Inós xoorór saaw gan ateet, inós gi ateet ar fuutlo iimír alhhe'eesoó yaamií ale, ala ga/aaweek, nin ti'iíngwár hardihiyá'.

YEREMIA 22:7

Múk kuúng u hhaamiís daa ngu amohhe'eés, umuú hee nee xooslmoowós baraá dakose. Xaaiiwók kudaá sahhta awa hhohho' kin tsaat kiri kwaahh baraá asla.

YEREMIA 4:30

Kiíng Yerusalemu taa tawo geexáy. Gár tlabaá kal'aá da/aten kis dahas? Gár tis parootus ar sahaábu a milá? Nee gár hhamhhamaá ilaawók kis qaaliin? Tin tawo parootús. Sla'aaruuseerók iga qaroó waaqá', nee inooín gár i slaiya' in gaasiyá'.

YEREMIA 5:31

Aaruuse i lamtá aariiriín, kaahamuusér Mungú muu gun geeraharaahát ar sager'ín, slám muk'eé' adoodá' ga slaa'. Ala alhhe'eesoó tí birna xáy, adór ta /isa' a adoomá?

YEREMIA 9:9

AAKOÓ MUNGÚ i kaahi, «Xáy, mukwí uqo sakwasleemutakáhe as muruuwí, xáy, li/oó muruuwí uqo buaakáhe dír xoorór adór tihe?

HOSEA 5:13

Qoomár múk Israeli tiqtir'ín ngiwa tsaáhh, nee múk Yuda inkahhi'ii'ín ngiwa tsaáhh, Múk Israeli iri tláy amór Ashuru, muu guri ya/aáw amór waawutmoó úr, ala inós kuungá' hungu/uusaro nu aleeslayká, tam inkahhi'iihúng gi hungu/uusiiká.

HOSEA 9:5

Bál deeloodá' ur ar AAKOÓ MUNGÚ adór ta laqa', tidá' taa amohhe'eés laqaá baalaadár muruú /aymár AAKOÓ MUNGÚHE.

HOSEA 9:7

Deelór nuwa muux naa xeér. Deelór li/aay nguwa buu' naa hardát. Múk Israeli gari xuxuu' qoomaadae, kuungásingá' kaahá', ‹Aarusmo a daktani! Heé ta geeraharahari nee qeeruú Mungú a slarhhamá!› Adoorí an katá' asma tlakweemaahúng naa tlahhiyé' nee aahhirhúng ar tlakw aa tláhh sleeme daanduueene.

AMOS 5:19

Deeloorí dirhunge a adór heé aa dirángw wa goow tiri doogiyé' nee duúbu. Laqaá adór heé aa dah baraá do', dakós gway qaás gawaá baqa, kuri kiihh nee dayshamo.

MIKA 7:4

Tam kudá' hhoó' baraá tla/angw'ine a adór fuquráy, nee heé ganaá' baraá tla/angw'ine a adór yawtá laqeelo. Qooma naa hardát ar Mungú mukwí nguwa muxi, adoodá' xuumuuser'ín ngira geerií gurbuú', asma xuumuuser'ín a aaruuse. Mukwí qoomaarihe dae gway eér, nay amoqwaariyá'.

SEFANIA 1:18

Peésar'ín laqaá nee sahaábuwo sleémeero gi ba/amisiiká bál deelór xarasleemaá AAKOÓ MUNGUHE, ala tam yaamu sleémeero kin daa/ ar asltá da/tós, asma muu sleémeero oo baraá yaamuuká' hoót gun qwaarees ar hartsatángw dae tlaáq.

Luka 19:44

tiri yaamií daahh, kiíng nee mukók, tam tlaa/anoó gawaá kuqí meét i kaahh oo ta fee/iiká. Asma siiwadá' Mungú iwa i hardáh aga tsahhiká.»

DABE 28:49

AAKOÓ MUNGÚ xoorór amór saáw daahh ngin huuw, kuúng uri i haratleér ar gaanslaay adór gwareesi ir gáwtí tlaatleer, xoorór kuúng tsifirirós ta xu'uká.

1 Petro 2:12

Slafingwhúng masók i tlehhema'aá hhohhó' laqaaqán dír geeraá múk xoorduuwo. As qoomár inooín burtundu /ayseenií tlaaq, tawa kaahi, a muruú tlákw tlehhitá', ala inooín tlehhemi'iihúng awa hhohho' birka ara'ár, daqaní inooín Mungú ku xirfayees bál inós birna hardáh.